ဗုဒ္ဓဘာသာကို လူမျိုးအသီးသီးက ယုံကြည်ကိုးကွယ်ကြရာတွင်မူလဗုဒ္ဓဘာသာ
ပိဋကတ်ကျမ်းဂန်မှာ မပါသော်လည်း မိမိတို့ လူမျိုးအလိုက် ယုံကြည်သက်ဝင် လက်ခံ
ထားကြ သော ရိုးရာယဉ်ကျေးမှု အစွဲအလန်းများကို ဗုဒ္ဓဘာသာယုံကြည်ကိုးကွယ်မှုနှင့်
ရောစပ်ပစ်ကြ သည် ။ ထိုအခါ ထေရ၀ါဒဗုဒ္ဓဘာသာက ယုံကြည်ကိုးကွယ်ကြပုံခြင်းတူ
သော်လည်း မြန်မာဗုဒ္ဓ ဘာသာနှင့် ထိုင်းဗုဒ္ဓဘာသာ ၊ ထိုင်းဗုဒ္ဓဘာသာနှင့်သီရိလင်္ကာ
(သီဟိုဠ်)ဗုဒ္ဓဘာသာများသည် ယဉ်ကျေးမှုသဘောအရ အသွင်အပြင်မတူဘဲ ကွဲပြား
ခြားနား သွားကြရသည် ။ ထိုသဘောကို သတိပြုမိစေရန် မြန်မာဗုဒ္ဓဘာသာတွင်
တစ်ခန်းတစ်ကဏ္ဍအဖြစ် ပါဝင်နေသော နာမည်ကျော် တန်ခိုးကြီး စေတီပုထိုးများ၏
အနီးပတ်ဝန်းကျင်တွင်တွေ့ရသော “ နတ်ဘိုးဘိုးကြီးများ “ အကြောင်းကို တစေ့တစောင်း
တင်ပြလိုပါသည် ။ ရန်ကုန်မြို့လယ်ရှိ ဆူးလေစေတီတော်သည် ကပ်ကျော်စေတီဖြစ်သည် ဆိုသော
စကား ကို ကြားဖူးကြပါမည်ဖြစ်၏ ။ ကပ်ကျော်စေတီဟုဆိုခြင်းမှာ အနီးအနားမှကပ်သွား
နေကြသော်လည်း ဘုရားပေါ်တက်ပြီး မကြည်ညိုနိုင်ပဲ တစ်ချက်မော့ကြည့်ရုံမျှ အနားမှကပ်၍ ကျော်ဖြတ် သွားကြသောကြောင့် ကပ်ကျော်စေတီဟု ဆိုကြောင်းကိုလည်း ကြား
ဖူးပါသည် ။ တကယ်ပင် အများအတွက် မဆိုလိုသော်လည်း ထိုစကားသည် ကျွန်တော့် လ
အတွက်မူ မှန်နေပါ၏ ။ ဆူးလေ စေတီတော်မြတ်၏ ကုန်းတော်ပေါ်သို့ တစ်နှစ်လျှင်
တစ်ခေါက် တက်ရောက်ကြည်ညိုမိဖို့ ခဲယဉ်းပါ၏ ။ မကြာမီကမူ ဆူးလေစေတီကုန်းတော်ပေါ်ရှိ ထူးခြားသော အဆောက်အအုံ ၊
စေတီပုထိုး ရုပ်ပွားတော်များ ၊ စေတီတော်၏ပြတိုက် ၊ သူတော်စင်များအဆောင် စသည်
တို့ကိုလေ့လာချင် စိတ်ပေါ်ပါသည် ။ နောက်ဆုံး ဘက်စုံမွန်းမံပြီး ဆူးလေစေတီတော်၏
ရင်ပြင်ပေါ်သို့ တက် ရောက်ကြည်ညိုချင်စိတ်လည်း ပေါ်သည့်အကြောင်းကြောင့် ဆူးလေ
ကုန်းတော်မြတ်ပေါ်သို့ တက်ရောက်ကြည်ညိုမိလေသည် ။
