ငါးပါးသီလအမေးအဖြေများ

၎ ။ ငါးပါးသီလ မေး ။               ။ တစ်ခြား ဘာသာတရားများမှာ အမှားအမှန် အယူအဆကို သူတို့ ထာဝရဘုရား ၊ နတ်ဘုရားများ ရဲ့ ပညတ်တော်တွေထဲမှ ရကြပါတယ် ။ သင်တို့ ဗုဒ္ဓဘာသာတွေက ထာဝရဘုရားကို မယုံကြည်ကြတော့ ဘယ် လိုလုပ်ပြီး အမှား အမှန်ကို သိကြပါသလဲ ။ ဖြေ ။             ။ လောဘ ၊ ဒေါသ ၊ မောဟတရားများမှာ အခြေခံပြီး ကျွန်တော်တို့ကို နိဗ္ဗာန်မှ ဝေးစေတဲ့ ကာယကံ ၀စီကံ ၊ မနောကံ များဟာ မကောင်းမှုတွေ ဖြစ်ပါတယ် ။ ( အမှားတွေပါ ) ။ ပေးကမ်း လှူဒါန်းခြင်း ၊ မေတ္တာထား ခြင်း နှင့် အသိပညာတို့အပေါ်မှာ အခြေခံပြီး ကျွန်တော်တို့ရဲ့ နိဗ္ဗာန်သွားရာလမ်းကြောင်းကို ရှင်းလင်းပေးတဲ့ ကာယကံ ၊ ၀စီကံ ၊ မနောကံ များသာလျှင် ကောင်းမှုတွေ ဖြစ်ပါတယ် ။ ( အမှန်တွေပါ ။ )                ထာဝရဘုရားကို ဗဟိုပြုထားတဲ့ ဘာသာတရားများမှာ အမှား အမှန်သိဖို့ လိုအပ်တာ အားလုံးကတော့ ထာဝရဘုရားပြောတဲ့အတိုင်း လုပ်ဖို့ ကြိုးစားခြင်းပါပဲ ။ လူသားကို ဗဟိုပြုထားတဲ့ ဗုဒ္ဓဘာသာလို ဘာသာတရား များမှာ အမှား အမှန် သိဖို့ကတော့ မိမိကိုယ် ကို နက်နက်နဲနဲ သိရှိမှု ၊ နားလည်သဘောပေါက်မှု တိုးတက်ဖြစ်ပေါ် အောင် လုပ်ရပါတယ် ။ နားလည်မှုပေါ်မှာ အခြေခံတဲ့ လိုက်နာကျင့်ကြံမှုဟာ ပညတ်ချက် တစ်ခုပေါ်မှာ အခြေခံ တဲ့ နာခံမှုထက် ပိုပြီး အင်အားကောင်းပါတယ် ။                ဒါကြောင့် အမှား အမှန်ကို သိဖို့ရာ ဗုဒ္ဓဘာသာတစ်ယောက်ဟာ အရာသုံးခုကို ကြည့်ပါတယ် ။ အဲဒါ တွေကတော့ --- (၁) ရည်ရွယ်ချက် (၂) အလုပ်ကြောင့် မိမိအပေါ်မှာ အကျိုး သက်ရောက်မှု (၃) သူတစ်ပါးအပေါ်မှာ အကျိုး သက်ရောက်မှုများ  ........ ပါပဲ ။            ဒါန ၊ မေတ္တာ ၊ ပညာ တို့အပေါ်မှာ အခြေခံလို့ ရည်ရွယ်ချက်က ကောင်းရင် ၊ ပြီးတော့ မိမိကိုယ်ကိုလည်း ( ပိုပေးကမ်း လှူဒါန်းအောင် ၊ ပို မေတ္တာထားအောင် ၊ ပို အသိပညာပွားအောင် ) ကူညီရင် ၊ ပြီးတော့ သူတစ်ပါး ကိုလည်း ( ပိုပေးကမ်း လှူဒါန်းအောင် ၊ ပို မေတ္တာထားအောင် ၊ ပို အသိပညာပွားအောင် ) ကူညီရင် အဲဒီအလုပ် ဟာ ကောင်းမှု ကုသိုလ်တွေ ၊ ကောင်းတဲ့ ကိုယ်ကျင့်တရားတွေပါပဲ ။                     တစ်ကယ်တော့ ဒီအချက်ဟာ အမျိုးမျိုး အစားစား ထွေပြားလှပါတယ် ။ တစ်ခါတစ်ရံမှာ ကိုယ်က အကောင်းဆုံး ရည်ရွယ်ချက်နဲ့ လုပ်လိုက်ပေမယ့်လည်း ကိုယ့်အတွက် ဖြစ်စေ ၊ သူတစ်ပါးအတွက် ဖြစ်စေ ကောင်းကျိုး ဖြစ်ချင်မှ ဖြစ်ပါတယ် ။ တစ်ခါတစ်ရံမှာ ကိုယ့်ရည်ရွယ်ချက်က မကောင်းပေမယ့်လည်း ကိုယ့်အလုပ် က သူတစ်ပါးကို ကောင်းကျိုး ရစေတတ်ပါတယ် ။ တစ်ခါတစ်ရံမှာ ရည်ရွယ်ချက် ကောင်းကောင်း နဲ့ လုပ်တဲ့ အလုပ်က ကိုယ့်ကို အကျိုး ရစေပေမယ့် သူတစ်ပါးကို ထိခိုက်ကောင်း ထိခိုက်တတ်ပါတယ် ။ ဒီလို ကိစ္စမျိုးမှာ အကောင်းနဲ့ အတော်အသင့် ကောင်းတာ ရောနေတတ်ပါတယ် ။                     ရည်ရွယ်ချက်က မကောင်းတဲ့အတွက် အလုပ်ကလည်း ကိုယ့်ကိုရော သူတစ်ပါးကိုပါ အကျိုးမရစေ ဘူးဆိုရင် ဒီလို အလုပ်မျိုးဟာ မကောင်းပါဘူး ။ ရည်ရွယ်ချက်ကောင်းလို့ အလုပ်ကလည်း ကိုယ့်ကိုရော သူတစ် ပါးကိုပါ ကောင်းကျိုး ရစေတယ်ဆိုရင် ဒီလို အလုပ်မျိုးဟာ အပြည့်အ၀ ကောင်းတဲ့ အလုပ်ပါ ။ မေး ။                       ။ ဒါဖြင့် ဗုဒ္ဓဘာသာမှာ ကိုယ်ကျင့်တရားနှင့် ပတ်သက်တဲ့ ကျင့်ဝတ်တွေ ရှိပါသလား ။ ဖြေ ။                       ။ ရှိပါတယ် ။ ငါးပါးသီလ ဟာ ဗုဒ္ဓဘာသာ ကိုယ်ကျင့်တရားရဲ့ အခြေခံ ကျင့်ဝတ်ပါပဲ ။ ပထမ သိက္ခာပုဒ်က သတ္တ၀ါကို ထိခိုက်နာကျင်စေခြင်း ၊ သတ်ဖြတ်ခြင်းမှ ရှောင်ကြဉ်ခြင်း ဖြစ်ပါတယ် ။ ဒုတိယ က ခိုးမှုမှ ရှောင်ကြဉ်ခြင်း ၊ တတိယ က ကာမဂုဏ် ကိစ္စတွေမှာ ဖောက်ပြန် မှားယွင်းစွာ ကျင့်ခြင်းမှ ရှောင်ကြဉ်ခြင်း ၊ စတုတ္ထ က လိမ်ညာ ပြောဆိုခြင်းမှ ရှောင်ကြဉ်ခြင်း ၊ ပဉ္စမ က မူးယစ်စေတတ်တဲ့ အရက်သေစာ နှင့် မူးယစ်ဆေး ၀ါး မှန်သမျှ ရှောင်ကြဉ်ခြင်းများ ပါပဲ ။ မေး ။             ။ ဒါပေမယ့် တစ်ခါတစ်ရံမှာ သတ်ဖြတ်တာဟာ ကောင်းတာ သေချာပါတယ် ။ ဥပမာ - ရောဂါ ပျံ့နှံ့ စေတဲ့ ပိုးကို သတ်တာ သင့်ကို သတ်မည့်လူကို သတ်တာမျိုးပေါ့ ။ ဖြေ ။             ။ သင့်အတွက်တော့ ကောင်းမှာပေါ့ ။ အဲဟို အသတ်ခံရတဲ့ ပိုးမွှား ၊ အသတ်ခံရတဲ့လူမှာ ဘယ်လို နေမလဲ ။ သင် အသက်ရှင်နေချင်သလို သူတို့လည်း အသက်ရှင်နေချင်တာပေါ့ ။သင်ရောဂါဖြန့်ပိုးကို သတ်ဖို့ ဆုံး ဖြတ်တဲ့အခါမှာ ကိုယ့်ကို စိုးရိမ်ကြောင့်ကြမှု ( ကောင်းတာ ) နှင့်ပြောင်းပြန်သဘော ( မကောင်းတာ ) ရောနှော နေတယ် ။ အဲဒီ သတ်ဖြတ်မှုက သင့်ကို ကောင်းကျိုး ( ကောင်းမှု ) ရစေပြီး ၊ ဟို ပိုးမွှားကို ဆိုးကျိုး ( မကောင်းမှု ) ရစေတာ ထင်ရှားပါတယ် ။ ဒီတော့ ရံဖန်ရံခါမှာ သတ်ဖြတ်ဖို့ လိုကောင်း လိုမှာ ဖြစ်ပေမယ့် ဘယ်တော့မှ ကောင်း မှုတော့ မဖြစ်နိုင်ပါဘူး ။ ( မဟာစည်ဆရာတော်ဘုရားကြီးကတော့ ဒီရောဂါပိုးမွှားများကို သတ္တ၀ါ ဟု မမှတ်ယူသင့်ကြောင်း မိန့်ကြားဖူးပါ တယ် ။ ) - ကိုဦး (ထားဝယ်) မေး ။                ။ သင်တို့ ဗုဒ္ဓဘာသာတွေဟာ ပုရွက်ဆိတ်တွေ ၊ ကြမ်းပိုးတွေ နှင့် ပတ်သက်လို့ စိုးရိမ်ကြောင့်ကြ လွန်းပါတယ် ။ ဖြေ ။               ။ ဗုဒ္ဓဘာသာဝင်တွေဟာ ခွဲခြားမှု မရှိဘဲ အားလုံးကို လွှမ်းခြုံမိတဲ့ သနားကြင်နာ ကရုဏာတရား တိုးပွားဖို့ ကြိုးစားနေကြပါတယ် ။ သူတို့ဟာ ကမ္ဘာလောကကြီးကို သတ္တ၀ါတိုင်း သူ့နေရာနှင့်သူ ၊ သူ့လုပ်ငန်း ဆောင်တာနှင့်သူ အသီးသီး စုပေါင်း ဖွဲ့စည်းထားတဲ့ အပေါင်းအဖွဲ့ကြီး တစ်ခုအဖြစ် မြင်ကြပါတယ် ။                 ကျွန်တော်တို့ဟာ သဘာဝတရားရဲ့ သိမ်မွေ့တဲ့ ချိန်ညီမှုကို ဖျက်ဆီး မပစ်မီ ကျွန်တော်တို့ သတိထား သင့်တယ်လို့ ယုံကြည်ကြပါတယ် ။ သဘာဝတရားကို အပြည့်အ၀ လက်ဝါးကြီးအုပ် သုံးစားခြင်း ၊ လျော့သွားတာ ကို ပြန်ဖြည့်မပေးဘဲ သဘာဝတရားရဲ့ နောက်ဆုံး အစက်အပေါက်ကလေး တစ်ခုကိုတောင်မှ မရမက ဖြစ်ညှစ် ယူခြင်း ၊ သဘာတရားကို အနိုင်ယူခြင်း ၊ လွှမ်းမိုးခြင်းများ အပေါ်မှာ အလေးပေးထားတဲ့ အဲဒီ ယဉ်ကျေးမှုတွေကို ပဲ ကြည့်ပါဦး ။                  အခု သဘာဝက တော်လှန် တိုက်ခိုက်နေပြီ ။ လေဟာ အဆိပ်သင့်နေပါပြီ ။ မြစ်ရေတွေ ညစ်ညမ်းပြီး ခန်းခြောက်ကုန်ကြပြီ ။ လှပတဲ့ တိရစ္ဆာန် မျိုးစိတ်ပေါင်း မြောက်များစွာ မျိုးသုဉ်းကုန်ကြပါပြီ ။ တောင်တွေပေါ်မှာ သစ်ပင် ကင်းမဲ့ပြီး တောင်ကတုံးတွေ ဖြစ်ကုန်ကြပြီ ။ ရေတိုက်စား ကုန်ကြပြီ ။ ရာသီဥတုတောင်မှ ပြောင်းလဲ နေ ပါပြီ ။                  လူတွေဟာ ကြိတ်ချေဖို့ ၊ ဖျက်ဆီးဖို့ ၊ သတ်ဖြတ်ဖို့ စိတ်စောနေမှုကလေး နည်းနည်း လျော့ပေးလိုက် ရင်ပဲ အခုပြောခဲ့တဲ့ ကြောက်စရာကောင်းတဲ့ အခြေအနေတွေ ဖြစ်ပေါ်မှာ မဟုတ်ပါဘူး ။ ကျွန်တော်တို့ အားလုံး ဟာ သဘာဝရဲ့ အသက်ကို လေးစားမှု နည်းနည်းလေးပဲ ဖြစ်ဖြစ် ပိုတိုးလာအောင် ကြိုးစားသင့်ကြပါတယ် ။ " ဒါဟာ သတ္တ၀ါရဲ့ အသက်ကို သတ်ခြင်းမှ ရှောင်ကြဉ်ခြင်း " ဆိုတဲ့ ပထမသိက္ခာပုဒ်က ပြောပြနေတဲ့အချက်ပါပဲ ။ မေး ။             ။ ဒါပေမယ့် မုသာဝါဒနဲ့ ပတ်သက်တာကျတော့ ဘယ်လိုလဲ ။ မုသား မပြောဘဲ နေလို့ ဖြစ်ပါ့မလား ။ ဖြေ ။              ။ လူ့အသိုင်းအ၀န်းထဲမှာ ဖြစ်စေ ၊ စီးပွားရေးလောကထဲမှာ ဖြစ်စေ မုသား မပါဘဲ နေထိုင် လုပ်ကိုင် လို့ အမှန်တစ်ကယ် မဖြစ်ဘူးဆိုရင် ဒီလို ထိတ်လန့်စရာကောင်းတဲ့ အကျင့်ပျက်မှုမျိုးကို ပြောင်းလဲ ပစ်သင့်ပါ တယ် ။ ဗုဒ္ဓဘာသာဝင်ဆိုတာ ပိုပြီး တော်တည့် မှန်ကန်ဖို့ ၊ ပိုပြီး ရိုးသားဖြောင့်မတ်ဖို့ ကြိုးစားရင်း ပြဿနာနဲ့ ပတ်သက်လို့ လက်တွေ့လုပ်ကိုင် ဆောင်ရွက်ဖို့ သန္နိဋ္ဌာန်ချထားတဲ့ လူမျိုးပါ ။ မေး ။              ။ ကောင်းပြီ ၊ ဒါဖြင့် အရက် နှင့် ပတ်သက်လို့ ဘယ်လိုလဲ ။ နည်းနည်းပါးပါးလေး သောက်တာက တော့ မထိခိုက်တာ သေချာပါတယ် ။ ဖြေ ။            ။ လူတွေဟာ အရက်ကို အရသာခံဖို့ မသောက်ကြပါဘူး ။ သူတို့တစ်ယောက်တည်း သောက်တဲ့အခါ စိတ်ပြေလက်ပျောက် သောက်ကြတာပါ ။ လူမှုရေး အနေနဲ့ သောက်တဲ့အခါ အများနဲ့ လိုက်လျောညီထွေ ဖြစ်စေ ဖို့ သောက်ကြတာပါ ။ သို့သော်လည်း အရက်ကို နည်းနည်းလေးပင် သောက်ဦးတော့ စိတ်ဓာတ် ပျက်စီးပြီး သတိ လက်လွတ် ဖြစ်စေပါတယ် ။ အများကြီး သောက်ရင်တော့ ပျက်စီးတော့တာပါပဲ ။ မေး ။             ။ ဒါပေမယ့် နည်းနည်းပါးပါး သောက်တာဟာ သီလ မကျိုးဘူး မဟုတ်လား ။ နည်းနည်းလေးပဲဟာ ။ ဖြေ ။              ။ ဟုတ်ပါတယ် ။ နည်းနည်းလေးပါပဲ ။ ဒါပေမယ့် နည်းနည်းတောင်မှ မစောင့်ထိန်းနိုင်ရင် သင့် ဆုံးဖြတ်ချက်ဟာ မခိုင်မာဘူးပေါ့ ။ မဟုတ်ဘူးလား ။ မေး ။            ။ ငါးပါးသီလဟာ အပြုသဘော မဟုတ်ပါဘူး ။ ငါးပါးသီလက သင့်ကို မလုပ်ဖို့ပဲ ပြောတယ် ။ လုပ်ဖို့ ကျတော့ မပြောဘူး ။ ဖြေ ။           ။ ငါးပါးသီလဟာ ဗုဒ္ဓဘာသာ ကိုယ်ကျင့်တရားရဲ့အခြေခံ ကျင့်ဝတ်မျှပါပဲ ။ ကျင့်ဝတ်အားလုံး မဟုတ် ပါဘူး ။ ကျွန်တော်တို့ဟာ ကျွန်တော်တို့ရဲ့ မကောင်းတဲ့ အပြုအမူတွေကို မှတ်သားထားပြီးတော့ အဲဒါတွေကို မလုပ်မိအောင် ကြိုးစားခြင်းအားဖြင့် ကိုယ်ကျင့်တရားကို စ , ရပါတယ် ။                    ဥပမာ --စကားပြောတယ် ဆိုကြပါစို့ ။ မုသားပြောမှုကို ရှောင်ကြဉ်ခြင်းအားဖြင့် စ, သင့်ကြောင်း မြတ်စွာဘုရား မိန့်တော်မူပါတယ် ။ အဲဒီလိုရှောင်ကြဉ်ပြီးတော့ မှန်တဲ့စကား ၊ နူးညံ့သိမ်မွေ့တဲ့စကား ၊ ယဉ်ကျေး ဖွယ်ရာစကား ၊ အချိန်ကာလ နှင့် ကိုက်ညီတဲ့ စကားကို ပြောရပါမယ် ။ ဗုဒ္ဓမြတ်စွာက အောက်ပါအတိုင်း မိန့် တော်မူပါတယ် ။                    မမှန်သော စကားကို ရှောင်ကြဉ်သူသည် မှန်သောစကား ၊ အားကိုးထိုက်သောစကား ၊ ယုံကြည် ထိုက်သောစကား ၊ မှီခိုအားထားထိုက်သော စကားကို ပြောသူဖြစ်သည် ။ သူသည် လောကကို မလိမ်ညာ မလှည့်စားပေ ။                   ဂုံးချောသောစကား ရှောင်ကြဉ်သူသည် လူအများကြားတွင် စိတ်ဝမ်းကွဲပြားစေဖို့ရာ ဤနေရာ၌ ကြားသော စကားကို ထိုနေရာ၌ မပြောကြားပေ ။ ထိုနေရာ၌ ကြားသော စကားကို ဤနေရာ၌ မပြောကြားပေ ။ သူသည် စိတ်ဝမ်းကွဲပြားနေသူများကို အစေ့အစပ်စကား ပြောကြား လေ့ရှိ၏ ။ ခင်မင်နေသူများကို ပိုမိုချစ်ခင် အောင် အားပေးစကား ပြောကြားတတ်၏ ။ ညီညွတ်မှုသည် သူ၏ ပျော်ရွှင်မှု ၊ ညီညွတ်မှုသည် သူ၏ ၀မ်းမြောက် မှု ၊ ညီညွတ်မှုသည် သူ၏ ချစ်ခင်မှု ဖြစ်သည် ။ ဤသည်မှာ သူစကားပြောရာတွင် ပါဝင်သော စိတ်ထား စေတနာ ဖြစ်သည် ။           ကြမ်းတမ်း ရိုင်းစိုင်းသော စကားကို ရှောင်ကြဉ်သူသည် အပြစ်ကင်းသော စကား ၊ နားဝင်သာသော စကား နှစ်သက်ဖွယ်သောစကား ၊ စိတ်နှလုံးသို့ သက်ဝင်သော စကား ၊ ယဉ်ကျေးသော စကား ၊ အများနှစ်သက် သဘောကျသော စကားကို ပြောဆိုတတ်၏ ။              အကျိုးမရ အနှစ်သာရ မရှိသော စကားကို ရှောင်ကြဉ်သူသည် အချိန်ကာလနှင့် ကိုက်ညီသော စကား  ၊ မှန်သောစကား ၊ အကျိုးရှိသော စကား ၊ တရား နှင့် စပ်သော စကား ၊ ကျင့်ဝတ် နှင့် စပ်သော စကားကို ပြောဆို တတ်၏ ။ သူသည် စိတ်နှလုံး၌ သိုမှီးထားထိုက်သော စကား ၊ အချိန်ကာလ နှင့် လျော်သော စကား ၊ သင့်လျော် လျောက်ပတ်သော စကား ၊ အဓိပ္ပာယ် ပြည့်ဝသော စကား ၊ အကျိုးစီးပွား နှင့် စပ်သော စကားကို ပြောဆိုတတ် ၏ ။ မေး ။                 ။  ထာဝရဘုရား  သို့မဟုတ် တန်ခိုးရှင်ဘုရားများ ရဲ့ တန်ခိုးကို အားကိုးအားထားမှသာလျှင် လူ ကောင်းတစ်ယောက် ဖြစ်နိုင်တယ်လို့ တစ်ချို့ ပြောကြပါတယ် ။ ( အဲဒါ ဘယ်လို သဘောရပါသလဲ ။ ) ဖြေ ။                 ။ ဒါကတော့ လုံးဝ မှားပါတယ် ။ မြင့်မြတ်တဲ့ အပြစ်ကင်းတဲ့ အပြုအမူတွေကို ပြုမူနေကြတဲ့ ဗုဒ္ဓဘာသာဝင်တွေ ၊ ဘယ်ဘာသာမှ မကိုးကွယ်သူတွေ သန်းချီ ရှိကြပါတယ် ။ သူတို့ဟာ တစ်ခါတစ်လေမှသာ မဟုတ်ဘဲ အမြဲတစ်စေ မြင့်မြတ်တဲ့ အပြစ်ကင်းတဲ့ အပြုအမူတွေကို ပြုမူနေကြသူတွေ ဖြစ်ပါတယ် ။ မြင့်မြတ်တဲ့ ပုဂ္ဂိုလ်ထူးတစ်ယောက်ကို ယုံကြည်နေကြတဲ့ လူများအကြားမှာ တွေ့ရတတ်တဲ့ ပုဂ္ဂိုလ်မျိုးလိုပါပဲ ။ သင်ဟာ ရိုးသားစွာ ကြိုးစားရင် သင့်ရဲ့ အပြုအမူတွေကို စင်ကြယ်အောင် လုပ်နိုင်ပါတယ် ။ လုံးဝ အပြည့်အစုံ မစင်ကြယ် နိုင်တောင်မှ ပိုပြီး စင်ကြယ်အောင် ကြိုးစား လုပ်ဆောင်နိုင်တာကတော့ သေချာပါတယ် ။ ...................................................................................................................................................................................................................................

