ကျွန်ုပ်ငယ်စဉ်က အဘွားနတ်တင်မည့်နေ့ဆိုလျှင် ပျော်ခဲ့ရသည် ။
အဘွားတစ်ယောက် အိမ်တွင်းနတ်မင်းကြီးကို ပူဇော်ပသရန် တစ်နှစ်တစ်ခါ ဆန်မုန့်ဖြူ ၊
ဆန်မုန့်နီများကိုကြော်ပြီး ထိုမုန့်ဖြူ ၊ ထိုမုန့်နီတို့နှင့် အိမ်တွင်းနတ်ကြီး (မင်းမဟာဂီရိ)အား
ယုံယုံကြည်ကြည်ဖြင့် ပူဇော် ပသနေခဲ့သည်မှာ နှစ်ပေါင်းများစွာ ကြာခဲ့သည် ။
အဘွားတစ်ယောက် အိမ်တွင်းနတ်ကြီးဆီမှ ဘာဆုတွေကို တောင်းယူပြီး ၊ ဘာဆုတွေကို
ရယူနိုင်ခဲ့သည်ကိုတော့ မသိ ။ ကျွန်ုပ်တို့မောင်နှမ တစ်တွေမှာတော့ ဆန်မုန့်ဖြူ ၊
ဆန်မုန့်နီကြော်လေးများကို အရသာရှိရှိ စားခဲ့ရ၍ အဘွားနတ် တင်မည့်နေ့ဆိုလျှင် ကလေးပီပီ
အပျော်ကြီး ပျော်ခဲ့ရသည် ။ အသက်ရှည်ရှည် နေချင်ရှာသော အဘွား ၊ အနှစ်၉၀နီးပါးလောက် နတ်တို့ကို ပူဇော်
ပသချင်ရှာသော အဘွား ၊ ကျွန်ပ်၏အဘွားဆုံးပါးသွားခဲ့သည်မှာ ဆယ်စုနှစ်တွေပင်ကျော်လွန်
သွားခဲ့ပြီ ။ ဘာသာတရားကို အလွန်ကိုင်းရှိုင်းပြီး ၊ ဗုဒ္ဓရဲ့တရားတွေကို မြတ်မြတ်နိုးနိုး
လေးလေးစားစား ကိုးကွယ်သော အဘွားတစ်ယောက် ဘာကြောင့်များ အိမ်တွင်းနတ်တွေကို
ကိုးကွယ်ပူဇော်ပသနေရသနည်း ။ ကြောက်၍ပင်လော ။ ခြောက်၍ပင်လော ။ သို့မဟုတ်
ဘာသာရေး အသိတရားများပဲ အားနည်းရှာ၍လော ။ အဘွားတစ်ယောက် မိသားစုဘ၀လေးထဲမှ ပျောက်ကွယ်သွားခဲ့သည်မှာ ရက်တွေများ
စွာ ၊ လတွေများစွာ ၊ နှစ်တွေများစွာ ကြာသွားခဲ့ပြီ ။ နှောင်းအတိတ်တို့သည်လည်း အရိပ်ပမာ
ကျန်ရစ်ခဲ့ပြီ ။ အဘွားပူဇော်ပသခဲ့သော နတ်တွေနဲ့စပ်လျဉ်းသော အကြောင်းအရာတို့သည်
လည်း နှစ် ၊ လ များစွာကြာခဲ့ပြီဖြစ်၍ ကျွန်ုပ်၏စိတ်ထဲမှာတော့ မေ့သလောက်ပင်ရှိနေခဲ့ပြီ ။
သို့သော် ဗုဒ္ဓဘာသာဝင်တွေ ဘာကြောင့်နတ်တွေကို ကိုးကွယ်ပူဇော်ပသနေကြသနည်းဆို သော
နတ်တွေနဲ့စပ်လျဉ်းသော မေးခွန်းတစ်ခုကို အမေးခံရတော့မှ အဘွားပူဇော်ပသခဲ့သော
နတ်တွေအကြောင်းကို ကျွန်ုပ်တစ်ဖန်ပြန်ပြီး စိတ်ဝင်စားလာခဲ့ပြန်သည် ။ သိချင်တဲ့စိတ်တွေ ၊
လေ့လာချင်တဲ့စိတ်တွေလည်း ပိုပြီးဖြစ်ပွားလာခဲ့တယ် ။ သည်တော့လည်း လွန်ခဲ့သောနှစ်မှ စ၍
လက်လှမ်းမီသမျှ မိရိုးဖလာ နတ်ကိုးကွယ်မှုဆိုင်ရာ စာအုပ်စာပေများကို ဖတ်ရှုလေ့လာခဲ့ သည် ။
စာအုပ်စာပေများကိုအတော်အတန် ဖတ်ရှုလေ့လာပြီးသောအခါ နတ်ကိုးကွယ်မှုဆိုင် ရာ
ဆောင်းပါးလေး ရေးရလျှင် ကောင်းမှာပဲဟု မျှော်လင့်မထားသော အကြံတစ်ခု စိတ်ထဲမှာ