ဘက်စုံပြုပြင်မွန်းမံပြီးနောက် ဆူးလေစေတီတော်မြတ်၏ကုန်းတော်သည်
ကြည်လင် သန့်ရှင်း၍ လှပတင့်တယ်နေပါသည် ။ ယခင်က အမြင်ရှုပ်ထွေးမှုမျိုး ၊
စိတ်ကျပ်တည်းမှုမျိုး လည်း မရှိတော့ပါ ။ မြေဧရိယာကျဉ်းသော်လည်း အမြင်ရှင်းအောင်
လုပ်ထားသဖြင့် စိတ်ရွှင် လန်းဖွယ် ၊ ကြည်နူးဖွယ် ကောင်းပါသည် ။ ကုန်းတော်ပေါ်တွင် လှည့်ပတ်ကြည်ရှုစဉ် ကျွန်တော့်အာရုံကိုအထူးဆွဲဆောင်ယူငင် သွားသော မြင်ကွင်းမှာ စေတီတော်၏ အရှေ့မြောက်ထောင့် ခပ်ကျကျနေရာမှာ
တည်ရှိသော ဆူးလေနတ်ဘိုးဘိုးကြီး၏ နတ်ကွန်းမြင်ကွင်းဖြစ်ပါသည် ။ ဆူးလေစေတီ
တော်ဘက်သို့ မျက် နှာမူ၍တည်ရှိသော ဆူးလေနတ်ဘိုးဘိုးကြီး၏ နတ်ကွန်းထဲတွင်
ကြည်ညိုနေသူ ၊ ပူဇော်နေသူ၊ အဓိဋ္ဌာန်ပုတီးစိပ်နေသူ ၊ ငွေကြေးလှူဒါန်းပြီး မိမိတို့၏
လာဘ်လာဘအလို့ငှာ ဆုတောင်းဆုယူ ပြုနေကြသူတွေ ၊ ငှက်ပျောပွဲ ၊ အုန်းပွဲ ပူဇော်
နေကြသူတွေနှင့် အပြည့်ဖြစ်နေပါသည် ။ ကျွန်တော် သတိပြုမိသောအချက်မှာ ဆူးလေ
စေတီကုန်းတော်မြတ်ကြီးပေါ်သို့ တက်ရောက် ကြည်ညိုပြီး စေတီတော်၏ ဝေယျာဝစ္စ
အတွက် လှူဒါန်းကြသောလှူဖွယ်ဝတ္ထုများတွင် ဆူးလေနတ်ကြီးအား လှူဒါန်းသော
လှူဖွယ်ဝတ္ထုနှင့် ငွေကြေးပမာဏသည် အများဆုံး ဖြစ်လိမ့်မည် ဆိုသောအချက် ဖြစ်ပါ
သည် ။ ထို့နောက် ကျွန်တော့်စိတ်ကူးထဲသို့ ၀င်လာသော အတွေးတစ်ခုမှာ မြန်မာ
ဗုဒ္ဓဘာသာဝင်များ၏ နတ်ကိုးကွယ်မှုအကြောင်းနှင့် ဆူးလေနတ်ဘိုးဘိုးကြီးအကြောင်း
ဖြစ်ပါသည် ။ မြန်မာဗုဒ္ဓဘာသာဝင်များသည် လောကုတ္တရာရေးရာနှင့် လောကီရေးရာ
နှစ်ရပ်စလုံး အတွက် ထေရ၀ါဒဗုဒ္ဓဘာသာကို ကိုးကွယ်ကြရာတွင် လောကုတ္တရာရေး
သဘောထားနှင့် လောကီရေး သဘောထားများ မတူခြားနားကြကြောင်းကို
သတိထားမိပါသည် ။ ဆူးလေကုန်း တော်ပေါ်တွင် စေတီတော်ကို ကျောခိုင်းပြီး
