ဗုဒ္ဓစာပေကျမ်းဂန်များမှ နတ်တို့၏အနေအထား

ဗုဒ္ဓစာပေကျမ်းဂန်များမှ နတ်တို့၏အနေအထား                ဗုဒ္ဓဘာသာ မြန်မာလူမျိုးတို့သည် ဗုဒ္ဓတရားတော်များကို ယုံယုံကြည်ကြည်ဖြင့် ကိုးကွယ်လာခဲ့ကြသည်မှာ အနော်ရထာမင်းလက်ထက် (သက္ကရာဇ်၄၀၆-၄၃၉) မှစ၍ ရေတွက်မည်ဆိုလျှင် နှစ်ပေါင်းရာထောင်ချီ၍ ရှိနေခဲ့ပြီ ။ ထိုနည်းတူစွာပင် ဗုဒ္ဓဘာသာမ်ြန်မာ လူမျိုးတို့ အလေးအမြတ်ထား၍ ရွတ်ဖတ်ပွားများနေသော ပရိတ်တရားတော်များသည်လည်း မြန်မာပြည်အရပ်ရပ်သို့ ပျံ့နှံ့နေသည်မှာလည်း နှစ်ပေါင်းရာထောင်ချီ၍ ရှိနေပြီဟု ဆိုနိုင်ပါ သည် ။ ထိုသို့ဖြစ်ခဲ့လျှင် မြန်မာပြည်သူ ပြည်သားများ ယုံယုံကြည်ကြည် ၊ လေးလေးစားစား ဖြင့် ရွတ်ဖတ်ပွားများ သရဇ္ဈာယ်နေကြသော ပရိတ်တရားတော်များသည်လည်း မြန်မာပြည်သူ ပြည်သားတို့၏ နှလုံးသားဝယ် စွဲမြဲနေသည်မှာလည်း ထိုနေ့များမှသည် ဤနေ့များသို့တိုင် အောင် နှစ်တွေထောင်နှင့်ချီ၍ ရှိနေပြီ ဖြစ်သည် ။              ထိုပရိတ်တရားတော်များတွင် ဒေ၀ရာဇာခေါ်နတ်တို့၏မင်း သို့မဟုတ် နတ်တို့၏ အရှင်သခင်ဖြစ်သော သိကြားမင်းမှစ၍ နတ် , ဗြဟ္မာတို့၏ အမည်နာမများ ၊ နတ်တို့၏အနေ အထားများကို တိတိကျကျဖော်ပြထားသည် ။ သို့သော်အများစုဖြစ်သော ဗုဒ္ဓဘာသာဝင် မြန်မာလူမျိုးတို့သည် ကျမ်းဂန်ဗဟုသုတနည်းပါးခြင်း ၊ တရားမနာ တရားမဆွေးနွေးခြင်း ၊ တရားစာအုပ်များကို မဖတ်မလေ့လာခြင်းစသော အကြောင်းများကြောင့် ဘာသာတရားတွင် ဖော်ပြထားသော နတ်တို့၏အနေအထားကို ကွဲကွဲပြားပြား ဂဃနဏ မသိနိုင်ခဲ့ကြပါ ။ ဤကဲ့သို့ မသိနိုင်ခဲ့ကြ၍ နတ်တွေကို ထားသင့်သောနေရာတွင် မထားနိုင်ကြတော့ပဲ ၊ သခင်ကိုကျွန်ထင် ၊ ကျွန်ကိုသခင်ထင် စသော အဖြစ်မျိုးတွေနှင့် တွေ့ကြုံနေကြရတော့သည် ။              မြတ်ဗုဒ္ဓ သက်တော်ထင်ရှားရှိစဉ်အခါက မြတ်ဗုဒ္ဓ၏ အဆုံးအမတရားတွေကြောင့် မဂ်ဖိုလ်တရားထူးများကို ရရှိသွားကြသော ကျွတ်တမ်းဝင်ဝေနေယျသတ္တ၀ါတွေထဲတွင် နတ် , ဗြဟ္မာဦးရေသည် လူဦးရေထက် အရေအတွက်များနေတာကို ဗုဒ္ဓစာပေသမိုင်းကြောင်းများ အရ သိနိုင်ပါသည် ။ မဂ်ဖိုလ်တရားထူးများကိုလည်း ရရှိထားကြပြီး ၊ မြတ်ဗုဒ္ဓ၏ တပည့်သာဝကများလည်းဖြစ်ကြသော မရေမတွက်နိုင်အောင်များပြားလှသော နတ် , ဗြဟ္မာ တို့သည် မြတ်ဗုဒ္ဓ၏ တရားဓမ္မများကို နာကြားလိုကြသည် ။ တရားဓမ္မများကို ရွတ်ဖတ်ပွားများ သရဇ္ဈာယ်နေကြသော ပုဂ္ဂိုလ်များကိုလည်း အစောင့်အရှောက်များပေးလိုကြသည် ။ ဤအခြေ အနေမှန်များကို သဗ္ဗညုတရွှေဥာဏ်တော်ဖြင့် သိမြင်တော်မူသော ဘုရားရှင်သည် သတ္တ၀ါ  အားလုံးတို့၏ အကျိုးစီးပွားအတွက် ကရုဏာပြဋ္ဌာန်းလျက် ဥာဏ်တော်အစွမ်းဖြင့် ဟောကြား ထားတော်မူခဲ့သော ပရိတ်တရားတော်တွေထဲမှာ နတ်တို့၏အနေအထားကို အတိအလင်းဖော် ပြထားသည် ။ ပရိတ်တရားတော်များတွင် နတ်ဒေ၀ါများကို အကိုးကွယ်ခံ ၊ အပူဇော်ခံကြွ ရောက်ကြဖို့ ဖိတ်မန်ထားခြင်းမျိုးမဟုတ်ဘဲ ပရိတ်တရားတော်များကို အတူတကွနာကြားကြ ရန် ကြွရောက်ကြဖို့နှင့် ပရိတ်ရွတ်ဖတ်သရဇ္ဈာယ်သူတို့အား အစောင့်အရှောက်များပေးကြရန် တိုက်တွန်းထားကြောင်းကို တွေ့နိုင်သည် ။         အများစုဖြစ်သော ဗုဒ္ဓဘာသာဝင် မြန်မာလူမျိုးတို့သည် ထိုပရိတ်တရားတော်များ အရ စကြ၀ဠာတစ်ခွင်တွင် နေထိုင်ကြကုန်သော နတ်ဗြဟ္မာများ ရှိနေကြောင်းကိုမူ သိထားကြ သော်လည်း ထိုနတ်တွေ ၊ ဗြဟ္မာတွေသည် မြတ်ဗုဒ္ဓသာသနာတော်တွင် ဘယ်အနေအထား မျိုးတွင်ရှိနေကြသည် ဆိုတာမျိုးကိုမူ ကျမ်းဂန်ဗဟုသုတ အထိုက်အလျောက်ရှိသူများသာ သိ နိုင်ကြ၍ ကျမ်းဂန်သဘောနှင့်နှီးနှောသိနိုင်ရန် နတ် ဗြဟ္မာတွေအကြောင်းကို အနည်းငယ် ပြောပြလိုပါသည် ။ ပရိတ်တရားတော်မှလာသော နတ်ဗြဟ္မာတွေကို အကိုးကွယ်ခံ ၊ အပူဇော် ခံ ကြွရောက်ကြဖို့ ဖိတ်မန်ထားခြင်းမျိုး ဟုတ်မဟုတ် ၊ အကယ်၍ မဟုတ်ခဲ့လျှင် ဘယ်အနေ အထားမျိုးမှာ ရှိနိုင်သည် ၊ ဘယ်အနေအထားမျိုးမှာ ရှိသင့်သည် ဆိုတာမျိုးကို ကျမ်းဂန် သဘောအရ ဂဃနဏသိထားသင့်ပါသည် ။ ထိုကဲ့သို့ သိထားခြင်းဖြင့် ဗုဒ္ဓဘာသာဝင်ကောင်း တစ်ယောက် ဖြစ်ရမှုအတွက် မိမိကိုယ်ကို မိမိ အားတက်ဖွယ် ၊ ဂုဏ်ယူဖွယ်တွေ ဖြစ်လာနိုင် သည် ။ ဗုဒ္ဓသာသနာတော်ကို သက်ဝင်ယုံကြည်မှုနှင့်ပတ်သက်ပြီး ကိုယ့်အနေအထား ၊ ကိုယ့် အခြေအနေတို့ကို ကိုယ်တိုင်သိပြီး အမြဲတမ်းဝမ်းမြောက်နေရပေလိမ့်မည် ။                      ဒေါက်တာအရှင်ဓမ္မပိယ(ပါမောက္ခ) (အပြည်ပြည်ဆိုင်ရာ ထေရ၀ါဒဗုဒ္ဓသာသနာပြုတက္ကသိုလ် ၊ ရန်ကုန်) ဗုဒ္ဓဘာသာဝင်များနှင့်နတ်ကိုးကွယ်မှုရှင်းတမ်း ...............................................................................................................