ဗုဒ္ဓဘာသာနှင့် ထာဝရဘုရား အယူအဆ အမေးအဖြေ

၃ ။ ဗုဒ္ဓဘာသာနှင့် ထာဝရဘုရား အယူအဆ မေး ။           ။ ဗုဒ္ဓဘာသာဝင်များဟာ ထာဝရဘုရားကို ယုံကြည်ကြပါသလား ။ ဖြေ ။            ။ မယုံကြည်ကြပါဘူး ။ ဒါအတွက် အကြောင်းများစွာရှိပါတယ် ။ မြတ်စွာဘုရားဟာ ယခုခေတ် လူမှုရေး ပညာရှင်များ ၊ စိတ်ပညာရှင်များ လိုပဲ ဘာသာရေး အယူအဆများဟာ အထူးသဖြင့် တန်ခိုးရှင်ဘုရား အယူအဆ များဟာ အကြောက်တရားမှာ အခြေခံတယ်လို့ ယူဆပါတယ် ။ မြတ်စွာဘုရားက ----                " လူများဟာ အကြောက်တရား နှိပ်စက်ခြင်းကြောင့် တောင်များ ၊ တောများ ၊ သစ်ပင်များ နှင့် နတ်ကွန်း များသို့ ကိုးကွယ်ရာအဖြစ် သွားကြတယ် ။ " လို့ မိန့်ကြားထားပါတယ် ။                 သမိုင်းမတင်မီ လူသားဟာဘေးရန်များလှပြီး ရန်လိုတဲ့ လောကထဲမှာနေရပါတယ် ။ သူဟာ တောရိုင်း တိရစ္ဆာန်များ ၊ အစားအစာလုံလောက်အောင် မရနိုင်မှုများ ၊ ဒဏ်ရာအနာတရ ဖြစ်ခြင်း နှင့် ရောဂါဝေဒနာ ဖိစီး နှိပ်စက်ခြင်းများ ၊ မိုးခြိမ်းခြင်း ၊ မိုးကြိုးပစ်ခြင်း ၊ မီးတောင်ပေါက်ကွဲခြင်း ၊ မြေငလျင်လှုပ်ခြင်း စတဲ့ အန္တရာယ်များ ကို အမြဲတစေ ကြောက်ရွံ့နေရပါတယ် ။                   လူဟာ ဘေးရန်အန္တရာယ်များမှ လုံခြုံမှု မရှိတဲ့အတွက် သင့်လျော်လျောက်ပတ်တဲ့ အချိန်များမှာ သက်တောင့်သက်သာ နေနိုင်အောင် ၊ ဘေးရန် အန္တရာယ် တွေ့ကြုံလာတဲ့အခါများမှာ ရဲစွမ်းသတ္တိ မွေးနိုင်အောင် ၊ အမှားအယွင်းရှိတဲ့အခါမှာ ကိုယ့်ကို ဖြေသိမ့်နိုင်အောင် တန်ခိုးရှင်ဘုရား အယူအဆကို တီထွင်လာပါတယ် ။                  ဒီခေတ် ဒီအခါမယ် အကြပ်အတည်း နဲ့ တွေ့တဲ့အခါများမှာ လူတွေဟာ ဘာသာတရားကို ပိုကိုင်းရှိုင်းလာ ကြတာကို သတိပြုမိမှာပါပဲ ။ တန်ခိုးရှင်ဘုရားကို ဖြစ်စေ ၊ နတ်များကို ဖြစ်စေ ယုံကြည်မှုဟာ ဘ၀တိုက်ပွဲမှာ သူတို့ လိုအပ်တဲ့ စွမ်းအားကို ရရှိစေတယ်လို့ လူတွေပြောကြတာ သင်ကြားမိပါလိမ့်မယ် ။ သူတို့ လိုအပ်တဲ့ အချိန်မှာ ဆုတောင်းလိုက်ရင် ဆုတောင်းပြည့်တဲ့အတွက် တစ်စုံတစ်ယောက်သော နတ်ကို သူတို့ ယုံကြည် ကိုးကွယ်ကြောင်း လူတွေ ရှင်းပြတာ သင်ကြားမိပါလိမ့်မယ် ။          ဒါတွေ အားလုံးက " တန်ခိုးရှင်ဘုရား အယူအဆဟာ အကြောက်တရား နှင့် ဆင်းရဲဒုက္ခအပေါ် တုံ့ပြန်ချက်ပဲ " ဆိုတဲ့ မြတ်စွာဘုရားရဲ့ တရားတော်ကို ထောက်ခံထားပါတယ် ။        မြတ်စွာဘုရားက ကျွန်တော်တို့အား အကြောက်တရားကို နားလည်အောင် ၊ လိုချင်တက်မက်မှု တဏှာလောဘ နည်းပါးအောင် ၊ကျွန်တော်တို့ မတတ်နိုင်တဲ့အရာများကို ခေါင်းအေးအေး သတ္တိရှိရှိ နှင့် ရင်ဆိုင်နိုင်အောင် ကြိုးစား ဖို့ မိန့်ကြားပါတယ် ။ မြတ်စွာဘုရားဟာ အကြောက်တရားကို အဓိပ္ပာယ် မရှိတဲ့ ယုံကြည်မှုနဲ့ အစားမထိုး ပါဘူး ။ ကြောင်းကျိုးညီညွတ်တဲ့ အသိပညာ နဲ့သာ အစားထိုးပါတယ် ။             ဗုဒ္ဓဘာသာဝင်များ ထာဝရဘုရားကို မယုံကြည်ခြင်းရဲ့ ဒုတိယအကြောင်းကတော့ ထာဝရဘုရား အယူအဆ ကို ထောက်ခံတဲ့ သက်သေအထောက်အထား ရှိပုံ မရလို့ပါပဲ ။ မြောက်မြားလှစွာသော ဘာသာတရားများက သူတို့ ရဲ့ ဘာသာရေးကျမ်းဂန်ထဲမှာသာ ထာဝရဘုရားရဲ့ စကားတွေ ပါဝင်ကြောင်း ၊ သူတို့သာလျှင်ထာဝရဘုရားရဲ့ သဘာဝကို နားလည်ကြောင်း ၊ သူတို့ရဲ့ထာဝရဘုရားသာလျှင် အမှန်တစ်ကယ်ရှိကြောင်း ၊ တစ်ခြားဘာသာတရား များရဲ့ ထာဝရဘုရားက အမှန်တစ်ကယ် မရှိကြောင်း ကြေငြာတတ်ကြပါတယ် ။ တစ်ချို့ဘာသာတရားက တန်ခိုး ရှင်ဘုရားဟာယောက်ျား ၊ တစ်ချို့ဘာသာတရားက မိန်းမ ၊ တစ်ချို့ဘာသာတရားက နပုံပဏ္ဍုက် လို့ ဆိုကြပါ တယ် ။ သူတို့ဟာ သူတို့ရဲ့ တန်ခိုးရှင်ဘုရား အမှန်ရှိကြောင်း သက်သေအထောက်အထား များစွာရှိတယ်ဆိုပြီး ကျေနပ်နေကြပါတယ် ။ သို့သော်လည်း တစ်ခြားဘာသာတရားတွေက သူတို့ရဲ့ တန်ခိုးရှင်ဘုရား အမှန်ရှိကြောင်း အထောက်အထားပြထားတာကိုတော့ မယုံကြည်ပဲ ပြက်ရယ်ပြုတတ်ကြပါတယ် ။ များစွာသော ဘာသာတရားများ ဟာတန်ခိုးရှင်ဘုရားရှိကြောင်း ရာစုနှစ်ပေါင်းများစွာ အထောက်အထားပြဖို့ ကြိုးစားခဲ့ကြသော်လည်း ယခုအထိ အခြေခံကျကျ ခိုင်မာစစ်မှန်တဲ့ ငြင်းမရတဲ့ အထောက်အထားကို မတွေ့ကြသေးတာကတော့ အံ့အားသင့်စရာ ကောင်းလှပါတယ် ။ ဗုဒ္ဓဘာသာဝင်များကတော့ ဒီလို အထောက်အထား တစ်စုံတစ်ရာ ထွက်ပေါ်လာသည်အထိ ဆုံးဖြတ်ချက်ကို ဆိုင်းငံ့ ထားကြဦးမှာပါပဲ ။                   ဗုဒ္ဓဘာသာဝင်များ ထာဝရဘုရားကို မယုံကြည်ခြင်းရဲ့ တတိယ အကြောင်းကတော့ ယုံကြည်ဖို့ မလိုအပ် လို့ပါပဲ ။ တစ်ချို့က စကြ၀ဠာရဲ့အစကို ရှင်းပြဖို့ ထာဝရဘုရားကို ယုံကြည်ဖို့ လိုအပ်တယ်လို့ ဆိုကြပါတယ် ။ ဒါဒီလို မဟုတ်ပါဘူး ။ သိပ္ပံပညာက ထာဝရဘုရား အယူအဆ မပါဘဲ စကြ၀ဠာ ဖြစ်ပေါ်လာပုံကို အလွန် တိကျ ပြတ်သား စွာ ရှင်းလင်း ပြထားပြီး ဖြစ်ပါတယ် ။                   တစ်ချို့က ချမ်းသာပျော်ရွှင်၍ အဓိပ္ပာယ်ရှိတဲ့ ဘ၀ကို ရရေးအတွက် ထာဝရဘုရား ယုံကြည်ဖို့ လိုအပ် ကြောင်း ပြောကြပါတယ် ။ ဒါလဲ မဟုတ်ပါဘူး ။ ဗုဒ္ဓဘာသာဝင်တွေကို မဆိုထားနှင့်ဦး ၊ ဘာသာမဲ့များသည်ပင် ချမ်းသာပျော်ရွှင်ပြီး အဓိပ္ပာယ် ပြည့်ဝတဲ့ ဘ၀ကို ရနေကြပါတယ် ။                  တစ်ချို့က အားနည်းတဲ့ လူသားမှာ သူ့ကိုယ်ကို ကူညီနိုင်လောက်အောင် အင်အား မရှိတဲ့အတွက် ထာဝရ ဘုရားရဲ့ တန်ခိုးကို ယုံကြည်ဖို့ လိုအပ်ကြောင်း ဆိုကြပြန်ပါတယ် ။ ဒီအချက်မှာလည်း အထောက်အထားများက ဆန့်ကျင်ဘက် သဘောကို ညွှန်ပြနေပါတယ် ။ လူတွေဟာ ကိုယ်လက်အင်္ဂါ ချို့တဲ့ခြင်း ၊ မစွမ်းမသန်ဖြစ်ခြင်း နှင့် အခက်အခဲ အကြပ်အတည်းပေါင်းများစွာကို ထာဝရဘုရား ယုံကြည်မှု မပါဘဲ သူတို့ရဲ့ ကိုယ်ပိုင်ဥာဏ် ၊ သူတို့ရဲ့ လုံ့လ၀ီရိယ နှင့် ကျော်လွှား အောင်မြင်နိုင်ကြကြောင်း မကြာခဏ ကြားသိနေရပါတယ် ။ လူသားကို ကယ်တင်ဖို့ရာ ထာဝရဘုရားကို ယုံကြည်ဖို့ လိုအပ်ကြောင်း တစ်ချို့က ပြောကြပြန်ပါတယ် ။ ခရစ်ယာန် တို့ရဲ့ ကယ်တင်ခြင်း သဘောတရားကို ယုံကြည်လက်ခံမှသာ အဲဒီအဆိုကို လက်ခံနိုင်ကြမှာပါ ။ ဗုဒ္ဓဘာသာဝင်တွေကတော့ အဲဒါကို မယုံကြည်ကြပါဘူး ။                  မြတ်စွာဘုရားက လူသားတိုင်းမှာ စိတ်ထားဖြူစင်အောင်လုပ်ဖို့ ၊ မေတ္တာ ကရုဏာ ပညာတရားတွေ တိုးပွားအောင် လုပ်ဖို့ စွမ်းရည်သတ္တိတွေ  အပြည့်ရှိကြောင်း ရှင်တော်မြတ်ဘုရား၏ အတွေ့အကြုံအရ သိမြင်ပြီး ဖြစ်ပါတယ် ။ မြတ်စွာဘုရားဟာ နတ် ဗြဟ္မာ စည်းစိမ်ချမ်းသာများမှ မေတ္တာ ကရုဏာ တရားဘက်ကို အာရုံပြောင်း ကာ ကျွန်တော်တို့ ပြဿနာများကို မိမိကိုယ်ကို သိနားလည်မှုဖြင့် အဖြေရှာဖို့ အားပေးတော်မူပါတယ် ။ မေး ။              ။ ဖန်ဆင်းရှင် တန်ခိုးရှင်ဘုရားတွေ မရှိဘူး ဆိုရင် ဒီစကြ၀ဠာကြီးက ဒီမှာ ဘယ်လို ရောက်လာသလဲ ။ ဖြေ ။               ။ ဒီအဖြေကို ဖြေဖို့ရာ အားလုံးသော ဘာသာတရားတွေမှာ ပုံပြင်တွေ ၊ ၀တ္ထုတွေ ရှိကြပါတယ် ။လူ သားရဲ့ အသိဥာဏ် မဖွံ့ဖြိုးသေးတဲ့ ဟိုရှေးသရောအခါ ကာလတွေမှာတော့ ဒီပုံပြင် ၀တ္ထုတွေဟာ သင့်လျော် လျောက်ပတ် ပါတယ် ။ သို့သော်လည်း ရူပဗေဒပညာ ၊ နက္ခတ္တဗေဒပညာ ၊ ဘူမိဗေဒပညာတွေ ထွန်းကားနေတဲ့ နှစ်ဆယ်ရာစု ခေတ်မှာတော့ ဒီလို ပုံပြင်တွေကို သိပ္ပံနည်းကျ ဖြစ်ရပ်မှန်တွေက အသာရနေပါတယ် ။ သိပ္ပံပညာက တန်ခိုးရှင်ဘုရား အယူအဆကို ထည့်မစဉ်းစားပဲနဲ့ စကြ၀ဠာရဲ့အစကို ရှင်းပြထားပါတယ် ။ မေး ။               ။ စကြ၀ဠာရဲ့ အစနဲ့ ပတ်သက်လို့ ဗုဒ္ဓက ဘယ်လို မိန့်ခဲ့ပါသလဲ ။ ဖြေ ။               ။ စကြ၀ဠာရဲ့ အစကို ဗုဒ္ဓမြတ်စွာ ရှင်းပြပုံဟာ သိပ္ပံပညာ အမြင်နဲ့ အတော်ကြီး နီးစပ်အောင် ကိုက်ညီ နေတာဟာဖြင့် အံ့အားသင့်စရာပါပဲ ။ အဂ္ဂညသုတ်မှာ ဗုဒ္ဓမြတ်စွာက ကမ္ဘာကြီး ပျက်သွားပြီးတော့ မရေမတွက်နိုင် တဲ့ နှစ်သန်းပေါင်းများစွာပတ်လုံး တစ်ဖြည်းဖြည်း ပြန်လည်တိုးတက် ဖြစ်ပေါ်လာလို့ ယခုလက်ရှိ အခြေအနေအထိ ရောက်လာပုံကို ဟောထားခဲ့ပါတယ် ။ ပထမဆုံးအသက်ဟာ ရေမျက်နှာပြင်ပေါ်မှာ ဖွဲ့စည်း ဖြစ်ပေါ်ခဲ့ပါတယ် ။ ပြီး တော့ နှစ်သန်းပေါင်း အသင်္ချေပတ်လုံး တစ်ဖြည်းဖြည်း တိုးတက် ဖြစ်ပေါ်လာရာက ရှုတ်ထွေးလှတဲ့ သက်ရှိ အဖွဲ့ အစည်းများ အဖြစ် ရောက်လာခဲ့ပါတယ် ။ ဒီဖြစ်စဉ် အားလုံးဟာ အစလည်း မရှိ ၊ အဆုံးလည်း မရှိပါဘူး ။ သဘာဝ တရားအရ လည်ပတ် ဖြစ်ပျက် နေတာပါပဲ ။ မေး ။                ။ ထာဝရဘုရားရှိကြောင်း သက်သေ အထောက်အထား မရှိဘူးလို့ သင်က ဆိုပါတယ် ။ ဒါဖြင့် အံ့သြ ဖွယ်ရာ တန်ခိုးတွေနဲ့ ပတ်သက်လို့ သင်ဘယ်လို ပြောမလဲ ။ ဖြေ ။                ။ အံ့သြဖွယ်ရာ တန်ခိုးတွေဟာ ထာဝရဘုရားရှိကြောင်း သက်သေ အထောက်အထားတွေပဲလို့ လူ အများ ယုံကြည်ကြတာ ရှိပါတယ် ။ တန်ခိုး နဲ့ ဆေးကုလို့ပျောက်ကြောင်း ခြေအမြစ်မရှိဘဲ ချဲ့ကားပြောနေကြ သော်လည်း ဘယ်ဆရာဝန် ၊ ဘယ်ခွဲစိတ်ဆရာဝန် ဆီကမှ လွတ်လွတ်ကျွတ်ကျွတ် သက်သေခံချက် မရကြပါဘူး ။ တစ်စုံတစ်ယောက်ကို ကြီးမားလှတဲ့ ဘေးဒုက္ခထဲမှ တန်ခိုးနဲ့ အံ့သြဖွယ်ရာ ကယ်တင်လိုက်တယ် လို့ တစ်ဆင့်စကား ကြားသိရသော်လည်း အဲဒီလို ကယ်တင်ခဲ့ကြောင်း မျက်မြင်သက်သေ မရှိခဲ့ပါဘူး ။ ထာဝရဘုရားထံ ဆုတောင်းလို့ ရောဂါဖိစီးနေတဲ့လူ ရောဂါပျောက်ကင်းသွားကြောင်း နှင့် ညှိုးနွမ်းခြောက်ကပ်နေတဲ့ ကိုယ်လက်အင်္ဂါ စုံပြည်သန် စွမ်းလာကြောင်း ကောလဟာလစကား ကြားရသော်လည်း ဘယ်တော့မှ အဲဒါတွေကို ရိုက်ထားတဲ့ ဓာတ်မှန်ကိုလဲ မကြည့်ရပါဘူး ။ ဘယ်ဆရာဝန် ဘယ်ဆရာမရဲ့ ထောက်ခံပြောဆိုချက် ကိုမှလည်း မကြားရပါဘူး ။ အခြေအမြစ်မဲ့ ချဲ့ကားပြောဆိုနေကြတဲ့စကား ၊ တစ်ဆင့်စကား ၊ ကောလဟာလစကားတွေဟာ သက်သေအထောက်အထားကို ကိုယ်စား မပြုပါဘူး ။ အံ့ဖွယ် တန်ခိုးတွေအတွက် ခိုင်မာတဲ့ သက်သေအထောက်အထား အင်မတန် ရှားပါတယ် ။                     သို့သော်လည်း တစ်ခါတစ်ရံမှာ ရှင်းပြလို့ မရတဲ့အရာတွေ ၊ မမျှော်လင့်နိုင်တဲ့ အဖြစ်အပျက်တွေကို ရှင်းမပြနိုင်တာဟာ ထာဝရဘုရား ရှိခြင်းအတွက် သက်သေခံချက် မဟုတ်ပါဘူး ။ ကျွန်တော်တို့ရဲ့ ဥာဏ်ပညာ မပြည့်စုံသေးဘူးဆိုတဲ့ အချက်ကို ထင်ရှားစေခြင်းသာ ဖြစ်ပါတယ် ။                    ခေတ်မီ ဆေးပညာ မတိုးတက်သေးမီက လူတွေဟာ ရောဂါဝေဒနာ ဖြစ်ခြင်းရဲ့ အကြောင်းအရင်းကို မသိကြတဲ့အခါမှာ ထာဝရဘုရားက ၊ သို့မဟုတ် နတ်ဘုရားများက ဒဏ်ခတ်တဲ့အနေနဲ့ ဒီရောဂါဝေဒနာတွေကို လူတွေဆီ ပို့ပေးလိုက်တယ်လို့ ယုံကြည်ကြပါတယ် ။ ဒီရောဂါဝေဒနာတွေ ဘာကြောင့် ဖြစ်လာတယ်ဆိုတာ အခု သိလာကြတော့ မကျန်းမာတဲ့ အခါမှာ ဆေးစားလိုက်ကြတာပါပဲ ။ ကမ္ဘာလောက အကြောင်းကို ကျွန်တော်တို့ပိုပြီး ပြည့်ပြည့်စုံစုံ သိနားလည်လာတဲ့အချိန်မှာ ဘာကြောင့် ရောဂါဝေဒနာ ဖြစ်တယ်ဆိုတာ နားလည်သလိုပဲ ဒီရှင်းပြလို့ မရတဲ့ အရာတွေ ဘာကြောင့် ဖြစ်တယ်ဆိုတာ နားလည်လာကြမှာပါပဲ ။ မေး ။              ။ မြောက်များစွာသော လူတွေဟာ ထာဝရဘုရားကို ယုံကြည်ကြပါတယ် ။ ( အများယုံကြည်တာကို ထောက်ဆရင် ) ဒါဟာ မမှန်ပေဘူးလား ။ ဖြေ ။              ။ ဒီလို မဟုတ်ပါဘူး ။ တစ်ချိန်တုန်းက ကမ္ဘာကြီးဟာ ပြားတယ်လို့ လူတိုင်း ယုံကြည်ကြပါတယ် ။ သို့ သော်လည်း အဲဒီလူ အားလုံး မှားခဲ့ပါတယ် ။ အယူအဆတစ်ခုကို ယုံကြည်တဲ့လူ အရေအတွက်နဲ့ အဲဒီအယူအဆရဲ့ အမှားအမှန်ကို တိုင်းတာလို့ မရပါဘူး ။ အယူအဆ တစ်ခု မှန်တယ် မှားတယ် ဆိုတာကို ကျွန်တော်တို့ပြောနိုင်တဲ့ တစ်ခုတည်းသော နည်းလမ်းကတော့ အချက်အလက်မှန်တွေကို သေချာ စေ့ငုံ ကြည့်ရှု လေ့လာခြင်း နှင့် သက်သေ အထောက်အထား တွေကို စစ်ဆေးခြင်းသာလျှင် ဖြစ်ပါတယ် ။ မေး ။                ။ ဒါဖြင့် ဗုဒ္ဓဘာသာတွေဟာ တန်ခိုးရှင်ဘုရားတွေ ( Gods ) ကို မယုံကြည်ကြရင် ဘာကို ယုံကြည် ကြပါသလဲ ။ ဖြေ ။                ။ ကျွန်တော်တို့ တန်ခိုးရှင်ဘုရားကို မယုံကြည်ပါဘူး ။ ဘာကြောင့်လည်းဆိုတော့ ကျွန်တော်တို့က လူသားကိုသာ ယုံကြည်လို့ပါပဲ ။ လူသားတိုင်းဟာ အဖိုးတန်တယ် ၊ အရေးပါတယ်လို့ ကျွန်တော်တို့ ယုံကြည်ကြပါ တယ် ။ လူသားအားလုံးမှာ ပြီးပြည့်စုံသော လူသားတစ်ဦးဖြစ်တဲ့ ဗုဒ္ဓဘုရားအဖြစ်သို့ ရောက်စေနိုင်တဲ့ ၊ တိမ်မြုပ်ငုပ် ကွယ်နေတဲ့ စွမ်းရည် သတ္တိတွေ ရှိတယ်လို့ ကျွန်တော်တို့ ယုံကြည်ကြပါတယ် ။ လူသားများဟာ မသိမှု အ၀ိဇ္ဇာ နှင့် ကြောင်းကျိုးမဲ့ သဘာဝတွေကို ဖယ်ရှားပြီးတော့ အရာတိုင်းကို အရှိအတိုင်း သိမြင်နိုင်တယ်လို့ ကျွန်တော်တို့ ယုံ ကြည်ကြပါတယ် ။ မုန်းတီးခြင်း ၊ အမျက်ထွက်ခြင်း ၊ ရန်ငြိုးထားခြင်း ၊ မနာလိုခြင်းများကို မေတ္တာထားခြင်း ၊ သည်းခံခြင်း ၊ စိတ်သဘောထားကြီးခြင်း ၊ သနားကြင်နာခြင်းများနှင့် အစားထိုးနိုင်တယ်လို့ ကျွန်တော်တို့ ယုံကြည် ကြပါတယ် ။ ဗုဒ္ဓဘာသာဝင်များရဲ့ လမ်းညွှန်မှု ၊ ထောက်ပံ့မှု နဲ့ မြတ်စွာဘုရားရဲ့ စံနမူနာများကိုကြည့်ပြီး စိတ်ဓာတ် တက်တက်ကြွကြွနဲ့ ကြိုးစားကြရင် အခု ပြောခဲ့တဲ့ အရာတွေဟာ လက်လှမ်းမှီနိုင်တဲ့ အရာတွေချည်းပဲလို့ ကျွန်တော်တို့ ယုံကြည်ကြပါတယ် ။ မြတ်စွာဘုရား မိန့်ကြားခဲ့တာကတော့ ----              " မိမိသည်သာလျှင် မိမိရဲ့ အားကိုးအားထားရာပဲ ၊ သူတစ်ပါးဟာ မိမိရဲ့ အားကိုးရာ မဟုတ်ဘူး ။ " ( ဓမ္မပဒ ၊ ၁၆၅ ) ............................................................................................................................................................................................................................................................

ဗုဒ္ဓဘာသာ၏ အခြေခံ အယူအဆ အမေးအဖြေများ

၂ ။ဗုဒ္ဓဘာသာ၏ အခြေခံ အယူအဆ မေး ။             ။ ဗုဒ္ဓဘာသာရဲ့ပဓာန တရားတွေဟာ ဘာတွေလဲ ။ ဖြေ ။              ။ ဘီးတစ်ခုရဲ့ အနားခွေနဲ့ ထောက်များဟာ အလယ်ချက် ပုံတောင်းကို ဗဟိုပြုသလိုပဲ ဗုဒ္ဓ ရဲ့တရားတော်အားလုံးဟာလည်း မြတ်သော အမှန်တရား လေးပါး ( သစ္စာလေးပါး ) ပေါ်မှာ ဗဟိုပြုပါ တယ် ။ ဒီတရားတော်ကို အရေအတွက်အားဖြင့် လေးခုရှိလို့ " လေးပါး " လို့ ဆိုရပါတယ် ။ ဒီတရားတော် ကို သိမြင်သူကို မြတ်သော ပုဂ္ဂိုလ်အဖြစ်သို့ ရောက်စေတတ်လို့ " မြတ်သော " လို့ ဆိုရပါတယ် ။ မဖောက်မပြန် မှန်ကန်တဲ့ ပရမတ္ထ သဘာဝနဲ့ကိုက်ညီလို့ " အမှန်တရား " လို့ ဆိုရပါတယ် ။ ဒါကြောင့် " မြတ်သော အမှန်တရား လေးပါး " ဟာ ဗုဒ္ဓဘာသာရဲ့ လိုရင်း ပဓာန တရားပါပဲ ။ မေး ။                  ။ ပထမဆုံး အရိယသစ္စာ ( မြတ်သော အမှန်တရား ) က ဘာပါလဲ ။ ဖြေ ။                  ။ ပထမဆုံး အရိယသစ္စာက ဘ၀ဆိုတာ ဆင်းရဲချည်းပဲ ဆိုတဲ့ အမှန်တရားပါပဲ ။ အသက် ရှင်နေသမျှ ဆင်းရဲနေတာပါပဲ ။ ဆင်းရဲ တစ်စုံတစ်ရာကို မခံစားရပဲ အသက်ရှင်နေတယ်ဆိုတာ မဖြစ် နိုင်ပါဘူး ။ကျွန်တော်တို့ဟာ မကျန်းမာခြင်း ၊ ထိခိုက်ဒဏ်ရာရခြင်း ၊ အိုမင်းရင့်ရော်ခြင်း ၊ နောက်ဆုံးမှာ သေရခြင်းစတဲ့ ကိုယ်ဆင်းရဲ ( ကာယိကဒုက္ခ ) တွေကို ခံစားကြရပါတယ် ။ အထီးကျန်ဖြစ်ခြင်း ၊ ဘာလုပ် ရမှန်းမသိအောင် စိတ်ဆင်းရဲနေခြင်း ၊ ကြောက်ခြင်း ၊ စိတ်မသက်မသာ ဖြစ်ခြင်း ၊ စိတ်ပျက်ခြင်း ၊ အမျက်ထွက်ခြင်း စတဲ့ စိတ်ဆင်းရဲ ( စေတသိကဒုက္ခ ) တွေကိုလည်း ခံစားကြရပါတယ် ။ မေး ။                ။ ဒီလိုဆိုတော့ ဒါဟာ ဘ၀ကို အဆိုးချည်းပဲ လို့မြင်တဲ့ သဘော( Pessimism ) ဖြစ်မနေ ဘူးလား ။ ဖြေ ။                ။ အဘိဓာန်က အဆိုးမြင်ဝါဒ ( Pessimism ) ကို " ဖြစ်ပျက်မည့် အရာအားလုံးဟာ အဆိုး ချည်းပဲလို့ စဉ်းစား တွေးခေါ်လေ့ရှိခြင်း " လို့ အဓိပ္ပာယ် ဖွင့်ပါတယ် ။ ပြီးတော့ " အဆိုးဟာ အကောင်း ထက်ပိုပြီး အင်အားကြီးမားတယ်လို့ ယုံကြည်ခြင်း " လို့လည်း ဖွင့်ပါတယ် ။ ဗုဒ္ဓဘာသာဟာ ဒီအယူအဆ နှစ်မျိုးစလုံးကို လုံးဝ လက်မခံပါဘူး ။ ချမ်းသာသုခဆိုတာ ရှိတယ်ဆိုတဲ့ အချက်ကို ဗုဒ္ဓဘာသာက မငြင်း ပါဘူး ။ [ ဗုဒ္ဓမြတ်စွာက အတ္ထိသုခ = ရှိချမ်းသာ ၊ ဘောဂသုခ = စည်းစိမ်ခံစား ချမ်းသာ ၊ အာဏဏျ သုခ = ကြွေးကင်းချမ်းသာ ၊ အန၀ဇ္ဇသုခ = အပြစ်ကင်းချမ်းသာလို့ လောကမှာ ခံစားရတဲ့ ချမ်းသာလေး မျိုးကို ဟောပြခဲ့ပါတယ် ။ ] ဗုဒ္ဓဘာသာက ဘ၀ဆိုတာ ကိုယ်ဆင်းရဲ ၊ စိတ်ဆင်းရဲကို ခံစားနေရခြင်းပဲလို့ သာ ထောက်ပြတာပါ ။ ဒီအချက်ဟာ ငြင်းလို့မရအောင် မှန်ကန် ထင်ရှားတဲ့ အချက်ပါ ။                 များစွာသော ဘာသာတရားတွေရဲ့ လိုရင်း ပဓာန အယူအဆဟာ ပုံပြင်ဆန်နေတတ်ပါတယ် ။ သမိုင်းပုံပြင်ဆန်နေတတ်ပါတယ် ။ မှန် , မမှန် စစ်ဆေးဝေဖန်ကြည့်ဖို့ မဖြစ်နိုင်တဲ့ ယုံကြည်မှုရင်လည်း ဖြစ်နေတတ်ပါတယ် ။                ဗုဒ္ဓဘာသာကတော့ ကိုယ်တွေ့ခံစား သိမြင်မှုနဲ့ စပါတယ် ။ ဒီဒုက္ခကို ကိုယ်တွေ့ခံစား နေကြရ တာဟာ ငြင်းလို့မရတဲ့ ဖြစ်ရပ်မှန်ပါ ။ သက်ရှိအားလုံး သိနေရ ၊ ကိုယ်တွေ့ခံစားနေရတဲ့ သဘာဝ အမှန် ပါ ။ ခံစားနေရလို့ပဲ ဒီဆင်းရဲ ဒုက္ခကို ကျော်လွှား ပယ်ရှားနိုင်ဖို့ စွမ်းနိုင်သမျှ ကြိုးစားနေကြရတယ် ဆို တာလည်း ဖြစ်ရပ် အမှန်ပါပဲ ။                  ဗုဒ္ဓဘာသာဟာ စကြ၀ဠာ တစ်ခုလုံးအကြောင်းကို အမှန်အတိုင်း ထုတ်ဖော်ပြတဲ့ တစ်ခုတည်း သော ဘာသာတရားပါ ။ ဒီထုတ်ဖော်ချက်ဟာ လူသားတိုင်း စိုးရိမ်ကြောင့်ကြနေတဲ့ အချက်ရဲ့ ဗဟိုချက် မ အထိ တိုက်ရိုက် ထိတွေ့ပါတယ် ။အဲဒီအချက်က ဘာလဲဆိုတော့ ဒုက္ခနှင့်ဒုက္ခမှ လွတ်မြောက်ရေးပါပဲ။ မေး ။                 ။ ဒုတိယ အရိယသစ္စာ ( မြတ်သော အမှန်တရား ) က ဘာပါလဲ ။ ဖြေ ။                 ။ ဒုတိယသစ္စာကတော့ လိုချင်တက်မက်မှု တဏှာကြောင့် ဆင်းရဲရတယ် ။ ဒုက္ခရောက်ရ တယ် ဆိုတဲ့ အချက်ပါပဲ ။ ကျွန်တော်တို့ဟာ စိတ်ဆင်းရဲမှုကိုကြည့်ရင် လိုချင်တက်မက်မှု ( တဏှာ ) ကြောင့် စိတ်ဆင်းရဲမှု ဘယ်လို ဖြစ်ပေါ်လာရတယ်ဆိုတာ လွယ်လွယ်နဲ့ သိနိုင်ပါတယ် ။                 ကျွန်တော်တို့ တစ်စုံတစ်ရာကို လိုချင်ပါလျက် မရဘူး ဆိုရင် ကျွန်တော်တို့ စိတ်မချမ်းမသာ ဖြစ်ရတယ် ။ တစ်စုံတစ်ယောက်ဟာ ကျွန်တော်တို့ မျှော်လင့်သလို ဖြစ်မလာရင် ကျွန်တော်တို့ စိတ်ပျက် ကြရတယ် ။ ကျွန်တော်တို့ကို လူတွေက သဘောမကျရင် ကျွန်တော်တို့ စိတ်ဆင်းရဲ ကြတယ် ။ ကျွန်တော်တို့ လိုချင်တာကို ရတောင်မှ အမြဲတစေ စိတ်ချမ်းသာကြတာ မဟုတ်ပါဘူး ။ ဘာကြောင့်လဲ ဆိုတော့ ကျွန်တော်တို့ဟာ မကြာမီပဲ ရ,ထားတဲ့အရာကို ငြီးငွေ့လာပြီး စိတ်မ၀င်စားတော့ပဲ တစ်ခြား တစ်ခုကို လိုချင်လာပြန်လို့ပါပဲ ။ ရှင်းရှင်းပြောရရင် လိုချင်တာကိုရတာဟာ စိတ်ချမ်းသာမှုကို အာမ,မခံ နိုင်ပါဘူး ။ ဘာကြောင့်လည်းဆိုတော့ ဒုတိယသစ္စာရဲ့သဘောက " လိုချင်ရင်ဆင်းရဲတယ် " ဆိုတဲ့ သဘာဝ မို့ပါပဲ ။ လိုချင်တဲ့အရာကို ရအောင် အမြဲမပြတ် ကြိုးပမ်း လုပ်ဆောင်နေခြင်းထက် လိုချင်နေ တဲ့ စိတ်ကို ပြုပြင်ပေးခြင်းက ပိုကောင်းပါတယ် ။ လိုချင်မှုက ကျွန်တော်တို့၏ ရောင့်ရဲတင်းတိမ်မှု နဲ့ ချမ်းသာ ပျော်ရွှင်မှုကို ချေဖျက်ပစ်ပါတယ် ။ မေး ။                    ။ လိုချင်တက်မက်ခြင်း တဏှာက ကိုယ်ဆင်းရဲကို ဘယ်လို ဖြစ်ပေါ်စေပါသလဲ ။ ဖြေ ။                   ။ တစ်ဘ၀လုံး ဟိုဟာ လိုချင်တက်မက် ၊ ဒီဟာ လိုချင်တက်မက် ၊ အထူးသဖြင့် ဘ၀ ဆက်လက် ဖြစ်ပေးရေးကို လိုချင်တက်မက်ခြင်းက နောက်တစ်ဘ၀ ကို ဖြစ်ပေါ်စေနိုင်တဲ့ ကြီးမားလှတဲ့ စွမ်းအားကို ဖြစ်ပေါ်စေပါတယ် ။ တစ် ဘ၀ ဖြစ်ပြန်တော့ ရုပ်ခန္ဓာတစ်ခု ရပြန်တယ် ။ ရုပ်ခန္ဓာ ရပြန် တော့ ဒဏ်ရာ အနာတရ , ရခြင်း ၊ ရောဂါဝေဒနာ ဖိစီးနှိပ်စက်ခြင်း စတဲ့ ဆင်းရဲတွေ ဖြစ်ရပြန်တယ် ။ အလုပ်ပင်ပန်းလို့ ဆင်းရဲရ ၊ အိုရ ၊ နာရ ၊ နောက်ဆုံးမှာ သေခြင်း ဆင်းရဲနဲ့ မလွဲမသွေ တွေ့ရပြန်တယ် ။ ဒီလိုနဲ့ လိုချင်တက်မက်တဲ့ တဏှာက ဘ၀သစ်ကို ဖြစ်ပေါ်စေတဲ့ အတွက် ကိုယ်ဆင်းရဲတွေ ဖြစ်ရပြန် တယ် ။ မေး ။                    ။ အဲဒါ သိပ်ဟုတ်ပါတယ် ။ သို့သော်လည်း ကျွန်တော်တို့ဟာ လိုချင်တက်မက်တဲ့ တဏှာကို လုံးဝ ပယ်သတ်လိုက်ရင် ကျွန်တော်တို့ ဘာကိုမှ ရတော့မှာ မဟုတ်ပါဘူး ။ ဖြေ ။                  ။ မှန်ပါတယ် ။ သို့သော်လည်း မြတ်စွာဘုရားက ဒီလို မိန့်ကြားတော်မူပါတယ် ။ ကျွန်တော်တို့ရဲ့ လိုချင်မှု ၊ တက်မက်မှု ၊ ရတာ နှင့် မတင်းတိမ် မရောင့်ရဲမှု ၊ ပိုပိုပြီး လိုချင် တောင့်တမှု များက ကျွန်တော်တို့ကို ဆင်းရဲစေပါတယ် ။ ဒါကြောင့် အဲဒီ လိုချင်တောင့်တမှု တဏှာကို ရပ်ပစ်သင့် ၊ ပယ်သတ်ပစ်သင့်တယ်လို့ မိန့်တော်မူပါတယ် ။                  မြတ်စွာဘုရားက ကျွန်တော်တို့ကို လိုအပ်တာနဲ့ လိုချင်တာ ကို ခွဲခြားတတ်ဖို့ ၊ လိုအပ်တာကို ရအောင်ကြိုးစားဖို့ လိုချင်တာကို ပြုပြင်ဖို့ မိန့်ကြားတော်မူပါတယ် ။ ကျွန်တော်တို့ရဲ့ လိုအပ်ချက်ကို ဖြည့်ဆည်းပေးနိုင်ကြောင်း ၊ လိုချင်တဲ့ လောဘ ကတော့ အောက်ခြေကို မမြင်နိုင်တဲ့ နက်လှတဲ့တွင်း ကြီး ဖြစ်ကြောင်းလည်း မိန့်တော်မူပါတယ် ။ မရှိမဖြစ်တဲ့ အခြေခံကျတဲ့ လိုအပ်တာတွေ ရှိပါတယ် ။ အဲဒါ တွေကို ရအောင် ကြိုးစားပြီး အလုပ်လုပ်ရပါမယ် ။ အဲဒီ တစ်ကယ် လိုအပ်တာထက် ပိုလွန်တဲ့ လောဘ တွေကိုတော့ နည်းပါးသွားအောင် ကြိုးစားရပါမယ် ။                       ခြုံပြောရရင် ဘ၀ ရဲ့ ရည်ရွယ်ချက်ဟာ ဘာလဲ ၊ ရဖို့ ၊ ရတာ နဲ့ တင်းတိမ် ရောင့်ရဲဖို့ ၊ ပျော်ရွှင်စွာ နေထိုင်နိုင်ဖို့ပဲ မဟုတ်လား ။ မေး ။                 ။ သစ္စာလေးပါးထဲက တတိယ အရိယသစ္စာ ( မြတ်သော အမှန်တရား ) က ဘာလဲ ။ ဖြေ ။                 ။ တတိယ အမှန်တရားက ဆင်းရဲဒုက္ခကို လွန်မြောက်ပြီး ချမ်းသာသုခကို ရခြင်း ( နိရော ဓသစ္စာ ) ပါပဲ ။ သစ္စာလေးပါးထဲမှာ ဒီ တတိယသစ္စာ ဟာ အရေးကြီးဆုံးပါပဲ ။ ဘာကြောင့်လည်းဆို တော့ မြတ်စွာဘုရားက ချမ်းသာစစ် ချမ်းသာမှန် နှင့် တင်းတိမ်ရောင့်ရဲ မှုဟာ ရနိုင်တဲ့ အရာတွေ ဖြစ် ကြောင်း မိန့်ကြားတော်မူခဲ့လို့ပါပဲ ။                  ကျွန်တော်တို့ဟာ နေ့စဉ်နေ့တိုင်း အကျိုးမရှိတဲ့ လိုချင်တက်မက်မှုတွေကို ပယ်ရှားပြီးတော့  မနေနိုင် မထိုင်နိုင်အောင် လိုချင် တောင့်တမှုတွေ မရှိဘဲ ဘ၀ ပေး အတွေ့အကြုံတွေကို ခံစားရင်း ဘ၀ မှာ တွေ့ကြုံရတဲ့ ပြဿနာတွေကို ကြောက်ခြင်း ၊ မုန်းခြင်း ၊ အမျက်ထွက်ခြင်း မရှိဘဲ စိတ်ရှည်ရှည်နဲ့   သည်းခံနေထိုင်တတ်တဲ့အခါမှာ ကျွန်တော်တို့ လွတ်လပ်ပျော်ရွှင်ကြမှာ ပါပဲ။ အဲဒီအခါကျမှ ကျွန်တော် တို့ ဘ၀ ဟာ ပြည့်စုံလာကြမှာပါ ။ အဲဒီအခါမှာ ကျွန်တော်တို့ရဲ့ တစ်ကိုယ်ကောင်းဆန်တဲ့ အလိုလောဘ တွေကို ဖြည့်ဆည်းပေးစရာ မလိုတော့တဲ့အတွက် ကျွန်တော်တို့မှာ သူတစ်ပါးတွေကို ကူညီဖို့ ၊ သူတို့ လိုအပ်ချက်တွေကို ဖြည့်ပေးဖို့ အချိန်တွေအများကြီး ရလာမှာ ဖြစ်ပါတယ် ။ ဒီအခြေအနေကို နိဗ္ဗာန်လို့ ခေါ်ပါတယ် ။ အဲဒီအခါမှာ ကျွန်တော်တို့ဟာ စိတ်ဒုက္ခ အားလုံးမှလည်း လွတ်မြောက် သွားကြမှာပါ ။ ဒါ ကို အဆုံးစွန်သော နိဗ္ဗာန်လို့ ခေါ်ပါတယ် ။ * ( အဖြေရှင် ဘုန်းကြီးသည် နိဗ္ဗာန်၏ သဘောကို လူပြိန်း နားလည်နိုင်မည့် နည်း နှင့် သာမာန် ဖြေကြားလိုက်ခြင်း ဖြစ်သည်ဟု ယူဆရပါသည် ။ မဂ္ဂင်ရှစ်ပါး မဂ္ဂသစ္စာတရားကို ကျင့်ကြံပွားများ အားထုတ်မှ ရနိုင်သည့် သဥပါဒိသေသ နိဗ္ဗာန် နှင့် ရုပ်နာမ်ခပ်သိမ်း လုံးဝငြိမ်းသည့် အနုပါဒိသေသ နိဗ္ဗာန် တို့ကို မသိ၍ ယင်းသို့ ဖြေဆိုခြင်း မဟုတ်ဟု ယူဆရပါသည် ။ ) * မေး ။                 ။ နိဗ္ဗာန်ဆိုတာ ဘာပါလဲ ၊ ဘယ်မှာ ရှိပါသလဲ ။ ဖြေ ။                  ။ နိဗ္ဗာန်ဆိုတာ အချိန်နှင့် နေရာဌာန ပြစရာ မရှိတဲ့ သဘာဝ တစ်ခုပါပဲ ။ [ နိဗ္ဗာန်ဟာ အတိတ် ။ အနာဂတ် ။ ပစ္စပ္ပန် ဆိုတဲ့ ကာလသုံးပါးမှ လွတ်နေတယ် ။ ဘယ်နေ၇ာမှာ ရှိတယ်လို့လည်း ပြောမဖြစ်တဲ့အတွက် တည်နေရာ ဌာနလည်း အလွတ်ဖြစ်တယ် ။ ] ဒါကြောင့် နိဗ္ဗာန်အကြောင်းကို ပြော ဖို့ မဆိုထားနှင့် စဉ်းစားဖို့တောင်မှ ခက်ပါတယ် ။ စကားလုံးတွေ စဉ်းစားတွေးခေါ်မှုတွေဟာ အချိန်နဲ့ နေရာဌာန ညွှန်ပြလို့ရတဲ့ သဘာဝတွေအတွက်သာ သင့်လျော်ပါတယ် ။               နိဗ္ဗာန်ဟာ ကာလသုံးပါးမှ လွတ်နေပြီး ရွေ့လျားမှု မရှိတဲ့အတွက် အိုမင်းရင့်ရော်ခြင်း ၊ သေကြေပျက်စီးခြင်း မရှိဘူး ။ ဒါကြောင့် နိဗ္ဗာန်ဟာ အစအဆုံး မရှိတဲ့ ( အနာဒိ , အနန္တ ) သဘာဝဖြစ်ပါ တယ် ။ မြတ်စွာဘုရားက " နိဗ္ဗာန်ဟာ အမြတ်ဆုံး ချမ်းသာပဲ " လို့ မိန့်ကြားတော်မူပါတယ် ။ မေး ။                 ။ ဒီလို သဘာဝတရား ရှိတယ်ဆိုတာ အထောက်အထား ပြနိုင်ပါသလား ။ ဖြေ ။                 ။ မပြနိုင်ပါဘူး ။ သို့သော်လည်း နိဗ္ဗာန် ရှိတယ်ဆိုတာ ကျွန်တော်တို့ ဆင်ခြင် တွေးဆယူလို့ရပါတယ် ။ ကျွန်တော်တို့နေထိုင်ရာ ကမ္ဘာလောကကြီးဟာ အချိန်ကာလ နေရာ ဌာနတွေ နဲ့ ပိုင်းခြား သတ်မှတ်လို့ရတဲ့ သဘာဝကြီးပါ ။ ဒီလိုပိုင်းခြားသတ်မှတ်လို့ရတဲ့ သဘာဝရှိရင် အချိန်ကာလ နေရာဌာနတွေမှ အလွတ်ဖြစ်တဲ့ ပိုင်းခြားသတ်မှတ်လို့ မရတဲ့ သဘာဝလည်း ရှိတယ်လို့ ဆင်ခြင်တွေးဆ ယူနိုင်ပါတယ် ။ အဲဒါကတော့ နိဗ္ဗာန်ပါပဲ ။ နောက်တစ်ခုက တစ်ကယ်လို့ နိဗ္ဗာန်ရှိကြောင်း ကျွန်တော်တို့ သက်သေအထောက်အထားမပြနိုင်တောင်မှပဲ နိဗ္ဗာန်ရှိကြောင်း ဗုဒ္ဓမြတ်စွာ ဟောထားခဲ့တာ ရှိပါတယ်။ " မဖြစ်သော ၊ မဖြစ်ပေါ်သော ၊ ပြုလုပ်မထားအပ်သော ၊ အကြောင်းတို့ စုပေါင်း မပြုလုပ်အပ်သော သဘောသည် ရှိ၏ ။ အကယ်၍သာ မဖြစ်သော ၊ မဖြစ်ပေါ်သော ၊ ပြုလုပ်မထားအပ်သော ၊ အကြောင်း တို့ စုပေါင်း မပြုလုပ်အပ်သောသဘော မရှိခဲ့လျှင် ဖြစ်သော ၊ ဖြစ်ပေါ်သော ၊ ပြုလုပ်ထားအပ်သော ၊ အကြောင်းတို့ စုပေါင်း ပြုလုပ်အပ်သော သဘာဝမှ လွတ်မြောက်ရာ မရှိနိုင်ပေ ။ "                " အဖြစ်သော ၊  မဖြစ်ပေါ်သော ၊ ပြုလုပ်မထားအပ်သော ၊ အကြောင်းတို့ စုပေါင်းမပြုလုပ်အပ် သော သဘောရှိသောကြောင့်သာ ဖြစ်သော ၊ ဖြစ်ပေါ်သော ၊ ပြုလုပ်ထားအပ်သော ၊ အကြောင်းတရား တို့ စုပေါင်းပြုလုပ်ထားသော သဘောမှ လွတ်မြောက်သောသဘာဝရှိကြောင်း သိရပေသည် ။ " ( ဥဒါန)                ကျွန်တော်တို့ကိုယ်တိုင် မျက်မှောက်ပြုရသောအခါ နိဗ္ဗာန်ကို ကျွန်တော်တို့ သိရပါလိမ့်မည် ။ အဲဒီအချိန်အထိ ကျွန်တော်တို့ ကြိုးစားကြရလိမ့်မည် ။           ...................................................................................................................................................................................................................................

အမေးအဖြေများ -၂

မေး ။                   ။ ဗုဒ္ဓဘာသာဝင်များဟာ ရုပ်တုကို ကိုးကွယ် ကြတယ်လို့ တစ်ချို့လူများက ပြောတာ ကြား ဘူးပါတယ် ။ ဟုတ်ပါသလား ။ ဖြေ ။                    ။ ဒီလိုအပြောမျိုးဟာ ဗုဒ္ဓဘာသာကို နားလည်မှားနေတဲ့ လူတွေပြောကြတဲ့ စကားတွေပါ ။ အဘိဓာန်များကတော့ " ရုပ်တုကို ထာဝရဘုရား ( God ) အဖြစ်နဲ့ ရှိခိုး ကိုးကွယ်ကြတာကို ရုပ်တု ကိုးကွယ် မှု " လို့ ဖွင့်ပြကြပါတယ် ။ သိကြတဲ့အတိုင်းပဲ ဗုဒ္ဓဘာသာဝင်များဟာ ဗုဒ္ဓမြတ်စွာကို ထာဝရဘုရား တစ်ပါး ( God ) အနေနဲ့ ယုံကြည်သိမှတ်ကြတာ မဟုတ်ပါဘူး ။ ဒီတော့ ဗုဒ္ဓဘာသာဝင်များဟာ သစ်သားရုပ်တု ၊ သံ ရုပ်တု ၊ ကြေးရုပ်တု စသည်ကို ဘယ်မှာ ကိုးကွယ်ကြပါမလဲ ။                     သို့သော်လည်း တစ်ခုတော့ ရှိပါတယ် ။ ဘာသာတရားတိုင်းမှာ ဘာသာဝင်တိုင်းဟာ အယူအဆ အမျိုးမျိုးကို ဖော်ပြဖို့ အမှတ်လက္ခဏာ ( Symbol ) အမျိုးမျိုးကို အသုံးပြုကြပါတယ် ။ ဥပမာ - တာအိုဘာ သာမှာဆိုရင် ဆန့်ကျင်ဘက်နှစ်ခုတို့ရဲ့ ညီညွတ် ပေါင်းစည်းမှုကို ဖော်ပြဖို့ရာ ယင် နဲ့ ယန် ( Ying - Yang ) ကို အမှတ်လက္ခဏာအဖြစ် အသုံးပြုပါတယ် ။ ဆစ်ဘာသာမှာ ဘာသာရေးဆိုင်ရာ ရုန်းကန်လှုပ်ရှားမှုကို ဖော်ပြဖို့ရာ ဓားကို အမှတ်လက္ခဏာအဖြစ် အသုံးပြုပါတယ် ။ ခရစ်ယာန်ဘာသာမှာ ခရစ်တော် တည်ရှိ ခြင်းကို ဖော်ပြဖို့ရာ ငါးကို အမှတ်လက္ခဏာအဖြစ် အသုံးပြုကြတယ် ။ ခရစ်တော်ရဲ့ လူသားအတွက် အသက်စွန့်လွှတ်မှုကို ဖော်ပြဖို့ရာ လက်ဝါးကပ်တိုင်ကို အမှတ်လက္ခဏာအဖြစ် အသုံးပြုပါတယ် ။ ဗုဒ္ဓဘာ သာမှာ လူသားတစ်ဦးရဲ့ အလုံးစုံပြီးပြည့်စုံမှုကို ဖော်ပြဖို့ရာ ဘုရားရုပ်တုတော်ကို အမှတ်လက္ခဏာအဖြစ် အသုံးပြုကြပါတယ် ။                       ဗုဒ္ဓရုပ်တုတော်က ဗုဒ္ဓရဲ့ တရားတော်များမှာ ပါဝင်တဲ့ လူသားနဲ့သက်ဆိုင်တဲ့ သဘာဝများကို ကျွန်တော်တို့အား သတိရစေပါတယ် ။ ဗုဒ္ဓဘာသာဟာ လူသားကို ဗဟိုပြုတယ် ။ ထာဝရဘု၇ား ( God ) ကို ဗဟိုမပြုဘူး ဆိုတဲ့ အချက်နဲ့ အလုံးစုံပြီးပြည့်စုံရေးနဲ့ အသိမှန် အမြင်မှန်ရရေးအတွက် ဗဟိဒ္ဓသန္တာန်ကို မကြည့်ရဘူး ၊ အဇ္ဈတ္တသန္တာန်ကိုသာ ကြည့်ရမယ်ဆိုတဲ့ အချက်ကိုလည်း ကျွန်တော်တို့အား သတိရစေပါ တယ် ။ ဒါ့ကြောင့် ဗုဒ္ဓဘာသာဝင်တွေဟာ ရုပ်တုကို ရှိခိုး ကိုးကွယ်တယ်ဆိုတဲ့ စွပ်စွဲပြောဆိုချက်တွေဟာ မမှန်ပါဘူး ။ မေး ။                     ။ တရုတ်ဗုဒ္ဓဘာသာ ဘုရားကျောင်းတွေထဲမှာ " စက္ကူပိုက်ဆံ " တွေကို မီးရှို့တာတွေ ၊ ပြီးတော့ တစ်ခြား ထူးထူးဆန်းဆန်း လုပ်ကြတာ တွေ့ရပါတယ် ။ အဲဒါတွေကို ဘာကြောင့် လုပ်ကြပါသလဲ။ ဖြေ ။                    ။ ကျွန်တော်တို့ဟာ ကျွန်တော်တို့ နားမလည်တဲ့ အရာများကို တွေ့ရတဲ့အခါ အဲဒါတွေဟာ ကျွန်တော်တို့အတွက် ထူးဆန်းနေတတ်ပါတယ် ။ အဲဒီလိုဟာတွေကို အထူးအဆန်းတွေပဲလို့ အမှတ်တမဲ့ ဘာသိဘာသာ မနေဘဲ အဲဒါတွေရဲ့ အဓိပ္ပာယ်တွေကို ရှာဖွေဖို့ ကြိုးစားသင့်ကြပါတယ် ။                        မှန်ပါတယ် ။ တစ်ခါတစ်ရံမှာ ဗုဒ္ဓဘာသာဝင်တွေ လိုက်နာလုပ်ဆောင်နေကြတာတွေဟာ ဗုဒ္ဓတရားတော်မှာ အခြေမခံဘဲ နားလည်မှုမှား နှင့် အများယုံကြည်လက်ခံထားတဲ့ အစွဲအလမ်းအပေါ်မှာ အခြေခံထားတာ တွေ့ရတတ်ပါတယ် ။ ဒီလိုကိစ္စတွေဟာ ဗုဒ္ဓဘာသာ တစ်ခုတည်းမှာ မဟုတ်ပါဘူး ။ ဘာသာတိုင်းမှာပဲ ရံဖန်ရံခါ တွေ့ရတတ်ပါတယ် ။                    ဗုဒ္ဓမြတ်စွာဟာ တရားတော်များကို ရှင်းလင်းပြတ်သားစွာ အသေးစိတ် ဟောပြတော်မူပါတယ် ။ အဲဒါကိုမှ ပြည့်ပြည့်စုံစုံ နားမလည်ရင်တော့ ဗုဒ္ဓမြတ်စွာကို အပြစ်ဆိုလို့ မဖြစ်နိုင်ပါဘူး ။ ဒါနဲ့ပတ်သက်လို့ မှတ်သားဖွယ် အဆုံးအမ တစ်ခုကတော့ --               " ရောဂါဝေဒနာ ခံစားနေရသော လူတစ်ယောက်သည် ဆေးဆရာထံမှ ဆေးကုသမှု ခံယူဖို့ လွယ် ကူပါလျက်နဲ့ ကုသမှုကို မခံယူလျှင် ဆေးဆရာ၏ အပြစ် မဟုတ်ပေ ။ "                 " ထို့အတူပင် ကိလေသာရောဂါ အဖိစီး အနှိပ်စက်ခံနေရသူသည် မြတ်စွာဘုရား၏ တရားတော် များ ရှိလျက်နဲ့ တရားဆေးဖြင့် မကုစားလျှင် မြတ်စွာဘုရား၏ အပြစ် မဟုတ်ပေ ။ "                 ဗုဒ္ဓဘာသာကိုပဲဖြစ်စေ ၊ တစ်ခြားဘာသာတရားကိုပဲဖြစ်စေ အဲဒီဘာသာတရားအကြောင်း ကောင်းကောင်း နားမလည်သူများက အမှား ၊ အမှန် ၊ အဆိုး ၊ အကောင်း ကို မဆုံးဖြတ်သင့်ပါဘူး ။ မေး ။                       ။ ဗုဒ္ဓဘာသာဟာ ဒါလောက်ကောင်းနေတယ်ဆိုရင် တစ်ချို့ ဗုဒ္ဓဘာသာနိုင်ငံတွေ ဘာကြောင့် ဆင်းရဲနေသလဲ ။ ဖြေ ။                    ။ သင်ရဲ့အမေးမှာ ဆင်းရဲတယ်ဆိုတာ စီးပွားရေးအရ ဆင်းရဲတာကို ဆိုလိုရင် ဟုတ်ပါ တယ် ။ တစ်ချို့ဗုဒ္ဓဘာသာနိုင်ငံတွေ ဆင်းရဲကြတာ မှန်ပါတယ် ။ သို့သော်လည်း တစ်ကယ်လို့သာ " ဘ၀အရည်အသွေး နိမ့်ကျ ဆင်းရဲမှု " ကို ဆိုလိုရင်တော့ တစ်ချို့ဗုဒ္ဓဘာသာနိုင်ငံတွေဟာ အလွန်   ချမ်းသာ ကြပါတယ် ။                 ဥပမာ -- အမေရိကန်နိုင်ငံ ဆိုကြပါစို့ ။ စီးပွားရေးအရ အင်မတန်ချမ်းသာကြွယ်ဝပြီး အင်အား ကောင်းတဲ့ နိုင်ငံကြီးပေါ့ ။ သို့သော်လည်း ကမ္ဘာမှာ ရာဇ၀တ်မှု ရာခိုင်နှုန်းအမြင့်မားဆုံးနိုင်ငံ တစ်နိုင်ငံ ဖြစ် နေတယ်။ သန်းပေါင်းများစွာသော အဘိုးအို ၊ အဘွားအိုတွေကို သူတို့သားသမီးတွေက ပစ်ထားကြတယ် ။ ဂရုမစိုက်ကြဘူး ။ ဒါနဲ့ပဲ ဘိုးဘွားရိပ်သာမှာ အထီးကျန်ဘ၀နဲ့ ဘ၀ဇာတ်သိမ်းသွားကြရတယ် ။ မိသားစု အတွင်းမှာ ရက်စက်ကြမ်းကြုတ်မှုတွေ ၊ ကလေးတွေကို အမျိုးမျိုး ဖျက်ဆီးမှု တွေဟာ ကြီးမားတဲ့ ပြဿနာ ကြီးတွေ ဖြစ်နေတယ် ။ ဇနီးမောင်နှံစုံ သုံးစုံမှာ တစ်စုံဟာ ကွာရှင်း ပြတ်စဲထားတယ် ။ ညစ်ညမ်းစာပေ ၊ ညစ်ညမ်းရုပ်ရှင် ဆိုတာတွေကိုလည်း လွယ်လွယ်နဲ့ ဖတ်နိုင် ၊ ကြည့်နိုင်ကြတယ် ။ စည်းစိမ်ဥစ္စာ အနေနဲ့ ကြွယ်ဝချမ်းသာသော်လည်း ဘ၀အရည်အသွေး အနေနဲ့ ဆင်းရဲ နိမ့်ကျနေပါတယ် ။                  အခု မြန်မာနိုင်ငံ ဆိုကြပါစို့ ။ စီးပွားရေးအနေနဲ့ နိမ့်ကျနေတဲ့ နိုင်ငံ တစ်နိုင်ငံပဲ ။ သို့သော်လည်း သားသမီးတွေက မိဘတွေကို ရိုသေမြတ်နိုးကြတယ် ။ ပြုစုစောင့်ရှောက်ကြတယ် ။ ရာဇ၀တ်မှုလည်း တစ်ခြားနိုင်ငံတွေနှင့် စာလျှင် အလွန်နည်းတယ် ။ ကွာရှင်းပြတ်စဲမှု ၊ ကိုယ့်ကိုကိုယ်သတ်သေမှု တို့ဆိုတာ မကြားရသလောက်ပဲ ။ မိသားစုအတွင်း ရက်စက်ကြမ်းကြုတ်မှုတို့ ၊ ကလေးသူငယ်တွေကို ဖျက်ဆီးမှုတို့ ၊ ညစ်ညမ်းစာပေ ၊ ညစ်ညမ်းရုပ်ရှင်တို့ ၊ လိင်ဆက်ဆံရေးလိုင်စင် တို့ဆိုတာ မရှိဘူး ။ စီးပွားရေး နိမ့်ကျသော် လည်း အမေရိကန်နိုင်ငံလို နိုင်ငံထက် ဘ၀အရည်အသွေး ပိုပြီး မြင့်မားပါတယ် ။                 ဗုဒ္ဓဘာသာနိုင်ငံတွေကို စီးပွားရေးပေတံ တစ်ခုတည်းနဲ့ တိုင်းတာလျှင်တောင်မှ အချမ်းသာ အကြွယ်ဝဆုံးဒီနေ့ကမ္ဘာမှာ စီးပွားရေးအင်အား အတောင့်တင်းဆုံး ဗုဒ္ဓဘာသာနိုင်ငံကို လက်ညှိုး ထိုးပြနိုင် ပါတယ် ။ အဲဒါကတော့ လူဦးရေရဲ့ ၉၃ ရာနှုန်းဟာ ဗုဒ္ဓဘာသာဝင်တွေ ဖြစ်နေတဲ့ ဂျပန်နိုင်ငံပါပဲ ။ မေး ။                 ။ ဗုဒ္ဓဘာသာဝင်တွေ ကုသိုလ်ဖြစ် လုပ်ငန်းတွေ လုပ်ကြတာ သိပ်မကြားမိပါဘူး ။ အဲဒါဘာ ကြောင့်လဲ ။ ဖြေ ။              ။ ဗုဒ္ဓဘာသာဝင်တွေလည်း ကုသိုလ်ဖြစ် လုပ်ငန်းတွေ လုပ်ကြပါတယ် ။ သင်မကြားမိတာက တော့ ဗုဒ္ဓဘာသာဝင်များဟာ သူတို့လုပ်တဲ့ ကုသိုလ် ကောင်းမှုတွေ အကြောင်းကို ၀ါကြွားပြောဆိုဖို့ မလိုဘူး လို့ ယူဆထားကြလို့ ဖြစ်ပါလိမ့်မယ် ။                    နှစ်ပေါင်းတော်တော်ကြာဆီက ဂျပန်ဗုဒ္ဓဘာသာခေါင်းဆောင် တစ်ယောက်ဖြစ်တဲ့ နစ်ခိုနိရ၀ါနို ဟာ ဘာသာတရားအားလုံး ပေါင်းစည်းညီညွတ်မှု တိုးတက်ရေးကို လုပ်ဆောင်တဲ့အတွက် ( Templeton Prize ) တင်ပယ်လ်တန်ဆုကို ရရှိပါတယ် ။ အလားတူပဲ ထိုင်းဗုဒ္ဓဘာသာဘုန်းတော်ကြီးတစ်ပါးဟာ မူးယစ်ဆေးစွဲသူများကို ကုသရာမှာ ထူးချွန်တဲ့အတွက် မက်ဆေးဆေး ဆုကို ရရှိခဲ့ပါတယ် ။ ၁၉၈၇ ခုနှစ် တုန်းက အရှင်ကန္တယပိဝတ် ဆိုတဲ့ ထိုင်းဘုန်းကြီးတစ်ပါးဟာ ကျေးလက်တောရွာများမှာရှိတဲ့ အခြေအနေမဲ့ ကလေးများကို နှစ်ပေါင်းများစွာကြာအောင် ပြုစုစောင့်ရှောက်ခဲ့တဲ့အတွက် " နော်ဝေကလေးများ၏ ငြိမ်း ချမ်းရေးဆု "ကို ရရှိခဲ့ပါတယ် ။ အနောက်တိုင်း ဗုဒ္ဓဘာသာအဖွဲ့( Western Buddhist Order ) ဟာ အိန္ဒိယ ပြည်မှာ ဆင်းရဲသားများအတွက် ကြီးမား ကျယ်ပြန့်တဲ့ လူမှုရေး လုပ်ငန်းတွေကို လုပ်ဆောင်နေပါတယ် ။ စာသင်ကျောင်းတွေ ၊ ကလေးပြုစုစောင့်ရှောက်ရေးဋ္ဌာနတွေ ၊ ဆေးပေးခန်းတွေ ၊ တစ်နိုင်စက်မှုလုပ်ငန်း အသေးစားတွေ တည်ထောင်ပြီး ပြုစု ပျိုးထောင် ပေးနေပါတယ် ။                   ဗုဒ္ဓဘာသာဝင်များဟာ တစ်ခြားဘာသာဝင်များလိုပဲ သူတစ်ပါးကို အကူအညီပေးရတာဟာ သူ တို့ရဲ့ဘာသာတရား လိုက်နာကျင့်ကြံမှုကို ဖော်ပြတာပဲလို့ သိမြင်မှတ်ယူကြပါတယ် ။ သို့သော်လည်း ဒါတွေ ကို ကိုယ့်ကို ကိုယ် မထင်ပေါ်စေပဲ တိုးတိုးတိတ်တိတ်ပဲ လုပ်သင့်တယ်လို့ ယုံကြည်ကြပါတယ် ။ ဒါကြောင့် သူတို့ရဲ့ ကုသိုလ်ဖြစ် လုပ်ငန်းတွေအကြောင်းကို သင် သိပ်မကြားရတာ ဖြစ်ပါလိမ့်မယ် ။ မေး ။                    ။ ဘာကြောင့် ဗုဒ္ဓဘာသာတွေ အမျိုးမျိုး ကွဲပြားနေပါသလဲ ။ ဖြေ ။                     ။ လူတွေစားသုံးကြတဲ့ သကြားတွေလဲ အမျိုးမျိုးရှိကြတာ မဟုတ်လား ။ သကြားဖြူ ၊ သကြားညို ၊ ကျောက်သကြား ၊ သကြားရည် ၊ ရေခဲသကြား စသည် အမျိုးမျိုး ရှိကြတာပဲ ။ သို့သော်လည်း အားလုံးဟာ သကြားချည်းပဲ ၊ ပြီးတော့ သကြားတိုင်းဟာ ချိုကြတာချည်းပဲ ။ မချိုတဲ့ သကြားရယ်လို့ မရှိ ဘူး ။ ဒီလို သကြား အမျိုးမျိုးအစားစား ထုတ်ကြတာက သူတို့ကို သုံးစွဲပုံ သုံးစွဲနည်း အမျိုးမျိုး ရှိကြလို့ပါပဲ ။ ဗုဒ္ဓဘာသာ ဟာလည်း ထို့အတူပါပဲ ။ ထေရ၀ါဒဗုဒ္ဓဘာသာ ၊ ဈင်းဗုဒ္ဓဘာသာ ၊ အမိတာဘာ ဗုဒ္ဓဘာသာ ၊ ယောဂါစာရ ဗုဒ္ဓဘာသာ ၊ ၀ဇိရယာန ဗုဒ္ဓဘာသာ စသည်ဖြင့် ကွဲပြားနေကြသော်လည်း အနှစ်သာရအား ဖြင့် အတူတူပါပဲ ။ အဲဒီအနှစ်သာရက ဘာလဲဆိုတော့ ကိလေသာမှလွတ်မြောက်ခြင်း ၊ ဆင်းရဲမှလွတ် မြောက်ခြင်း ဆိုတဲ့ အနှစ်သာရ ပါပဲ ။ ဗုဒ္ဓဘာသာဟာ သူဖြစ်ပေါ်ရာ ယဉ်ကျေးမှု အမျိုးမျိုး နဲ့ ဟပ်မိအောင် အသွင် အမျိုးမျိုး နဲ့ ဖွံ့ဖြိုး တိုးတက်လာခဲ့ပါတယ် ။ အသစ်ဖြစ်တဲ့ မျိုးဆက် အသီးသီးနဲ့ ကိုက်ညီအောင် ရာစုနှစ်များတစ်လျောက်မှာ ဗုဒ္ဓဘာသာကို ပြန်ပြီး အဓိပ္ပာယ် ဖွင့်ဆိုကြပါတယ် ။ ပြင်ပ ပုံပန်းသဏ္ဍာန် အနေနဲ့ အမျိုးမျိုး ကွဲပြားနေတယ်လို့ ထင်ရသော်လည်း အားလုံးရဲ့ ဗဟိုချက်မ အနှစ်သာရ ကတော့ သစ္စာ လေးပါး ၊ မဂ္ဂင်ရှစ်ပါး ပါပဲ ။                   ဗုဒ္ဓဘာသာအပါအ၀င် ဘာသာကြီး အားလုံးဟာ ဂိုဏ်းအမျိုးမျိုး ကွဲခဲ့ကြပါတယ် ။ သို့သော်လည်း ဗုဒ္ဓဘာသာဂိုဏ်းအမျိုးမျိုးဟာ အချင်းချင်း ဘယ်တော့မှ စစ်ပွဲတွေ မဆင်နွှဲခဲ့ကြပါဘူး ။ သူတို့ဟာ အချင်း ချင်း ဘယ်တော့မှ ရန်မပွား ခဲ့ကြပါဘူး ။ ခုခေတ်မှာဆိုရင် ဂိုဏ်းတစ်ပါးရဲ့ ကျောင်းကန်ဘုရားကို တစ်ခြား ဂိုဏ်းတစ်ခုက သွားရောက်ပြီး အတူတကွ ဘုရားဝတ်ပြုကြပါတယ် ။ တစ်ခြား ဘာသာရေးလောကမှာ ဒီလို အချင်းချင်း နားလည်မှု လက်ခံ ညီညွတ်မှုဆိုတာ တစ်ကယ်တော့ အလွန်ရှားပါတယ် ။ မေး ။                  ။ သင်က ဗုဒ္ဓဘာသာကို အလွန်အထင်ကြီးတာပဲ ။ သင်ဟာ သင့်ဘာသာတရားကို မှန်တယ် လို့ ယူဆပြီး တစ်ခြား ဘာသာအားလုံးကို မှားတယ်လို့ ယူဆပုံရတယ် ။ ဖြေ ။                 ။ ဗုဒ္ဓမြတ်စွာရဲ့ တရားတော်များကို နားလည်သဘောပေါက်တဲ့ ဗုဒ္ဓဘာသာဝင် မည်သူမဆို တစ်ခြားဘာသာတရား မှားတယ်လို့ မထင်ကြပါဘူး ။ တစ်ခြားဘာသာတရားများကို ပွင့်ပွင့်လင်းလင်း ဝေဖန်စစ်ဆေးဖို့ရာ စစ်မှန်တဲ့ လုံ့လ၀ီရိယကို ပြုသူမှန်သမျှ ဘယ်သူမှ အဲဒီလို မထင်ကြပါဘူး ။ ဘာသာ တရားအမျိုးမျိုးကို လေ့လာတဲ့အခါမှာ ပထမဆုံး သတိပြုမိတာကတော့ ဒီဘာသာတရားတွေဟာ အချင်း ချင်း ဘယ်လောက်များများ တူညီကြတယ်ဆိုတဲ့အချက် ပါပဲ ။                     အားလုံးသော ဘာသာတရားများက လူသားရဲ့ လက်ရှိအခြေအနေဟာ ကျေနပ်ဖွယ်မရှိဘူးလို့ ၀န်ခံကြတာ ပါပဲ ။ လူသားရဲ့ အခြေအနေ တိုးတက်လိုရင် စိတ်နေစိတ်ထား အပြုအမူ ပြောင်းလဲဖို့ လိုအပ် တယ်လို့ အားလုံး ယုံကြည်ကြပါတယ် ။ ဘာသာတရားအားလုံးဟာ မေတ္တာ ၊ ကရုဏာ ၊ ပေးကမ်းလှူဒါန်း ခြင်း ၊ လူမှုရေး တာဝန်ဝတ်တရားများ ဆောင်ရွက်ခြင်း စတဲ့ ကျင့်ဝတ်များကို သင်ကြားပေးကြပါတယ် ။ ဒီဘာသာတရား အားလုံးကအဆုံးစွန်ပြည့်စုံတဲ့ သဘောတစ်ခုဟာ ပုံသဏ္ဍာန် အမျိုးမျိုးနဲ့ ရှိတယ်ဆိုတာ လက်ခံကြပါတယ် ။                    ဘာသာတရားများက ဒီ လုံးဝဥသုံ ပြည့်စုံတဲ့ သဘာဝကို ဘာသာစကားအမျိုးမျိုး ၊ နာမည်အမျိုး မျိုး ၊ အမှတ်အသားအမျိုးမျိုး နဲ့ ရှင်းလင်း ဖော်ပြကြပါတယ် ။ အရာရာကို တစ်ဖက်သတ် ရှုမြင်သုံးသပ်တဲ့ နည်းကို အမြင်ကျဉ်းစွာ တွယ်ကပ်ထားကြတဲ့အခါမှသာ သည်းမခံနိုင်မှု ၊ မာနတရား နှင့် ကိုယ်သာမှန် စိတ်ထားတွေ ဖြစ်ပွားပေါ်ပေါက် လာတတ်ပါတယ် ။                 စဉ်းစားကြည့်ပါ ။ အင်္ဂလိပ် ၊ ပြင်သစ် ၊ တရုတ် ၊ အင်ဒိုနီးရှား လူ ၄ ဦး ကော်ဖီပန်းကန်တစ်လုံးကို ကြည့်ကြတယ် ဆိုပါစို့ ။ အဲဒီပန်းကန်ကို အင်္ဂလိပ်က " Cup "  လို့ခေါ်တယ် ။ ပြင်သစ်က " Tasse " လို့ခေါ် တယ် ။ တ၇ုတ်က " Pei " ၊ အင်ဒိုနီးရှားက " Cawan " လို့ခေါ်တယ် ။ အဲဒါ သူ့အခေါ်မှန်တယ် ၊ တစ်ခြားလူ အခေါ်မှားတယ်လို့ ကိုယ့်အဘိဓာန် ကိုယ်ကိုးကားပြီး အကြောက်အကန် ငြင်းခုံနေကြပါရော ။ အဲဒီအခိုက် မှာ ဗုဒ္ဓဘာသာဝင်တစ်ဦး