ဆူးလေနတ်ကြီးကို ပူဇော်ပသနေကြခြင်းသည် လောကုတ္တရာမဂ်ဖိုလ်နိဗ္ဗာန်အတွက်မဟုတ် ၊ လောကီစည်းစိမ်ချမ်းသာ လာဘ်လာဘအတွက် အန္တရာယ်ကင်း ဘေးရှင်း
ဖို့အတွက်သာ ဖြစ်သည် ။ နောက်များမကြာမီ သင်္ဃန်းကျွန်းရှိ ကျိုက္ကစံစေတီသို့ ကြည်ညိုရန် ရောက်ရှိ
သွားပြန် သည် ။ ကျိုက္ကစံစေတီရဲ့ အရှေ့ဘက်ထောင့်တစ်နေရာတွင် သီးခြားခမ်းနား
သော နတ်ကွန်း အဖြစ်တည်နေသော ကျိုက္ကစံသင်္ဃန်းကျွန်း ဘိုးဘိုးနတ်ကြီးကို တွေ့ရ
ပြန်သည် ။ သင်္ဃန်းကျွန်း ဘိုးဘိုးနတ်ကြီးတွင်လည်း ၀တ်ကောင်းစားလှများ လှူထား
သည်မှာ မနည်းပါ ။ ဘိုးဘိုးနတ်ရုပ် ကြီးမှာလည်း ပြုံးပြုံးရွှင်ရွှင် ကြည်ကြည်လင်လင်
ဖြစ်၍ ကြည်ညိုဖွယ်အဆင်း ရှိပါသည်။ထိုအခါ ရှေးဒဏ္ဍာရီစကားများကို သတိရမိပါ
သည် ။ ထိုစကားမှာ ဥက္ကလာပမင်းကြီး ရွှေတိဂုံစေတီတော်ကို တည်ထားရန်အတွက်
သိင်္ဂုတ္တရကုန်းမြေနေရာကို ရှာဖွေစဉ်က သိကြားမင်းပြညွှန်ခဲ့ပြီးနောက် ရွှေတိဂုံစေတီ
တော် တည်ထားသောအခါ ဂေါတမမြတ်စွာဘုရား ဆံတော်ဓာတ်အပြင် ရှေးက ပွင့်တော်
မူခဲ့ပြီးသော ကကုဿန် ၊ ကောဏဂုံ ၊ ကဿပ မြတ်စွာဘုရားတို့၏ ဓာတ်တော်သုံးဆူ
ပေါင်းပြီး လေးဆူဓာတ်ပုံ ရွှေတိဂုံတည်ထားရန် ပြောဆိုသော စကားများကိုလည်း သတိရ
အောက်မေ့မိပါသည် ။
အမှန်မှာ ဤဘိုးဘိုးကြီးနတ်များသည် ရွှေတိဂုံစေတီတော် သမိုင်းကြောင်းနှင့်လည်း
ဆက်စပ်နေသော သမိုင်းဝင်နတ်ကြီးများဖြစ်ကြောင်း သတိပြုမိလာ ပြန်သည် ။
ဤကိစ္စသည် မြန်မာဗုဒ္ဓဘာသာ၏ ထူးခြားသော သမိုင်းရေးရာ ၊ ယဉ်းကျေးမှုရေးရာကိစ္စ
တစ်ရပ်ဖြစ်သဖြင့် စေ့စေ့စပ်စပ် လေ့လာဖို့ကောင်းပါသည် ။ ရန်ကုန် (ဒဂုံ)မြို့ပတ်ဝန်းကျင်ရှိ တန်ခိုးကြီးစေတီပုထိုးများတွင် တခမ်းတနား
ကွန်း ဆောင်ကြီးများ ဆောက်လုပ်လှူဒါန်းထားသော ဘိုးဘိုးနတ်ကြီးများကို
ဘုရားဖူးလာသူ ပရိသတ်များ သတိတရ သွားရောက် ကြည်ညို ဖူးမြော်လှူဒါန်းနေကြ
