ရယ်ပြသောရုပ်ပွားတော်

ရယ်ပြသောရုပ်ပွားတော်               ၁၉၉၈ ခုနှစ်ခန့်က အမေငြိမ်းအမည်ရှိသော သားဖွားဆရာမကြီးတစ်ဦးသည် အသိမိတ်ဆွေ အိမ်တစ်အိမ်တွင် ရယ်လည်းရယ် ၊ မျက်စိလည်းဖွင့်ပြသော ရုပ်ပွားတော်တစ်ဆူပင့်ထားသည် ။ ယင်းရုပ်ပွား တော်အား ဆရာတော်ဖူးမြှော်ရန်လိုက်ခဲ့ပါဟု ပင့်သဖြင့် ဗဟုသုတရအောင် လိုက်သွားခဲ့၏ ။ ပင့်ထားသော အိမ်ကား သူဌေးအိမ်ပင် ဖြစ်၏ ။ ဘုရားပုံတော်ကိုကြည့်လိုက်သောအခါ ဒဏ္ခိဏသာခါ ပုံပင် ဖြစ်နေ၏ ။ ရွှေ ၊ ငွေ ၊ ကျောက်သံပတ္တမြား တို့ဖြင့် စီခြယ်ထားလိုက်သည်မှာလည်း ဘုရားပုံတော်ပင် ပျောက်လုခမန်း ဖြစ်နေ၏ ။ ပင့်သူများကလည်း ထိုသို့ အဖိုးတန်ပစ္စည်းများများပါမှ ဂုဏ်ယူဝင့်ကြွားစွာ သူ့ထက်ငါ ပင့်ကြ၏ ။                        ထို့ကြောင့် လူပင့်များသော ရုပ်ပွားမှန်သမျှတွင် ရတနာများ ညွှတ်နေအောင် ဆင်ထားခြင်း ဖြစ်၏ ။ အမြင်ရအဆိုးဆုံးကား ဗုဒ္ဓရုပ်ပွားတော်ကို ဆွဲကြိုးများ ထပ်နေအောင် ဆွဲပေးထားခြင်းဖြစ်၏ ။ ရွှေ ၊ ငွေ ၊ ကျောက်သံပတ္တမြားတို့ကို ဘုရားရှင်ကိုယ်တော်တိုင်ပင် မသုံးစွဲသလို တပည့်ရဟန်းများလည်း မသုံးစွဲရ ပါ ။                   ထိုသို့ ရွှေ ၊ ငွေ ကိုပယ်ထားသော ဗုဒ္ဓရုပ်ပွားအား ရွှေ ၊ ငွေ များညွှတ်နေအောင်ဆင်ခြင်းသည် မည်သို့မျှ မသင့်တော်နိုင်ပေ ။ ယခုကဲ့သို့သိပါလျက် ရတနာများကို ဆက်လက်ဆင်မြန်းနေကြဦးမည်ဆိုလျှင် " ဗုဒ္ဓဂရုက - ဘုရားကိုအလေးထားခြင်း " မဟုတ်တော့ ။" လာဘဂရုက - လာဘ်လာဘကိုအလေးထားခြင်း " သာ ဖြစ်၏ ။                       ဗုဒ္ဓဂရုက သည်ဘုရားကိုကြည်ညိုသော သဒ္ဓါဓာတ် ( ကုသိုလ်တရား ) သာဖြစ်၏ ။ လာဘဂရုက ကား လာဘ်ကိုလိုချင်သော လောဘဓာတ် ( အကုသိုလ် ) သာ ဖြစ်၏ ။ ရုပ်ပွားပိုင်ရှင်များသည် လောဘ စသော ကိလေသာကင်းသော ဘုရားကို အကြောင်းပြုပြီး မိမိကိုယ်တိုင် လောဘကင်းအောင် ကြိုးစား သင့် ၏ ။ လောဘပွားအောင်ကား မပြုလုပ်သင့်ပေ ။                  ရုပ်ပွားတော်ကို သုံးနာရီခန့်ကြာအောင် ထိုင်ဖူးသော်လည်း ရုပ်ပွားကား ရယ်လည်းမရယ် ၊ ပြုံး လည်းမပြုံး ပြပေ ။ ထို့ကြောင့် ရုပ်ပွားနှင့်အတူပါလာသော ဥပါသကာကို မေးရ၏ ။ " ဒကာကြီးတို့ ရုပ်ပွားက ဘာမှလည်း လုပ်မပြပါလား " ' ဒီလိုရယ်တာ ၊ မျက်စိဖွင့်တာက အိမ်တိုင်းမှာတော့ မဖြစ်ဘူးဘုရား ၊ တစ်ချို့အိမ်မှာပဲ ဖြစ်တာပါဘုရား ' " ဒကာကြီးရေ ၊ ဦးပဉ္ဇင်းတို့ကြားဖူးတာက - သံဃာညွန်ညစ် ၊ ကျွံနစ်ဟိန္ဒဂူ သားချစ်ရာဟု ၊ မျှော်ရှုပုံတူ ကြည်းကုန်းထက်သို့ ၊ ဆွဲလျက်တင်သူ ကျွန့်ထိပ်ဦး ၊ ကွန့်မြူးစံတော်မူ.................တဲ့ ။             ဘုရားရှင်ဟာ ဝေနေယျသတ္တ၀ါမှန်သမျှကို ရင်သွေးရာဟုလာ ကဲ့သို့ တစ်တန်းတစ်စားတည်း မေတ္တာ ထားတော်မူတာပါ ။ ဗုဒ္ဓကို သုံးကြိမ်တိုင်တိုင် သေကြောင်းကြံခဲ့တဲ့ ဒေ၀ဒတ်အပေါ်မှာတောင် မေတ္တာပျက် တော်မမူပါဘူး ။                ဒီလိုစိတ်ထား မျှတတော်မူတဲ့ ဘုရားရှင်က ဟိုအိမ်ကျတော့ မျက်လုံးဖွင့်ပြ ၊ ဒီအိမ်ကျတော့ ဖွင့်မပြ ဆိုရင် မျက်နှာလိုက်သလို ဖြစ်မနေဘူးလား ။ "                 စကားအဆုံးတွင် ထိုသူသည် ချိုကြည့်လှမ်းကြည့်လိုက်၏ ။ မမြင်ဟန်ဆောင်ပြီး သည်းခံနေလိုက် ၏ ။ ထိုသူသည် ချိုကြည့် ကြည့်ပြီးသည်နှင့် အပြင်ကို ချက်ချင်း ထွက်သွား၏ ။ ခဏကြာလျှင် ဗီဒီယိုတစ်ခွေ ကိုင်ပြီး ပြန်ရောက်လာ၏ ။ ရင်ကော့ကာ စစ်အောင်နိုင်သူ၏ လေသံမျိုးဖြင့် - " ရယ်ပြတာ ၊ မျက်စိမှိတ်ပြတာတွေကို ဗီဒီယိုရိုက်ထားတာ ရှိပါတယ် ၊ အရင်ပင့်တဲ့အိမ်က ကြည့်မပြီးသေး ဘူးဆိုလို့ ချက်ချင်း ယူမလာတာပါ ၊ အခုယူခဲ့ပါပြီ ၊ ကြည့်ပါ " ဟု ဆိုပြီး အခွေကိုထည့်လိုက်၏ ။ ခဏကြာလျှင် ထူးမခြားနားသီချင်းသံနှင့်အတူ ဘုရားဘွဲ့တော် အပူဇော်ခံ ရာမြို့ ၊ ရပ်ကွက် ၊ အိမ်နံပါတ်နှင့်အတူ ရယ်နေသော ဘုရားပုံတော် ပေါ်လာ၏ ။ ဗုဒ္ဓရှင်တော်မြတ်သည် ပြုံးရုံသာ ပြုံးတော်မူလေ့ရှိ၏ ။ အော်ဟစ်ရယ်မောခြင်း ၊ မျက်ရည်ထွက်အောင် ရယ်ခြင်း ၊ ရှေ့ထိုးနောက် လန် ရယ်ခြင်း ဟူသော လူညံ့ရယ်ခြင်းမျိုးကို မည်သည့်အခါမျှ ရယ်တော်မမူပေ ။                ဗုဒ္ဓ၏ အာဝေဏိကဂုစ်တော် ( ၁၈ ) ပါးတွင် " နတ္ထိရ၀ါ - မြူးထူးရယ်မောခြင်း မရှိ " ဟူ၍ ပြဆိုထား ၏ ။ ယခုရယ်နေသော ရုပ်ပွားတော်၏ ပါးစပ်သည်ကား ဦးတည်ဘွားပါးစပ်ထက်ပင် ကျယ်ဦးမည် ထင်သည်။ သွားကြီးများပင် ပေါ်နေသည်ကို တွေ့ရ၏ ။ ဗီဒီယိုကို လှည့်စားပြီး ရိုက်ထားခြင်းသာ ဖြစ်သည် ။ လိမ်သော သူသည် မပိမရိ ဖြစ်နေတော့သည် ။ မြတ်စွာဘုရား ပြုံးရုံသာ ပြုံးသည် ဆိုသည်ကို သူတို့တတွေ မကြားဖူး သောကြောင့် ပါးစပ်ပြဲပြီး ရယ်သောပုံကို ရိုက်ပြထားခြင်း ဖြစ်၏ ။                မိနစ်အတော်ကြာသောအခါ မျက်စိဖွင့်သောပုံ ပေါ်လာပြန်၏ ။ တကယ်ဆိုလျှင် က္ကနြေ္ဒရရ ဖြစ် အောင် နှစ်ဖက်စလုံး ဖွင့်သောပုံ ဖြစ်သင့်၏ ။ ယခုကား ဘုရားပုံဖြစ်လျက် မျက်လုံးတစ်ဖက်သာ ဖွင့်ထားပြီး တစ်ဖက်က မှိတ်လျက်သာ ဖြစ်၏ ။ မျက်လုံးတစ်ဖက်မှိတ်ရသောအလုပ်မှာ မည်သူက မည်သူ့ကို လုပ်ပြခြင်း ဖြစ်ကြောင်း အရွယ်ရောက်သူတိုင်း သိနိုင်၏ ။                   မျက်စိတစ်ဖက် ဖွင့်ပြသော ပုံကိုရိုက်ပြလိုက်လျှင် မျက်စိတစ်ဖက်မှိတ်ပြသော ကလေးကလား ဆန်သောပုံ ဖြစ်သွားမည်ကို မုသာဝါဒီ ဗီဒီယိုဆရာက သတိထားမိဟန် မတူပေ ။ ကျောင်းသို့ပြန်ရောက် သောအခါ ပင့်သွားသူ အမေငြိမ်းက - " ဆရာတော် ၊ အံ့သြစရာ မကောင်းဘူးလား ဘုရား " " အံ့သြစရာ မကောင်းပါဘူး ၊ စိတ်ပျက်ဖို့ပဲကောင်းပါတယ် " " ဘာဖြစ်လို့လည်း ဘုရား " " ဒကာမကြီး စဉ်းစားကြည့်ပေါ့ ၊ တကယ် အစစ်အမှန်ဆိုရင် ဦးပဉ္ဇင်းတို့ရှေ့မှာတင် ရယ်ပြ ၊ မျက်လုံးဖွင့်ပြ ရမှာပေါ့ ၊ အခုတော့ လုပ်ကြံရိုက်ထားတဲ့ ဗီဒီယိုပဲ ပြတယ် ။ ဒီကတည်းက လိမ်နေတယ်ဆိုတာ အထင်အရှား ပဲ ။ ဒီလိုလိမ်တာကလည်း အလွယ်လေးပါ ။ ရုပ်ပွားခေါင်းတော်ကို အရှင်သုံးမျိုး လုပ်ထားရတယ် ။"                 " တစ်မျိုးက ရိုးရိုးခေါင်း ၊ တစ်မျိုးက ရယ်နေတဲ့ ခေါင်း ၊ နောက်တစ်မျိုးက မျက်လုံးဖွင့်ထားတဲ့ ခေါင်းပေါ့ ။ ဒါကြောင့် တစ်အိမ်တစ်မျိုး ဖြစ်တာပေါ့ ။ "                " ဒါဆိုလည်း ဆရာတော် ၊ အိမ်ရှင်တွေကို လိမ်နေတာ ဖြစ်ကြောင်း တစ်ခါတည်း ရှင်းပြခဲ့ရောပေါ့ "               " လိမ်စားနေတဲ့သူသာ အကုသိုလ် ဖြစ်တာပါ ၊ အလိမ်ခံရတဲ့သူတွေကတော့ သဒ္ဓါဓာတ်တွေ နိုးကြား တက်ကြွနေကြတော့ ကုသိုလ်တွေပဲ ဖြစ်နေမှာပါ ။ သူတို့ရဲ့ ဖြစ်ပွားနေတဲ့ ကုသိုလ်လေးတွေ ချက်ချင်း ပျက် သွားမှာစိုးလို့ မပြောခဲ့သေးတာပါ ။နောက်တော့ဒီအကြောင်းကို ဆောင်းပါးရေးဦးမှာပါ ။ နောက်ဖြည်းဖြည်း မှ ဒကာမကြီး ကိုယ်တိုင်ကလည်း ရှင်းပြလိုက်ဦးပေါ့ " ကျမ်းကိုး -့် မေတ္တာရှင် ( ရွှေပြည်သာ ) ထေရ၀ါဒမှတ်ကျောက် -စာ - ၃၄ မှ မူရင်းအတိုင်းဖော်ပြလိုက်ရပါသည် ..............................................................................................................................................................................................................................................