ရောက်လာပြီး ဘာမှပြောမနေဘဲ ကော်ဖီပန်းကန်ကို ကောက်ယူပြီး မော့ သောက်ပစ်လိုက်ပါတယ် ။ ပြီးတော့မှ သူက ဟိုလူလေးယောက်ကိုပြောလိုက်တယ် ။ " ဒီပန်းကန်ကိုဘယ်လို ပဲ မိတ်ဆွေတို့ခေါ်ခေါ် လိုရင်းက ဒါကို ကော်ဖီသောက်ဖို့ အသုံးပြုတာပါပဲ ။ ငြင်းခုံနေလို့ ဘာအကျိုးရှိမလဲ ။ သောက်ဖို့ပန်းကန်ကို သောက်လိုက်မှ အမောပြေပြီး လန်းဆန်းလာမှာပေါ့ ။ အဲဒါ လိုရင်းပဲ ။ " ဒါဟာ ဘာသာတရားများအပေါ် ဗုဒ္ဓဘာသာကမြင်တဲ့ အမြင် ၊ ထားတဲ့စိတ်ထား ပါပဲ ။ မေး ။                 ။ ဗုဒ္ဓဘာသာဟာ သိပ္ပံနည်း ကျပါသလား ။ ဖြေ ။                 ။ ဒီအမေးကို မဖြေမီ " သိပ္ပံ " ဆိုတဲ့ စကားလုံးရဲ့ အဓိပ္ပာယ်ကို ရှာကြည့်တာ အကောင်းဆုံး ဖြစ်ပါလိမ့်မယ် ။ အဘိဓာန်များက ဒီလိုဖွင့်ပြကြပါတယ် ။ " သိပ္ပံ " ဆိုတာ တစ်ကယ်ဖြစ်နေတဲ့ သဘာဝ တစ်ခုကို လက်တွေ့မျက်မြင် ကြည့်ရှုခြင်းနှင့် စမ်းသပ်ခြင်း တို့အပေါ် အခြေခံပြီး စနစ်တစ်ခု ဖော်ထုတ်တဲ့ ပညာ ၊ တိတိကျကျ လေ့လာစမ်းသပ် သိရှိထားတဲ့ အရာတစ်ခုနှင့် ပတ်သက်လို့ သဘာဝကျတဲ့ နည်းလမ်း ဥပဒေသများ သတ်မှတ်ဖော်ပြတဲ့ ပညာပါပဲ ။ အဲဒီပညာရဲ့ အစိတ်အပိုင်း တစ်ခုခုလည်း သိပ္ပံ ပါပဲ ။                 ဗုဒ္ဓဘာသာမှာ ဒီဖွင့်ဆိုချက်နဲ့ မကိုက်ညီတဲ့ အချက်အလက်များ ရှိကောင်း ရှိနိုင်ပါတယ် ။ သို့သော် လည်း ဗုဒ္ဓဘာသာရဲ့ လိုရင်းတရားဖြစ်တဲ့ သစ္စာလေးပါးကတော့ သေသေချာချာ ကိုက်ညီပါတယ် ။ ပထမ ဆုံး အမှန်တရားက ဒုက္ခသစ္စာ ပါ ။ ဒီမှာ ဒုက္ခ ဆင်းရဲခြင်းဆိုတာ ကိုယ်တိုင် တွေ့သိခံစားရတဲ့ အရာပါ ။သူ့ ကို အဓိပ္ပာယ် သတ်မှတ်လို့လည်း ရပါတယ် ။ လက်တွေ့ခံစား သိမြင်လို့လည်း ရပါတယ် ။                    ဒုတိယ အမှန်တရားက သမုဒယသစာပါ ။ လိုချင်တက်မက်မှုတဏှာကို ဆိုလိုပါတယ် ။ ဆင်းရဲ ဒုက္ခကို ဖြစ်ပေါ်စေတဲ့ အကြောင်းဖြစ်တဲ့ ဒီတဏှာ ဟာလည်း ကိုယ်တိုင်တွေ့သိ ခံစားရတဲ့အရာပါ ။ အဓိပ္ပာယ် သတ်မှတ်လို့လည်း ရတယ် ။ လက်တွေ့သိမြင် ခံစား လို့လည်း ရပါတယ် ။ ဒီဒုက္ခနဲ့ ဒုက္ခရဲ့ အကြောင်းတရားအမှန်ကို ဒဿနပညာဆိုင်ရာ စကားလုံးတွေနဲ့ ရှင်းပြဖို့ မလိုပါဘူး ။ ကိုယ်တွေ့ခံစား သိမြင်ရတဲ့ အရာတွေပါ ။                   တတိယ အမှန်တရားကတော့ နိရောဓသစ္စာပါ ။ ဆင်းရဲကုန်ဆုံးတဲ့သဘော ၊ ဆင်းရဲငြိမ်းတဲ့ သဘောပါ ။ ဒီသဘောကို အနန္တတန်ခိုးရှင်ဆိုသူ တစ်ဦးဦးကို အားကိုးလို့ မရပါဘူး ။ ယုံကြည်ရုံမျှ ဆု တောင်းရုံမျှနဲ့လည်း မရနိုင်ပါဘူး ။ ဆင်းရဲဒုက္ခရဲ့ အကြောင်းတရားကို ပယ်သတ်နိုင်မှပဲ ရပါတယ် ။                စတုတ္ထအမှန်တရားကတော့ ဆင်းရဲငြိမ်းစေတဲ့ နည်းလမ်းဖြစ်တဲ့ မဂ္ဂသစ္စာပါ ။ ဒီဆင်းရဲငြိမ်းရေး နည်းလမ်းကလည်း ဒနပညာ သဘောတရားတွေနဲ့ လုံးဝမသက်ဆိုင်ပါဘူး ။ သတ်မှတ်ပေးထားတဲ့ နည်း လမ်းအတိုင်း လက်တွေ့ကျင့်မှပဲ ရပါတယ် ။ ဒီနည်းလမ်းကလည်း အစမ်းသပ်ခံ နည်းလမ်းပါ ။                    သိပ္ပံပညာမှာလိုပဲ ဗုဒ္ဓဘာသာကို ရှင်းပြဖို့လည်း အနန္တတန်ခိုးရှင် အယူအဆကို လက်ခံဖို့ မလို ပါဘူး ။ ဗုဒ္ဓဘာသာ ကိုယ်တိုင်က စကြာဝဠာ ကမ္ဘာလောကကြီးရဲ့ အလုပ်လုပ်ပုံကို သဘာဝ နိယာမတွေနဲ့ ရှင်းပြထားပါတယ် ။                ဒီအချက်အားလုံးဟာ ဗုဒ္ဓဘာသာရဲ့ သိပ္ပံနည်းကျ အနှစ်သာရကို သေချာစွာ ဖော်ဆောင် နေပါ တယ် ။ ဒီမှာလည်း ကျွန်တော်တို့ကို ဗုဒ္ဓမြတ်စွာ အမြဲတစ်စေ ဆုံးမခဲ့တဲ့ အဆုံးအမက  ကျွန်တော်တို့ဟာ ဘယ်အရာကိုမဆို အကန်းယုံ ၊ အရမ်းယုံ မယုံမိကြဖို့ ၊ မေးမြန်း ၊ စုံစမ်း ၊ စစ်ဆေး ၊ စမ်းသပ်ပြီးမှ ကိုယ် တိုင် တွေ့သိ ခံစားရတဲ့ အရာပေါ်မှာ အခြေခံပြီး ယုံသင့်မှ ယုံဖို့ ပါပဲ ။ ဒီအဆုံးအမမှာ တိကျတဲ့ သိပ္ပံနည်းကျ အမြင် ပါဝင်နေပါတယ် ။ ရှင်တော်မြတ်ဘုရား ဆုံးမပုံက --- " တစ်ဆင့်စကား ပြောသံ ကြားကာမျှကို ဟုတ်ပြီ မှန်ပြီ ဟု ချက်ချင်း အတည် မယူလေနှင့် ၊ လက်မခံကြ လေနှင့် ၊ ရိုးရာ အစဉ်အလာနှင့် ကိုက်ညီသော စကား ဖြစ်၍လည်း ဟုတ်ပြီ မှန်ပြီ ဟု ချက်ချင်း အတည် မယူလေနှင့် ၊ ရှေးက ဒီလို ဖြစ်ခဲ့ဖူးတယ်ဆိုတဲ့ ( ထုံးတမ်းအစဉ်အလာအရလည်း ) ဟုတ်ပြီ မှန်ပြီ ဟုချက် ချင်း အတည် အယူလေနှင့် ၊   ပိဋက ( စာပေ ) နှင့် ( ကျမ်းဂန်နှင့် ) ကိုက်ညီတယ် ဆိုပြီးတော့လည်း ဟုတ်ပြီ မှန်ပြီ ဟုချက်ချင်း အတည်မယူလေနှင့် ၊ မိမိကိုယ်တိုင် တွေးကြံနိုင်ရုံ မျှနှင့်လည်း ( ဆင်ခြင်တုံတရား နှင့် ကိုက်ညီသည်   ယုတ္တိ ရှိသည်ဆိုပြီး ) ဟုတ်ပြီ မှန်ပြီ ဟု ချက်ချင်း အတည် မယူလေနှင့် ၊ နည်းမှီ ရယူရုံဖြင့် လည်းဟုတ်ပြီ မှန်ပြီ ဟု ချက်ချင်း အတည် မယူလေနှင့် ၊ အခြင်းအရာကိုကြံစည်စိတ်ကူးပြီး ( သဘောကျရုံ ဖြင့် ) လည်း ဟုတ်    ပြီ မှန်ပြီ ဟု ချက်ချင်း အတည်မယူလေနှင့် ( မဆုံးဖြတ်နဲ့ဦး ) ၊ ငါတို့သဘောကျ လက်ခံ ထားတဲ့ အယူဝါဒ နှင့် ကိုက်ညီတယ်ဆိုပြီးတော့   လည်း ဟုတ်ပြီ မှန်ပြီ ဟု ချက်ချင်း အတည်မယူလေနှင့် ၊ မှတ်ထိုက် ယူထိုက် လက်ခံထိုက် တဲ့ သဘောပဲ ဆိုပြီးတော့လည်း ဟုတ်ပြီ    မှန်ပြီ ဟု ချက်ချင်း အတည် မယူလေနှင့် ( မဆုံးဖြတ်နဲ့ဦး ) ၊   ငါတို့လေးစားတဲ့ ရဟန်း ရဲ့စကားဆိုပြီးတော့လည်း ဟုတ်ပြီ မှန်ပြီ ဟု  ချက်ချင်း အတည်မယူလေနှင့် ".......ဟူ၍ ကာလာမသားတွေကို ဟောထားတဲ့ ကာလာမသုတ် ရှိပါတယ် ။ သင်ကိုယ်တိုင် ကောင်းတဲ့အရာပဲ ၊ အပြစ်ကင်းတဲ့အရာပဲ ၊ ပညာရှိတို့ ချီးမွမ်းအပ်တဲ့ အရာပဲ ၊ လက်တွေ့ ကျင့်ကြည့်တဲ့ အခါမှာလည်း မုချ ချမ်းသာစေနိုင်တဲ့ အရာပဲလို့ ကိုယ်တွေ့ သိမြင်ရတဲ့ အခါကျမှပဲ အဲဒါကို ယုံကြည် လက်ခံ လိုက်နာ ကျင့်ကြံ ပါ " ။                 ဒါကြောင့် ဗုဒ္ဓဘာသာဟာ ပြည့်ပြည့်၀၀ သိပ္ပံနည်းကျတယ်လို့ မဆိုနိုင်သော်လည်း အတော်ခိုင်မာ တဲ့ သိပ္ပံနည်းကျ သဘောသဘာဝတွေ တော့ ပါဝင်ပါတယ် ။ ပြီးတော့ တစ်ခြား ဘာသာတရားတွေထက် ပိုပြီး သိပ္ပံနည်းကျတယ်လို့ ပြောနိုင်ပါတယ် ။                    နှစ်ဆယ်ရာစုနှစ်မှာ အကြီးမြတ်ဆုံး သိပ္ပံပညာရှင်ဖြစ်တဲ့ အဲလ်ဘတ်အိုင်းစတိုင်း က ဗုဒ္ဓဘာသာ နဲ့ ပတ်သက်လို့ ဒီလိုပြောပါတယ် ။                 " နောင်တစ်ချိန်မှာ စကြ၀ဠာတစ်ခုလုံး ကိုးကွယ်ကြတဲ့ ဖြစ်ပေါ်လာလိမ့်မယ် ။ အဲဒီဘာသာတရား ဟာ ထာဝရဘုရား အယူအဆကို လွှမ်းမိုးသွားလိမ့်မယ် ။ တယူသန် တရားသေ ၀ါဒကိုလည်း ရှောင်လွှဲနိုင် လိမ့်မယ် ။ သဘာဝတရားနှင့် ဘာသာတရား နှစ်ခုလုံးကို လွှမ်းခြုံမိတဲ့ ဒီဘာသာတရားဟာ ရုပ်နာမ်နှစ်ပါး ကို ကိုယ်တွေ့ခံစားသိမြင်မှုနှင့် အဓိပ္ပာယ်ပြည့်ဝတဲ့ ပေါင်းစည်းညီညွတ်မှုအပေါ်မှာ အခြေခံလိမ့်မယ် ။ ဒီအချက်တွေကို ဗုဒ္ဓဘာသာက အဖြေပေးလိမ့်မယ် ။ တစ်ကယ်လို့သာ ခေတ်သစ်သိပ္ပံနည်းကျ လိုအပ်ချက် များကို ဖြည့်ဆည်းပေးနိုင်တဲ့ ဘာသာတရားတစ်ခု ရှိတယ်ဆိုရင် အဲဒီဘာသာတရားဟာ ဗုဒ္ဓဘာသာ ပဲ ဖြစ်လိမ့်မယ် ။ "                                                                                                                                             ...........................................................................................................................................................................................................................................

နိုင်ငံခြားသားဘုန်းတော်ကြီးတစ်ပါး၏ ဗုဒ္ဓဘာသာအမြင် အမေး အဖြေများ

၁         ဗုဒ္ဓဘာသာအကြောင်း မေးလေ့မေးထရှိသော မေးခွန်းများကို ဖြေထားပါသည် ။ မေးခွန်းအများစုမှာ အမှန်တစ်ကယ် မေးကြသော မေးခွန်းများ ဖြစ်၍ အချို့မှာမူ ထိုမေးခွန်း များနှင့် နှီးနွယ်လျက် မေးနိုင်ဖွယ်ရှိသော မေးခွန်းများကို ဖြေဆိုထားပါတယ် ။ မည်သို့ပင်ဖြစ်စေ ဗုဒ္ဓဘာသာအမြင်ကို အမေးအဖြေ ပုံစံဖြင့် တင်ပြထားပါသည် ဟု ဆိုနိုင်ပါသည် ။ အဖြေများဟာ လုံးဝကျေနပ်ဖွယ် ရှိကောင်းမှ ရှိပါမည် ။ သို့သော်လည်း အမေး အဖြေ ဗဟုသုတ ရကြစေရန် နှင့် နိုင်ငံခြားသားဗုဒ္ဓဘာသာဘုန်းတော်ကြီးတစ်ပါး၏ ဗုဒ္ဓဘာသာအမြင်ကို လေ့လာနိုင်ကြစေ ရန် ရည်သန်၍ ဤနေရာ၌ ဖော်ပြရခြင်း ဖြစ်ပါသည် ။ ခေတ်နှင့် လျော်ညီအောင် တင်ပြထား သဖြင့် ဗုဒ္ဓတရားတော်နှင့် တစ်ထပ်တည်း မကျဘဲ အနည်းငယ် တိမ်းယိမ်းနေသော အချက်များ ရှိနိုင်ပါသည် ။ မူရင်းအင်္ဂလိပ်စာအုပ်ကိုရေးသားသူမှာ သြစတြေးလျနိုင်ငံသားဗုဒ္ဓဘာသာ ဘုန်းတော်ကြီး Shravasti Dhammika ဆိုသူဖြစ်သည် ။ ကျေးဇူးရှင်  ချမ်းမြေ့ဆရာတော်ဘုရား သည် ၁၉၉၂ ခုနှစ် ဂျူလိုင်လတွင် ကနေဒါနိုင်ငံ ဗန်ကူးဗားမြို့၌ မြန်ဘာသာသို့ စတင်ဘာသာ ပြန်ဆိုခဲ့ပါသည် ။               အမေး အဖြေများကို ခေါင်းစဉ် ကိုးခုတပ်၍ ဗုဒ္ဓဘာသာအမြင်များကို တင်ပြပါမည် ။ ဗုဒ္ဓဘာသာဆိုတာဘာလဲ ၊ ဗုဒ္ဓဘာသာ၏ အခြေခံ အယူအဆ ၊ ဗုဒ္ဓဘာသာနှင့် ထာဝရဘုရား အယူအဆ ၊ ငါးပါးသီလ ၊ တမလွန်ဘ၀ ၊ ကရုဏာ နှင့် ပညာ ၊ သက်သတ်လွတ်ဝါဒ  ၊ ကံ နှင့် ကြမ္မာ ၊ ဗုဒ္ဓဘာသာတစ်ယောက် ဖြစ်လာခြင်း ။ ဤ ခေါင်းစဉ် ကိုးခုအောက်၌ ယင်းတို့နှင့် ပတ်သက်သော အမြင်များကို စိတ်ဝင်စားဖွယ်ရာ အမေး အဖြေများ ဖြင့် တင်ပြမည်ဖြစ်ရာ ဖတ်ချင်စဖွယ် ၊ မှတ်ချင်စဖွယ် ၊ ဆင်ခြင် စဉ်းစားချင်စဖွယ် တို့ချည်း ဖြစ်သဖြင့် စာရှုသူများ အတွက် အကျိုးကျေးဇူး များလိမ့်မည် ဟု ယူဆမိပါသည် ။                    ၁ ။ ဗုဒ္ဓဘာသာဆိုတာ ဘာလဲ ။ မေး ။              ။ ဗုဒ္ဓဘာသာဆိုတာ ဘာလဲ ။ ဖြေ ။            ။ " ဗုဒ္ဓဘာသာ " ဆိုတဲ့ စကားလုံးဟာ " ဗုဓိ " ဆိုတဲ့ စကားလုံးမှ လာတာပါ ။ " ဗုဒ္ဓ " ဆိုတာ ( ကိလေသာ တည်းဟူသော အိပ်ပျော်ခြင်းမှ ) " နိုးလာသူ " လို့ အဓိပ္ပာယ် ရပါတယ် ။ ဒါကြောင့် ဗုဒ္ဓဘာသာဆိုတာ နိုးကြားရေး အတွေးအမြင် ( ဒဿန ) ပညာ ပါပဲ ။ ဒီ ဒဿနပညာ ကို ဂေါတမနွယ်ဖွား သိဒ္ဓတ္ထမင်းသားကနေ ဘုရားဖြစ်လာတဲ့ ဗုဒ္ဓမြတ်စွာဘုရားက စတင်ဟော ပြောခဲ့ပါတယ် ။                   ဗုဒ္ဓရှင်တော်မြတ်ဘုရားဟာ သက်တော် ၃၅ နှစ်မှာ ( ကိလေသာ တည်းဟူသော အိပ် ပျော်ခြင်းမှ ) နိုးလာပြီးလျှင် ဘုရားအဖြစ်သို့ ရောက်တော်မူပါသည် ။ ဗုဒ္ဓဘာသာဟာ နှစ်ပေါင်း ၂၅၀၀ ကျော် ကြာမြင့်ခဲ့ပြီ ဖြစ်လို့ ဗုဒ္ဓဘာသာဝင်ပေါင်း သန်းသုံးရာကျော် ရှိနေပါပြီ ။ လွန်ခဲ့တဲ့ နှစ်ပေါင်း တစ်ရာလောက် အထိတော့ ဗုဒ္ဓဘာသာဟာ အရှေ့တိုင်း ဒဿနပညာရပ် တစ်ခု အဖြစ်သာ တည်ရှိခဲ့ပါတယ် ။ သို့သော်လဲ ယခုအချိန်မှာ ဥရောပ နှင့် အမေရိကတိုက် ရှိ နိုင်ငံ ပေါင်း များစွာမှာလဲ ဗုဒ္ဓဘာသာဝင် ဦးရေ တစ်ဖြည်းဖြည်း တိုးပွားနေပါတယ် ။ မေး ။            ။ ဒီလိုဆိုရင် ဗုဒ္ဓဘာသာဟာ ဒဿနပညာရပ် တစ်ခုပဲပေါ့ ။ ဖြေ ။            ။ ဒဿနပညာဆိုတာ အင်္ဂလိပ်စကား Philosophy ကို ဘာသာပြန်ထားတာပါ ။ အဘိဓာန်များ ဖွင့်ပြချက်အရ ဆိုရင် " Philo " ဆိုတာ " ချစ်ခင်ခြင်း မေတ္တာ " လို့ ဆိုလိုပါတယ်။ " sophy " ဆိုတာ " ပညာ " လို့ အဓိပ္ပာယ် ရပါတယ် ။ ဒီတော့ " Philosophy " ဆိုတာ " ပညာ ကို ချစ်ခင်ခြင်း " ၊ သို့မဟုတ် " မေတ္တာ နှင့် ပညာ " လို့ အဓိပ္ပာယ် ရပါတယ် ။                    ဒီစကား နှစ်လုံးဟာ ဗုဒ္ဓဘာသာ ရဲ့ အဓိပ္ပာယ်ကို အပြည့်အ၀ ဖော်ပြနိုင်ပါတယ် ။ ဗုဒ္ဓဘာသာ တရားက သဘာဝတရားကို ကြည်လင်ပြတ်သားစွာ ကျွန်တော်တို့ နားလည်နိုင်ရေး အတွက် အပြည့်စုံဆုံး ဥာဏ်ပညာ အရည်အသွေး တိုးတက်အောင် ကြိုးစားကြဖို့ သင်ပေးပါ တယ် ။ ပြီးတော့ ကျွန်တော်တို့ဟာ သတ္တ၀ါအားလုံးရဲ့ မိတ်ဆွေသဖွယ် ဖြစ်နိုင်စေရန် မေတ္တာ ကရုဏာတရား တိုးပွားအောင် ကြိုးစားဖို့ကိုလည်း သင်ပေးပါတယ် ။ ဒါကြောင့် ဗုဒ္ဓဘာသာ ကို အတွေးအမြင် ပညာရပ်လို့ ဆိုနိုင်သော်လည်း သာမန် အတွေးအမြင်ပညာ မဟုတ်ပါဘူး ။ မြင့်မြတ်သော အတွေးအမြင်ပညာ ( Supreme Philosophy ) သာ ဖြစ်ပါတယ် ။ မေး ။             ။ ဗုဒ္ဓ ဆိုတာ ဘယ်သူပါလလဲ ။ ဖြေ ။              ။ ခရစ်မပေါ်မီ ၅၆၃ ခုနှစ်မှာ အိန္ဒိယပြည်မြောက်ပိုင်း ( ကပ္ပိလ၀တ်ပြည် ) ဘုရင် သုဒ္ဓေါန နှင့် မိဖုရား မယ်တော်မာယာ တို့မှ သားကလေးတစ်ယောက် ဖွားမြင်ပါတယ် ။ ဒီမင်းသားလေးဟာ စည်းစိမ် ဥစ္စာ ပြည့်ပြည့်စုံစုံ နှင့် ကြီးပြင်းရသော်လဲ နောက်ဆုံးမှာ လောကီ စည်းစိမ်ဥစ္စာတွေဟာ ချမ်းသာပျော်ရွှင်မှုကို မပေးနိုင်ဘူးဆိုတာ တွေ့လာရတယ် ။ ဒီမင်းသား ဟာ သူ့ပတ်ဝန်းကျင်မှာသူတွေ့မြင်ရတဲ့ ဆင်းရဲဒုက္ခတွေကြောင့် အကြီးအကျယ် စိတ်မချမ်းမသာ ဖြစ်ပြီး လူသားတို့ ချမ်းသာရေးအတွက် သော့ချက်ကို ရှာဖို့ ဆုံးဖြတ်လိုက်တယ် ။ အသက်၂၉ နှစ် ရှိတဲ့အခါ ဒီမင်းသားဟာ သူ့ရဲ့ကြင်ယာတော် ( ယသောဓရာ ) နှင့် သားတော် ( ရာဟုလာ ) ကို ထားခဲ့ပြီးတော့ အဲဒီခေတ်က ဘာသာရေးဆရာကြီးများရဲ့အထံမှာ အသိပညာ ဆည်းပူးဖို့ ထွက် လာခဲ့တယ် ။ သူတို့ဟာ ဒီမင်းသားကို မြောက်မြားစွာ သင်ကြားပေးကြသော်လဲ သူတို့ကိုယ်တိုင် ဆင်းရဲဒုက္ခ ရဲ့ အကြောင်းအရင်း ဇစ်မြစ်ကို မသိကြတဲ့အတွက် ဒီဆင်းရဲဒုက္ခကိုဘယ်လို ကျော် လွန်အောင် လုပ်နိုင်တယ် ဆိုတာကိုလည်း မသိကြဘူး ။                 သိဒ္ဓတ္ထမင်းသား ဟာ ( ဥရုဝေလတော ) မှာ ဒုက္ကရစရိယာ ခြောက်နှစ်ကြာ ကျင့်စဉ်က ဘုရား မဖြစ်သေးပါ ။ ထိုအကျင့်မှားကို စွန့်၍ အာနာပါနဈန် အခြေခံလျက် မဂ္ဂင်ရှစ်တန် ပွားမှ သာ ဘုရား အဖြစ်သို့ ရောက်ပါသည် ။                   ရှင်တော်မြတ်ဘုရား ရဲ့ ကြီးမားလှတဲ့ မဟာ ကရုဏာတော်နှင့် ခန္တီတရားကြောင့် များစွာသော လူတို့ဟာ တပည့်သာဝကအဖြစ် ခံယူ ကြပါတယ် ။ သက်တော် ရှစ်ဆယ် ပြည့် တော်မူသောအခါ သဘာဝအလျောက် အိုခြင်းတရား ၊ နာခြင်းတရားများ ဖိစီးနှိပ်စက် ခံရ သော်လည်း ချမ်းမြေ့အေးငြိမ်းလျက်ပင် နောက်ဆုံးမှာ ပရိနိဗ္ဗာန်ဝင်စံတော် မူပါတယ် ။ မေး ။                  ။ ဗုဒ္ဓဟာ သူ့ရဲ့ ကြင်ယာတော်နဲ့သားတော် ကို ပစ်ထားခဲ့တဲ့အတွက် တာဝန် မဲ့ရာ မရောက်ဘူးလား ။ ဖြေ ။                  ။ ဗုဒ္ဓမြတ်စွာဟာ သူ့ရဲ့ ကြင်ယာတော်နဲ့သားတော်ကို လွယ်လွယ်နဲ့ ပစ်ထားနိုင် ခဲ့တာ မဟုတ်ပါဘူး ။ သူအချန် အကြာကြီး စဉ်းစားပြီး တွန့်ဆုတ်တွန့်ဆုတ် ဖြစ်နေခဲ့ပါတယ် ။ နောက်ဆုံးကျမှ သူ့မိသားစုကို ကျွေးမွေးစောင့်ရှောက်တာထက် တစ်လောကလုံးရဲ့ အကျိုးကို ဆောင်ရွက်တာက ပိုပြီး အကျိုးကြီးမားတယ်လို့ ဆုံးဖြတ်ပြီး ဒီလမ်းကို ရွေးချယ်လိုက်တာပါ ပဲ ။ ကြီးမားတဲ့ မဟာကရုဏာတော်က ဗုဒ္ဓမြတ်စွာကို တစ်လောကလုံးရဲ့ အကျိုးကို ဆောင်စေတာ ပါပဲ ။ ဗုဒ္ဓမြတ်စွာရဲ့ ကိုယ်ကျိုးစွန့်ပြီး အဆင်းရဲအပင်ပန်းခံမှုကြောင့် တစ်လောကလုံး ကြီးမားတဲ့ အကျိုးကို ယခုတိုင် ခံစားနေကြရတာ ဖြစ်ပါတယ် ။ ဒါကို ကြည့်ရင် ဗုဒ္ဓမြတ်စွာဟာ တာဝန်မမဲ့ ကြောင်း ထင်ရှားပါတယ် ။ ဒါဟာ အကြီးမားဆုံးသော စွန့်လွှတ်မှုကြီး ပါပဲ ။ မေး ။              ။ ဗုဒ္ဓက ပရိနိဗ္ဗာန် စံသွားပြီဆိုတော့ သူက ကျွန်ုပ်တို့ကို ဘယ်လို ကူညီနိုင်ပါသလဲ ။ ဖြေ ။               ။ လျှပ်စစ်ဓာတ်ကို တွေ့ရှိတဲ့ မိုက်ကယ်ဖာရာဒေး ဟာ ကွယ်လွန်သွားပါပြီ ။ သို့သော်လည်း သူ့ရဲ့ တွေ့ရှိချက်က ကျွန်တော်တို့ကို ယခုတိုင် ကူညီနေပါတယ် ။ ရောဂါပေါင်း များစွာကို ကုသတဲ့ ကုထုံးတွေကို တွေ့ရှိတဲ့ လူးဝစ်ပါးစ်ချား ဟာလည်း ကွယ်လွန်သွားပါပြီ ။ သို့သော်လည်း သူတွေ့ရှိတဲ့ ကုထုံးတွေက ယခုတိုင် အသက်ပေါင်းများစွာကို ကယ်နေဆဲပါပဲ ။                   ကျော်ကြားတဲ့ အနုပညာ များစွာကို တီထွင် ဖန်တီးခဲ့တဲ့ လီယိုနာဒိုဒါဗင်ချီ ဟာလည်း သေသွားပါပြီ ။ သို့သော်လည်း သူ ဖန်တီးခဲ့တဲ့ အနုပညာတွေက လူတွေကို ယခုတိုင် ပျော်ရွှင်မှု ပေးနေဆဲပါ ပဲ ။ မြင့်မြတ်တဲ့ ပုဂ္ဂိုလ်ကြီးများနဲ့ အာဇာနည်ပုဂ္ဂိုလ်ကြီးများ ကွယ်လွန်သွားကြတာ ရာစုနှစ်ပေါင်းများစွာ ကြာသော်လည်း သူတို့အကြောင်းကို ကျွန်တော်တို့ ဖတ်ရှုရတဲ့အခါမှာ သူတို့လို နေထိုင် ပြုမူလိုစိတ်များ ကျွန်တော်တို့ သန္တာန်မှာ တစ်ဖွားဖွား ပေါ်လာပါတယ် ။                     ဟုတ်ပါတယ် ။ ဗုဒ္ဓမြတ်စွာ ပရိနိဗ္ဗာန်စံတာ နှစ်ပေါင်း ၂၅၀၀ ကျော် ကြာသွားပါပြီ ။ သို့သော်လည်း ရှင်တော်မြတ်ဘုရားရဲ့ တရားတော်များဟာ ယခုတိုင် လူတွေကို ကူညီနေဆဲပါ ။ ဗုဒ္ဓမြတ်စွာရဲ့ နမူနာကောင်းတွေက လူတွေကို ယခုတိုင်အားတက်စေတုန်းပါပဲ ။ သူ့စကားတော် တွေက ယခုတိုင် လူတွေရဲ့ဘ၀တွေကို ပြောင်းလဲစေတုန်းပါပဲ ။ ဗုဒ္ဓမြတ်စွာမှသာလျှင် ပရိနိဗ္ဗာန် စံပြီးနောက် ရာစုနှစ်ပေါင်းများစွာ ကြာသည့်တိုင်အောင် ဒီလိုစွမ်းအားများ ရှိနေနိုင်တာ ဖြစ်ပါ တယ် ။ မေး ။                ။ ဗုဒ္ဓဟာ ထာဝရဘုရား ( God ) လား ။ ဖြေ ။                ။ ဗုဒ္ဓမြတ်စွာဟာ ထာဝရဘုရား မဟုတ်ပါဘူး ။ ဗုဒ္ဓမြတ်စွာက သူဟာ ထာဝရ ဘုရားလို့ ဖြစ်စေ ၊ ထာဝရဘုရားရဲ့သားတော်လို့ ဖြစ်စေ ၊ ထာဝရဘုရားက လွှတ်လိုက်တဲ့ တမန်တော်လို့ ဖြစ်စေ မမိန့်ကြားပါဘူး ။ ဗုဒ္ဓမြတ်စွာဟာ အလုံးစုံပြည့်စုံတဲ့ လူသားတစ်ဦးပါပဲ ။ ဒါကြောင့် သူ့လို ကျွန်တော်တို့ ကြိုးစားလျှင် ကျွန်တော်တို့လည်း သူ့လိုပဲ အလုံးစုံ ပြည့်စုံသူများ ဖြစ်နိုင်ကြောင်း မိန့်ကြားတော် မူပါတယ် ။ မေး ။              ။ ဗုဒ္ဓဟာ ထာဝရဘုရား မဟုတ်ရင် ဘာကြောင့် သူ့ကို လူတွေက ရှိခိုး ကိုးကွယ်နေ ကြသလဲ ။ ဖြေ ။              ။ ကိုးကွယ်နည်း အမျိုးမျိုး ရှိပါတယ် ။ တစ်ချို့က တစ်စုံတစ်ခုသော တန်ခိုးရှင် ဘုရားကို ( a God ) ကိုးကွယ်တဲ့အခါ အဲဒီဘုရားကို ချီးကျူးထောပနာ ပြုကြတယ် ။ ဂုဏ်ပြုကြ တယ် ။ တစ်စုံတစ်ရာ ပူဇော်ပသကြတယ် ။ ကိုယ်လိုတာကို ဘုရားဆီမှာ တောင်းကြတယ် ။အဲဒီ လို လုပ်ကြတာကတော့ မိမိတို့ရဲ့ ချီးကျူးထောပနာသံတွေကို အဲဒီဘုရားက ကြားလိမ့်မယ်လို့ ယုံကြည်လို့ ၊ ပူဇော်ပသတာကို လက်ခံလိမ့်မယ်လို့ ယုံကြည်လို့ ၊ ဆုတောင်းတာကို ဖြည့်ဆည်း ပေလိမ့်မယ်လို့ ယုံကြည်လို့ ပါပဲ ။                      ဗုဒ္ဓဘာသာဝင်တွေက တော့ ဒီလို ကိုးကွယ် ဆည်းကပ်မှု မျိုးကို မလုပ်ကြပါဘူး ။ တစ်ခြား ကိုးကွယ် ဆည်းကပ်မှု တစ်မျိုးကတော့ မိမိ တို့ လေးမြတ် ကြည်ညိုတဲ့ ပုဂ္ဂိုလ် တစ်ဦးဦး သို့မဟုတ် တစ်စုံတစ်ရာကို ရိုသေသမှု ဂါဝရ ပြုကြတယ် ။ ဆရာ အခန်းထဲဝင်လာရင် နေရာက ထ , ပေးကြတယ် ။ ဂုဏ်သရေရှိတဲ့ လူနဲ့တွေ့ရင် လက်ဆွဲနှုတ်ဆက်ကြတယ် ။ အမျိုးသားသီချင်း တီးရင် မတ်တပ်၇ပ် အလေးပြုကြတယ် ။ ဒါတွေအားလုံးဟာ ရိုသေလေးစားမှုကို ပြတဲ့ အမူအရာ တွေပါပဲ ။ လေးမြတ်ကြည်ညိုမှုကို ဖော်ပြကြတာ ဖြစ်တယ် ။ ဒီလို အရိုအသေ ဂါဝရပြုပြီး ရှိခိုး ကိုးကွယ်မှုဟာ ဗုဒ္ဓဘာသာဝင်များ ပြုလုပ်ကြတဲ့ ရှိခိုး ကိုးကွယ်မှု မျိုးပါပဲ ။           တင်ပျဉ်ခွေထိုင်ပြီး ရင်ခွင်ထက်မှာ လက်နှစ်ဖက်ကို ရွရွကလေးချထားတဲ့ ဗုဒ္ဓရုပ်ပွားတော် ရဲ့ မဟာကရုဏာတော်ဖြင့် ကြည်လင် လန်းဆန်းနေတဲ့ မျက်နှာတော်ဟာ ကျွန်တော်တို့ သန္တာန် မှာ ငြိမ်းအေးမှု နဲ့ မေတ္တာတရား တိုးပွားအောင် ကြိုးစားကြဖို့ ကျွန်တော် တို့ကို သတိပေးနေပါ တယ် ။ အမွှေးတိုင် ရဲ့ အမွှေးနံ့က ကျွန်တော်တို့ သန္တာန်မှာ ကောင်းမှုကုသိုလ်တွေ ပျံ့နှံ့နေစေဖို့ သတိပေးနေပါတယ် ။ ဆီမီးကတော့ ပညာဆီမီး တန်ဆောင်ထွန်းပြောင်စေဖို့ သတိပေးပါတယ်။ ကပ်လှူထားတဲ့ ပန်းများရဲ့ ညှိုးနွမ်း ကြွေကျသွားတဲ့ သဘောက ကျွန်တော်တို့အား အနိစ္စတရား ကို သတိရစေပါတယ် ။ ဗုဒ္ဓရုပ်ပွားတော်ရှေ့မှာ ဦးညွတ်ရှိခိုးခြင်းက ကျွန်တော်တို့ကို တရားဓမ္မ ဟောပြောညွှန်ပြ ဆုံးမတော်မူတဲ့အတွက် ဗုဒ္ဓရှင်တော်မြတ်ဘုရား ရဲ့ ဂုဏ်ကျေးဇူးတော်ကို လေးမြတ်ကော်ရော် ပူဇော်ခြင်း ဖြစ်ပါတယ် ။ ဒါဟာ ဗုဒ္ဒဘာသာဝင်များ ရဲ့ ရှိခိုး ကိုးကွယ်မှု ပါပဲ ။                                                             ဆက်ပါဦးမည် ။ .........................................................................................................................................................