သည်မှာလည်း လာဘ်လာဘကိစ္စ ၊ အန္တရာယ်ကင်းဘေးရှင်းရေး တစ်ခုတည်းအတွက် ဖြစ်
ပါသည် ။ ဆူးလေနတ်ကြီးနှင့် သင်္ဃန်းကျွန်းနတ်ကြီးများကို အလေးဂရုပြုမိပြီး နောက်မကြာ
မီတွင် ဗိုလ်တစ်ထောင်စေတီတော်သို့ ကြည်ညိုရန် ရောက်ရှိသွားပြန်သည် ။
ဗိုလ်တစ်ထောင်စေတီ တော်၏ အရှေ့တောင်ထောင့် ကန်ရေပြင်၏ အဆုံးတွင်
ရောဟဏီနတ်ကြီးဟု အမည်တွင် သော ဗိုလ်တစ်ထောင်နတ်ကြီးတည်ရာ
နတ်ကွန်းကြီးရှိပါသည် ။ ဗိုလ်တစ်ထောင်နတ်ဘိုးဘိုး ကြီး၏ ဆန့်တန်းထားသော
လက်ပေါ်တွင် တင်လှူထားသော ပ၀ါစများကား ရောင်စုံဖြစ်ပါ သည် ။
နတ်ဘိုးဘိုးကြီးအား လှူဒါန်းနေကြသူတွေ ၊ ပူဇော်ပသ နေကြသူတွေလည်း နေ့ည
အချိန်မရွေး ရှိပါသည် ။ ယခု ဗိုလ်တစ်ထောင်စေတီ ဘက်စုံမွန်းမံအပြီးတွင် နတ်ကြီးကို
လှပ သော ကွန်းဖြင့် တခမ်းတနား ပူဇော်ထားပါသည် ။ ထိုအခါ ဆူးလေနတ်ကြီး ၊ ဗိုလ်တစ်ထောင်နတ်ကြီး ၊ သင်္ဃန်းကျွန်းနတ်ကြီးနှင့်
ကြားဖူးထားသော မှော်ဘီနတ်ကြီးများ၏ ဆက်စပ်နေသော သမိုင်းကြောင်းကို
သိချင်သော စိတ် ဖြစ်လာပြန်သည် ။ ထို့ကြောင့် ရွှေတိဂုံသမိုင်းနှင့် ဆက်စပ်နေသော
ထိုနတ်ကြီးများ အကြောင်းကို တစေ့တစောင်း လေ့လာမိပြန်သည် ။ ဥက္ကလာပမင်းကြီးသည် ဆံတော်မြတ်ကို စေတီတည်ရန်အတွက်
မှူးမတ်သေနာပတိ အစုံအလင်ဖြင့် စည်းဝေးတော်မူ၏ ။ တဖုဿနှင့်ဘလ္လိက
ကုန်သည်ညီနောင်နှစ်ဦးတို့အား လည်း မြတ်ဘုရား၏ မိန့်ကြားတော်မူအပ်သည့်
ဗျာဒိပ်စကားကို မေးမြန်းတော်မူ၏ ။ ထိုအခါ ညီနောင်နှစ်ယောက်တို့က ကကုဿန် ၊
ကောဏဂုံ ၊ ကဿပဘုရား သုံးဆူ၏ ပရိဘောဂ အသုံးအဆောင်များ တည်ရှိရာ
" သိင်္ဂုတ္တရ “ ကုန်းတော်တွင် စေတီတည်ရမည်ဖြစ်ကြောင်း လျှောက်ထားကြကုန်၏ ။ ဒဏ္ဍာရီသမိုင်းကြောင်းအရ ဥက္ကလာပမင်းကြီးသည် သိင်္ဂုတ္တရကုန်းမြေကို
ရှာ၍မတွေ့ သဖြင့် သမ္မာဒေ၀ နတ်ကောင်းနတ်မြတ်များက ကူညီရှာဖွေပေးကြရန်
ပူဇော်ပသ၍ တောင်းခံ သည် ။ ထိုအခါ သိကြားမင်းလာရောက်၍ သိင်္ဂုတ္တရကုန်းမြေကို
ညွှန်ပြသည် ။ သို့သော် ရှေး ဘုရားရှင်တို့၏ ပရိဘောဂဓာတ်တော်များ တည်ရှိသော
နေရာကို မသိသဖြင့် သူ့ထက်အသက် ကြီးသော ရေသဖန်းပင်စောင့်နတ်ကို
မေးမည်ဆိုပြီး မေးလေသည် ။ ရေသဖန်းပင်စောင့်နတ် ကလည်း သူ့အသက်မှာ
အနန္တရကပ်တစ်ဝက်သာ ရှိသေးသည် ။ သူမသိနိုင်ကြောင်း သူ့ထက်
အသက်ကြီးသောနတ်ကြီးများကို မေးသင့်ကြောင်း သိကြားမင်းအား
အကြောင်းပြန်လေသည်။ သိကြားမင်းလည်း အနန္တရကပ် သုံးကပ်ခွဲမျှ အသက်ရှည်သော
ဆူးလေနတ်ဘိုးဘိုးကြီး ၊ ရော ဟဏီဗိုလ်တစ်ထောင်နတ်ကြီး ၊
ဒက္ခိဏသင်္ဃန်းကျွန်းနတ်ဘိုးဘိုးကြီး ၊ အမြိဿခေါ်မှော်ဘီ နတ်ဘိုးဘိုးကြီး တို့ကို
စုံစမ်းလေသည် ။ ( ဤတွင် အမြိဿနတ်ကြီးသည် မှော်ဘီနတ်ကြီး ဖြစ်ကြောင်း
ဆရာမောင်ဆုရှင် ဖော်ပြထားသည့် နေမျိုးကျော်ထင် မူနှင့်ကွဲသည် ) အဆိုပါ
နတ်ကြီးများတွင် ဆူးလေနတ်ကြီးသည် အသက်အကြီးဆုံးဖြစ်သည် ။
ဆူးလေနတ်ကြီးသည် ကကုဿန်ဘုရားရှင်လက်ထက်တွင် ဘီလူးဖြစ်ဖူး၏ ။ နေ့စဉ်
ဆင်တစ်ကောင်ကျစား၏ ။ တစ်နေ့တွင် စားသောက်ရန် အစာကိုမွတ်သိပ်ဆာလောင်စွာ
ရှာဖွေနေစဉ် ကကုဿန်မြတ်စွာ ဘုရားနှင့်တွေ့၏ ။ ဘုရားကိုပင် စားမည်ကြံ၏ ။
ကကုဿန်မြတ်စွာဘုရားက သူ့အားတားမြစ် ဆုံးမတော်မူ၏ ။ ဘီလူးလည်း သံဝေဂရ၏ ။
ထိုအခါ မြတ်စွာဘုရားက ခုနှစ်နှစ် ငါးပါးသီလမြဲ ရန် ၀န်ခံကတိကိုတောင်း၏ ။
ဘီလူးလည်း ခုနှစ်နှစ်ကား များလွန်းသည်ဟု တုံ့ပြန်လျှောက် ထား၏ ။ သို့ဖြစ်လျှင်
ငါးပါးသီလကို ခုနှစ်ရက်ဆောက်တည်ရန် ဘုရားက ဆုံးမတော်မူပြန်၏ ။ ဘီလူးလည်း
ငါးပါးသီလကို ဆောက်တည်ရန် ၀န်ခံ၏ ။ ထိုအခါ ဘီလူးအကျွတ်တရား ရ၏ ။ ထိုအခါ
ကကုဿန်မြတ်စွာဘုရား၏ တပည့်သားအဖြစ် တည်၏ ။ မြတ်စွာဘုရားရှင်သည်
ဘီလူးအား မိမိ၏ တောင်ဝှေးကို ပေးသနားတော် မူခဲ့လေ၏ ။ ထိုဘီလူးသည်