ဖြစ်ပေါ်လာခဲ့သည် ။ သို့သော် အဓိကစဉ်းစားနေမိသောအချက်ကတော့ ရေးနိုင် ၊ မရေးနိုင် ၊
ရေးသင့်မရေးသင့်ပဲဖြစ်ပါတယ် ။ သင့်တော်သော အာဂမယုတ္တိ ၊ သဘာဝယုတ္တိတို့ဖြင့် ရေးနိုင် ၊ မရေးနိုင် ချိန်ဆကြည့်
ရပြန်သည် ။ သို့သော် ကျွန်ုပ်သည် ဤဆောင်းပါးကို ရေးသင့် ၊ မရေးသင့် စဉ်းစားနေမိချိန် တွင်
ကျွန်ုပ်၏ ကျေးဇူးရှင်ဖြစ်သော အဘွားကို အမှတ်မထင် သတိရမိပြန်သည် ။ သည်တော့ လည်း
ဤဆောင်းပါးကို ရေးသင့် ၊ မရေးသင့် အပြီးတိုင် မဆုံးဖြတ်မီ ကျွန်ုပ်၏ အဘွားမျက်နှာ လေးကို
စိတ်ကူးအာရုံမှာ မြင်နိုင်သမျှသော အစွမ်းဖြင့် ပုံဖော်ကြည့်မိပြန်သည် ။ ထိုအခါ
ဘာသာရေးဗဟုသုတ မရှိရှာ၍ ကြောက်ကြောက်လန့်လန့်နှင့် နတ်တွေကို ကိုးကွယ်ပူဇော်ပသ
နေခဲ့သော အဘွား၏မျက်နှာလေးကို မြင်ယောင်နေမိပါသည် ။ အဘွားနှင့်တူသော သာသနာ့
မိခင်တွေ၏ မျက်နှာလေးတွေသည်လည်း ကျွန်ုပ်၏စိတ်ကူးအာရုံမှာ တစ်ယောက်ပြီးတစ်
ယောက် အစီအရီ ပေါ်လာခဲ့ပြန်သည် ။ ကျွန်ပ်၏အဘွားသည် သက်ရှိထင်ရှား မရှိတော့သော်
လည်း သာသနာ့ဝန်ထမ်း ရဟန်းများအတွက် သဒ္ဓါတရားတွေ ၊ စေတနာတရားတွေနှင့် တစ်
နပ်စာဆွမ်းကအစ ဆွမ်းနပ်ပေါင်းများစွာကို လောင်းလှူခဲ့ကြပြီးဖြစ်သော သာသနာ့မိခင်တွေ ကို
စိတ်မှာထားပြီး ဤဆောင်းပါးရေးဖို့အတွက် စိတ်ကူးအာရုံမှာ ထည့်သွင်းစဉ်းစားကြည့်မိ
ပြန်သည် ။ ဤကဲ့သို့ စဉ်းစားကြည့်မိပြန်တော့လည်း ဤဆောင်းပါးကို ရေးသင့်သောအနေ
အထားဘက်က အားသာလာပြန်သည် ။ နောက်ဆုံးမှာတော့ ဆုံးဖြတ်ချက်တစ်ခုကို ချနိုင်ခဲ့၏။
မိခင်ရင်းပမာဖြစ်သော သာသနာ့မိခင်တွေအတွက်ရော ဗုဒ္ဓမြတ်စာပေဆိုင်ရာ ဘာသာရေး
ဗဟုသုတများ နည်းပါးရှာကြသော ဗုဒ္ဓဘာသာဝင်တွေအတွက်ပါ တရားနှင့်လျော်ညီသော
အသိဥာဏ်တွေကို မိမိမှီသမျှ ပေးဝေငှနိုင်ရန် သတ္တိကိုလည်းမွေး ၊ အချိန်ကိုလည်းပေးပြီး ဤ
ဆောင်းပါးကို ကြိုးစားပြီးရေးတော့မည်ဟု ဆုံးဖြတ်ချက်ချနိုင်ခဲ့သည် ။
ကျမ်းကိုး -
ဒေါက်တာအရှင်ဓမ္မပိယ(ပါမောက္ခ) (အပြည်ပြည်ဆိုင်ရာ ထေရ၀ါဒဗုဒ္ဓသာသနာပြုတက္ကသိုလ် ၊ ရန်ကုန်) |
| | နတ်တို့အား ကိုးကွယ်ခြင်း အကြောင်းတရားများ |
| ......................................................................................................................................................
| 
No comments:
Post a Comment
မိတ်ဆွေ....ပြောစရာရှိလာပြီလား