ဆူးလေနတ် ကြီး ဖြစ်လာခဲ့သည် ။ ထိုတောင်ဝှေးကို သိင်္ဂုတ္တရကုန်း ၊ ရွှေကညင်ပင်ကြီး
အောက်မှာ မြှပ်ထား ကြောင်း ဆို၏ ။ ထို့နောက် ရောဟဏီနတ်ကြီးသည် ကောဏဂုံမြတ်စွာဘုရားလက်ထက်က
ဘီလူး အဖြစ် ဖူးမြော်ခွင့်ရရှိပြီး မြတ်စွာဘုရား ပေးသနားသဖြင့် ရေစစ်ဓမ္မကရိုဏ်ကို
ရရှိခဲ့ကြောင်း ၊ ရွှေကညင်ပင်အောက်မှာပင် ဘုရားဗျာဒိပ်တော်အရ မြှုပ်ထားကြောင်း
ဆိုသည် ။ ဒက္ခိဏနတ်ကြီးသည် ကဿပဘုရားပွင့်တော်မူစဉ် ဘိလူးအဖြစ်ဖြင့်
အကျွတ်တရား ရသဖြင့် မြတ်စွာဘုရားက ရေသနုပ်တော်ကို ချီးမြှင့်၍ ရရှိခဲ့ကြောင်း
ဗျာဒိပ်အရ ရွှေကညင်ပင် ကြီးအောက်မှာပင် မြှုပ်ထားကြောင်း ဆိုလေသည် ။ ထို့နောက် အမြိဿအမည်ရသော မှော်ဘီနတ်ကြီးက ငါသည် မြတ်စွာဘုရား
ဆံတော် ကို စောင့်ရှောက်ရမည့်သူ ဖြစ်သည်ဟုဆိုသည် ။ ဤနတ်ကြီးလေးပါးသမိုင်းကား ထင်ရှားပြီ ဖြစ်၏ ။ သို့ရာတွင် ရန်ကုန်မြို့
ကျိုက်ဝိုင်း စေတီသို့ရောက်သောအခါ တွင်လည်းကောင်း ၊ မြောက်ဥက္ကလာပ
မယ်လမုဘုရားသို့ ရောက် သောအခါတွင်လည်းကောင်း ၊ ပဲခူး ဟင်္သာကုန်းပေါ်သို့
ရောက်သောအခါတွင်လည်းကောင်း ထိုဘုရားစေတီများ အနီးအပါးတွင် နတ်ကါန်းများ
ဖြင့် တခမ်းတနား တည်ထားသော ကုန်းတော်စောင့် ဘိုးဘိုးနတ်ရုပ်ကြီးများကိုလည်း
တွေ့ရှိခဲ့ရလေသည် ။ ထိုနတ်ကြီးများသည် ထိုဘုရားစေတီများသမိုင်းနှင့် ဆက်စပ်မှုမည်သို့
ရှိသည်ကိုကား မလေ့လာရသေးပါ ။ သို့သော် မြန်မာနိုင်ငံ တန်ခိုးကြီးစေတီပုထိုးများတွင်
( ဥပမာ - ကျိုက် ထီးရိုးဘိုးဘိုးကြီး ) ကဲ့သို့ နတ်ဘိုးဘိုးကြီးများ စောင့်ရှောက်လျက်ရှိ
သည်ဟု ယုံကြည်ခြင်း သည် မြန်မာတို့၏ ရိုးရာယုံကြည်မှုတစ်ရပ်ပင် ဖြစ်ကြောင်းကား
ထင်ရှားပါသည် ။ ....................................................................................................
| 