ရှင်မဟာကဿပရဲ့ ရုပ်ကလပ်တော်

မြန်မာနိုင်ငံတွင် အရှင်မဟာကဿပရဲ့အလောင်းတော်ရှိရာ ဂူဆိုပြီးတော့တည်ရှိပါတယ် ။ လူအများကလည်း လက်ခံယုံကြည်ကြပါတယ် ။                ရှင်မဟာကဿပ ရဲ့ အလောင်းတော်ကို အရိမေတ္တေယျဘုရားရှင်က သဂြိုဟ်မည်ဆိုတာ ဟုတ်လား ၊ မဟုတ်ဘူးလားဟု ဝေဖန်သံတွေလည်း ထွက်ပေါ်လျက်ရှိပါတယ် ။ ဒီအကြောင်းအရာနဲ့  ပတ်သက်ပြီး ထီးချိုင့်မြို့တည်တောဆရာတော် ရဲ့ ရှင်းလင်းချက် ကို တင်ပြပါမယ် ။                 " ရှေးရှေးတုန်းက အရိမေတ္တေယျအလောင်းက ဆင်ထိန်းဖြစ်ပြီး အရှင်မဟာကဿပ ရဲ့ အလောင်းက ဆင်ဖြစ်သတဲ့ ။ ဆင်ထိန်းဟာ ဆင်ကို ပန်းပဲဖိုအနီးမှာ လွှတ်ထားတယ် ။ ဖိုသူကြီးက ဆင်ကို ဖိုတဲအနီး မလွှတ်ပါနှင့် လို့ပြောတယ် ။ ဆင်ထိန်းက ငါ့ဆင်ဟာ လူစကားကို နားလည်တဲ့ ဆင် ယဉ် ဖြစ်ပါတယ် ။ ဖိုတဲအနီးမှာ နေပေမယ့် ဘာအန္တရာယ်မှ ပြုလုပ်မှာ မဟုတ်ပါဘူး လို့ပြောတယ် ။ ဖိုသူကြီးက ဆင်ဆိုတာ တိရစ္ဆာန်မို့ ယဉ်သည်ဖြစ်စေ ၊ ရိုင်းသည်ဖြစ်စေ စိတ်မချရဘူး ၊ ဒါကြောင့် ဝေးဝေးမှာ လွှတ်ထားပါလို့ပြောတယ် ၊ ဆင်ထိန်းက ကိစ္စမရှိပါဘူး ၊ ကျုပ်ဆင်ကို ကျုပ်တာဝန်ယူပါ တယ် ။ မပူပါနှင့်လို့ ပြောတယ် ။ ဒီတော့ ပန်းပဲသူကြီးက ခင်ဗျားဆင် အမှန်တစ်ကယ် လူစကား နား လည်လျှင် သံတွေခဲကို အကိုင်ခိုင်းလို့ ဖြစ်ပါ့မလား လို့ပြောတယ် ။ ဆင်ထိန်းက ဖြစ်တယ်လို့ ပြော တာကြောင့် သံတွေခဲကို မီးဖုတ်ပြီး ဆင်ကို အကိုင်ခိုင်းသတဲ့ ၊ ဆင်ဟာ အလွန်ပူတဲ့ သံတွေခဲကို နှာမောင်းဖြင့် ကိုင်တဲ့ အပူဒဏ်ကြောင့် သေလွန်ရှာသတဲ့ ။ အဲဒီ မကောင်းမှု အကုသိုလ်ကံကြောင့် အရိမေတ္တေယျဘုရားရှင်ဟာ ရှင်မဟာကဿပ ရဲ့ ရုပ်ကလပ်တော်ကို လက်ဝါးပြင်ပေါ်မှာတင်ပြီး မီးသဂြိုဟ်ပြုရာမှ လက်ဝါးတော်ကို မီးစွဲပြီး ပရိနိဗ္ဗာန် ၀င်စံရလိမ့်လို့ သမိုင်းမှာဆိုတယ် ။ သမိုင်း ဟောင်းတစ်ခုမှာ ဆိုတာက ဆင်ထိန်းဟာ ဆင်ကို သံတွေခဲ အကိုင်ခိုင်းရုံမျှမက အမြိုခိုင်းတဲ့အတွက် အဖန်ငါးရာဝိပါက်လိုက်ပြီး အကျိုးကြွင်းအားဖြင့် အရိမေတ္တေယျဘုရားဖြစ်တဲ့အခါ ရှင်မဟာကဿပ အလောင်းတော်ကို လက်ဝါးပြင်ပေါ်တင်ပြီး မီးသဂြိုဟ် ရာက လက်တော်ကို တေဇောဓာတ်လောင် ပြီး ပရိနိဗ္ဗာန် ၀င်စံရလိမ့်မယ်လို့ ဆိုထားတယ် ။                  သည်အဆိုများဟာ ခိုင်မာတဲ့ အဆိုများ မဟုတ်ကြပါဘူး ။ ပုံပြင်မျှသာ ဖြစ်ကြပါတယ် ။ ပုံပြင်ဆိုတာ အမှန်တစ်ကယ်မဟုတ် ၊ တစ်ထောင့်တစ်ညပုံပြင်လို နားထောင်ကောင်းအောင် ပြော ဆိုခြင်းသာ ဖြစ်တယ် ။ ဒါကြောင့် အမှန်မဟုတ်ပါဘူး ၊ အမှန်မဟုတ်တဲ့အကြောင်းကိုလည်း ပြောပြ ပါဦးမယ် ။"                  " သည်ကမ္ဘာမြေကြီးဟာ ဘုရားတစ်ဆူနဲ့ တစ်ဆူကြား တစ်ယူဇနာ မြေသားတက်ကြောင်း ( ဧတ္တာဝတာ ကိရ ဒွိန္နံ ဗုဒ္ဓါနံ အန္တရေ ယောဇနံ ပထ၀ီ ဥဿန္နံ ) လို့ နိဒါန၀ဂ္ဂဋ္ဌကထာ - ၁၄၉ မှာ ဖွင့်ပြ ထားတယ် ၊ သည်အဖွင့်အရ ဆိုလျှင် အရိမေတ္တေယျဘုရား ပွင့်တော်မူတဲ့အချိန်မှာ ရှင်မဟာကဿပ ရဲ့ အလောင်းတော်ဟာ မြေအတွင်း တစ်ယူဇနာအောက်မှာ နစ်မြုပ်နေပြီ ၊ မြေအတွင်းက ဖော် ထုတ်ယူလို့ မဖြစ်နိုင်တော့ဘူးပေါ့ ။ ဖော်ထုတ်လို့ မဖြစ်နိုင်သည့်တိုင်အောင် အဲသည်အချိန်မှာ အလောင်းတော်ဟာ ဆွေးမြည့်ပြီး မြေကြီးသြဇာဓါတ် ဖြစ်သွားလောက်ပြီမို့ ဖော်ထုတ်ဖို့ အလောင်း လည်း ရှိမှာ မဟုတ်ဘူး ။ ပြောစရာ ရှိသေးတာက ရှင်မဟာကဿပက သူ့ရဲ့အလောင်းဟာ အရိမေတ္တေယျဘုရားရှင် လက်ထက်တိုင်အောင် မပျောက်မပျက် တည်ပါစေလို့ အဓိဋ္ဌာန်ပြုခဲ့လျှင် အဓိဋ္ဌာန်အလျောက် တည်မည်ဆို တည်နေနိုင်တာပေါ့ ၊ သို့သော် လည်း အလောင်းတော် မပျက်မစီး တည်နေပါစေလို့ အဓိဋ္ဌာန်တာက ဘယ်အကျိုးကို မျှော်ကိုးလို့လည်း လို့ ၊ အဓိဋ္ဌာန်ခြင်းရဲ့အကြောင်း ကို ထောက်မျှော်ကြည့်သင့်သေးတယ် ။ သည်နေရာမှာ ဘုရားရှင် ခန္ဓပရိနိဗ္ဗာန် စံတော်မူစဉ် အဓိဋ္ဌာန်ပြုတော်မူပုံကို ပြောပြရဦးမယ် ။ "                    " ဂေါတမဘုရားရှင်ဟာ သက်တော်အလွန်တိုတော်မူတယ် ။ ဘုရားဖြစ်သည်ကစပြီး ၄၅ နှစ်ကြာအောင် မနေမနား တရားဟောပြတော်မူခဲ့သော်လည်း သာသနာတော်ဟာ မပျံ့နှံ့ သေးဘူး ။ ကျွတ်ထိုက်တဲ့ ပုဂ္ဂိုလ် အတော်များများ ကျန်နေသေးတယ် ။ ဒါကြောင့် ငါ ပရိနိဗ္ဗာန် ၀င်စံပြီးသည့်နောက် ငါ့ရဲ့ခန္ဓာတော်ဟာ ဓာတ်တော် အစိတ်စိတ်ဖြစ်ပြီး ငါ့ရဲ့သာသနာတော် အကွယ်သမျှ လူနတ်ဗြဟ္မာ သတ္တ၀ါတို့ရဲ့ ကိုးကွယ်ရာ ဖြစ်ပါစေလို့ အဓိဋ္ဌာန်တော်မူတယ် ။ အဲသည် အဓိဋ္ဌာန်ချက်ကြောင့် မုန်ညင်းစေ့မျှ ရှိ၍ မြတ်လေးငုံ အဆင်းရှိတဲ့ အငယ်စားဓာတ်တော် ခြောက်ပြည်သား ၊ ဆန်ကျိုးခန့် ပမာဏရှိ၍ ပုလဲအဆင်းရှိသော အလတ်စား ဓာတ်တော် ငါးပြည် သား ၊ ပဲနောက်စေ့ခန့် ပမာဏရှိ၍ ရွှေအဆင်းရှိသော အကြီးစားဓာတ်တော် ငါးပြည်သား ၊ ပေါင်း ဓာတ်တော် ၁၆ ပြည်သား ကျန်ရစ်တော်မူတယ် ။  ( သုတ်မဟာဝါ အဋ္ဌကထာ ) ၊ ဘုရားရှင်ရဲ့ဓာတ် တော်များဟာ အဓိဋ္ဌာန်တော်အတိုင်း ကိုးကွယ်မည့်သူရှိရာ ဌာန လှည့်လည်ပြီး သာသနာတော် မကွယ်သမျှ ကာလပတ်လုံး တည်တော်မူနေကြမယ် ။ သာသနာတော်ကွယ်လို့ ကိုးကွယ်မည့်သူမရှိ တဲ့အခါမှာ ဓာတ်တော်အားလုံး ဓာတုပရိနိဗ္ဗာန် ၀င်စံတော်မူကြမယ် ။ ဘုရားရှင်ရဲ့ အဓိဋ္ဌာန်တော် မူချက်ဟာ အခုပြောပြီးတဲ့အတိုင်း အကြောင်းရှိတယ် ။ ဓာတ်တော်ကျန်ရစ်ခဲ့တဲ့အတွက်ကြောင့် လည်း လူနတ်ဗြဟ္မာတွေမှာ အကျိုးရှိတယ် ။ ရှင်မဟာကဿပ ဟာမိမိခန္ဓာတော်ကို မပျက်မစီး တည်ရစ်ပါစေလို့ အဓိဋ္ဌာန်ခဲ့လျှင် အဓိဋ္ဌာန်ခဲ့တဲ့ အကြောင်းက ဘာလဲ ၊ ဘုရားရှင်လို ခန္ဓာတော်ကို ဖူးကြရတဲ့ လူနတ်ဗြဟ္မာတွေ ကုသိုလ်တရား တိုးပွားကြပါစေဆိုတဲ့ အကြောင်းလား ။ သည်အကြောင်းမှန်ခဲ့လျှင် ခန္ဓာတော်ကို လူသားများ ၀င်ရောက် မဖူးမြော်နိုင်တဲ့ တောင်ခေါင်း အတွင်း ဘာကြောင့် ထားခဲ့ရသလဲ ။ လူမရောက်သော တောင်ခေါင်အတွင်း ခန္ဓာတော်ကို ချထား တဲ့အတွက် ခန္ဓာတော်ချထားခဲ့ခြင်းဟာ လူသားများအတွက် မဟုတ်ဘူး လို့ အဓိပ္ပာယ်သက်ရောက် ပါတယ် ။ "            " လူသားများအတွက် မဟုတ်လျှင် ဆင်ဘ၀ က သူ့ကို နှိပ်စက်သော ဆင်ထိန်း အရိမေတ္တေယျ ဘုရားဖြစ်သောအခါ ကလဲ့စားချေဖို့ ဆိုရအောင်ကလည်း ရဟန္တာ မှာ သည်သဘော လုံးဝ မဖြစ်သင့် လို့ သည်စကားကိုလည်း အတည်ယူလို့ မဖြစ်ပါဘူး ။ ပြီးတော့ ဘုရားရှင်မှန်သမျှ သူတစ်ပါး လုံ့လ ကြောင့် ပရိနိဗ္ဗာန် ၀င်စံရိုး မရှိပါဘူး ။ ( ဗုဒ္ဓါနံ ဇီဝိတဿ န သက္ကာ ကေနစိ အန္တရာယော ကာတုံ ) လို့ ဓာရဏပရိတ်မှာ ရှိတယ် မဟုတ်လား ။ ဒါကြောင့် အတိတ်ဘ၀က ရန်ငြိုးကြောင့် ခန္ဓာတော်က မီး အရိမေတ္တေယျဘုရားကို ကူးစက်လောင်ပြီး အရိမေတ္တေယျဘုရား ပရိနိဗ္ဗာန်စံရမယ်လို့ ဆိုတာက လည်း အာဂမယုတ္တိ - သဘာဝ ယုတ္တိ မရှိပါဘူး ။ ဒါကြောင့် ရှင်မဟာကဿပအလောင်းတော် တောင်ခေါင်းအတွင်း တည်ရှိခြင်း ၊ အလောင်းတော်ဟာ အရိမေတ္တေယျ လက်ထက်တော်အထိ တည်နေနိုင်ခြင်း ၊ အလောင်းတော်ကို အရိမေတ္တေယျဘုရားရှင်က လက်တော်ပေါ် တင်ပြီး မီးသဂြိုဟ်ခြင်း ၊ ထိုမီးက ကူးစက်၍ အရိမေတ္တေယျဘုရားရှင် လက်တော်ကို လောင်ကျွမ်းခြင်း ၊ ထိုမီးဒဏ်ကြောင့် အရိမေတ္တေယျဘုရားရှင် ပရိနိဗ္ဗာန်စံဝင်တော်မူခြင်း ဆိုတာတွေဟာ နားကြား သူများ စိတ်ပါဝင်စားဖွယ်ကောင်းတဲ့ ပုံပြင်မျှသာ ဖြစ်တယ် ၊ အာဂမယုတ္တိ - သဘာဝယုတ္တိ နှင့် ညှိလိုက်တော့ ဘယ် ယုတ္တိ နှင့်မျှ မကိုက်ဘူး ဆိုတဲ့အကြောင်း "  ဆရာတော်က မိန့်ကြားတော်မူ ခဲ့ပါတယ် ။                      ဘာသာရေးနဲ့ပတ်သက်ပြီး ဘယ်ကိစ္စမဆို မျက်စိမှိတ် ယုံကြည်လို့ မရပါဘူး ။ ပြော တိုင်းယုံ ပြီး အကန်း ယုံကြည်မှုဟာ ဗုဒ္ဓဘာသာမှာ မရှိပါဘူး ၊ ဘာသာခြားတွေမှာပဲ ရှိတယ် ဆိုတဲ့အကြောင်း တင်ပြလိုက်ရပါတယ် ။                           .....................................................................................................................................................................

ဗုဒ္ဓမဖြေသောမေးခွန်းများ -၁

 

ဗုဒ္ဓကိုအနောက်နိုင်ငံသား ဒဿနဆရာတွေကစွပ်စွဲကြတာဖတ်ရတော့ အစာမကြေ ရင်မချောင်ဖြစ်သွားတယ်ဗျာ ။အနောက်တိုင်းဒဿနဆရာတွေကဘာတွေစွပ်စွဲကြလည်းဆို တော့ " မဇ္ဈိမပဏ္ဍာသ ပါဠိတော်ထဲက စူဠမာလုကျပုတ္တသုတ် " ကိုစွပ်စွဲတာ ။            မာလုကျရဲ့သား ရဟန်းက အခါတစ်ပါးမှာ မြတ်စွာဘုရားကို လောကလွန် တက္ကိက ၀ါဒမေးခွန်း Meta-physical Question တွေကို မေးပါတယ် ။အဲဒီမေးခွန်းတွေက ဒဿန ပညာမှာတော့ တော်တော်အရေးပါတဲ့ မေးခွန်းတွေဖြစ်ပါတယ် ။ ဒါပေမယ့် မြတ်စွာဘုရား က မာလုကျပုတ္တ ရဟန်းမေးတဲ့ မေးခွန်းတွေကို မဖြေဘူး ၊အဖြေမပေးဘူး ။ဗုဒ္ဓ က သဗ္ဗညု တဥာဏ် ရတယ်ဆိုပြီး ဒီမေးခွန်းတွေကို မဖြေဘဲ ထားတော့ ဗုဒ္ဓ ဟာ ဒီမေးခွန်းတွေကို မဖြေတတ်ဘူး ။ မဖြေနိုင်လို့ မဖြေဘဲ ဆင်ဝှေ့ရန်ရှောင် လုပ်တာ ။ အလုံးစုံသောတရားကို ဆရာမကူ သယမ္ဗူဥာဏ် နဲ့ သိတော်မူတယ်ဆိုရင် ဖြေနိုင်ရမယ်ပေါ့ ။ ခုဖြေတာဟာ မဖြေ တတ်လို့ မဖြေတာပဲ ။ ဗုဒ္ဓ ဥာဏ်လောက်နဲ့ မဖြေနိုင်ဘူး ဆိုပြီး စွပ်စွဲနေကြပါတယ် ။              အမှန်ကတော့ အနောက်နိုင်ငံသား ဒဿနဆရာတွေဟာ ဗုဒ္ဓ ရဲ့ အတွေးအမြင် အယူအဆတွေကို နားလည်နိုင်တဲ့ ဥာဏ်မရှိလို့ ပြောနေကြတာပါ ။ဒီပြဿနာဟာလည်း ခုမှပေါ်ပေါက်လာတဲ့ ပြဿနာမဟုတ်ပါဘူး ။မိလိန္ဒမင်းကြီးကလည်း အရှင်နာဂသိန် ကို ဒီပြဿနာ မေးခဲ့ဖူးပါတယ် ။ " မိလိန္ဒပဥှာကျမ်း "             မိလိန္ဒမင်းကြီးဟာ ဥာဏ်ပညာကြီးမားတယ် ၊ ဗုဒ္ဓဘာသာကိုလည်း ကျွမ်းကျင် နှံ့စပ်တယ် ။ ပြီးတော့ မေးခွန်းမေးတာလည်းသိပ်ပိုင်တာပဲ ။ သူကဂရိလူမျိုး ၊ ဒဿနပညာ မှာလည်း ကျွမ်းကျင်တယ် ။ ယုတ္တိဗေဒကိုလည်း နိုင်နင်းပါတယ် ။မင်းကြီးမေးပုံက---------              မင်းကြီးက " မြတ်စွာဘုရားက နတ္ထာနန္ဒ တထာဂတဿ ဓမ္မေသု ၊ အာစရိယမုဋ္ဌိ" ဆိုပြီး ဟောတော်မူတယ် ။ အဓိပ္ပာယ်ကတော့ :"အာနန္ဒာ ၊ လာခြင်းကောင်းသော မြတ်စွာ ဘုရားမှာ ဆရာစားချန်ပြီး ဟောတော်မူတဲ့  တရားဆိုတာမရှိဘူး " လို့လည်းဆိုတယ် ။ပြီး တော့  မာလုကျရဲ့သား မထေရ်ကိုကျတော့ ပြဿနာမေးတဲ့အခါမဖြေဘူး။  ဆရာစားချန်ထား တယ် ။အဲဒီတော့ ဆရာစားမချန်ဘူး ၊ အကုန်ဟောတယ်လည်းပြောတယ် ၊ မဖြေဘဲနဲ့လည်း ဆရာစားချန်ထားပြန်တယ် ။ ဒါဟာ အစွန်းနှစ်ဘက်ထွက်နေပါတယ် ။ ယုတ္တိဗေဒနဲ့ပြောရင် တော့ နှစ်စွန်းထွက်ဆင်ခြေ Dilemma ဖြစ်နေတယ် ။ ဒါကြောင့် " အာနန္ဒာ. လာခြင်းကောင်း သော မြတ်စွာဘုရားမှာ  ဆရာစားချန်ထားအပ်သော တရားဆိုတာမရှိဘူး " ဆိုတဲ့ စကားမှန် ရင် , အဲဒီ စကားကို အမှန်ယူလို့ရှိရင် မာလုကျပုတ္တမထေရ် မေးတဲ့ ပြဿနာကို မဖြေဘဲ နေတော်မူတာဟာ " သိတော်မမူလို့များ မဖြေတာလား " ။ ဒါမှမဟုတ် သိတော်မူပါလျက် တမင်မဖြေဘဲနေတယ်ဆိုရင် " ဆရာစားချန်သလို ဖြစ်နေပါတယ် " ။ အဲဒီလို အစွန်းမလွတ် ဖြစ်နေတယ်လို့ မေးပြီး အဲဒီပြဿနာကိုပြေလည်အောင် ဖြေရှင်းပါလို့  မင်းကြီး က အရှင် နာဂသိန်ကိုလျှောက်ထားပန်ကြားခဲ့ပါတယ် ။             ဗုဒ္ဓ ဟာ ၀ိဘဇ္ဇ၀ါဒီ ပဲ ။ဘယ်ပြဿနာကိုမဆို ဝေဖန်ပိုင်းခွဲပြီး ဖြေရှင်းနိုင်တယ် ။ ဒီပြဿနာကိုခုမှ အနောက်တိုင်းသားတွေ မေးတာမဟုတ်ဘူး ။ မိလိန္ဒမင်း လက်ထက် ကတည်းက မေးပြီးဖြေပြီးသားပြဿနာပါ ။             မာလုကျပုတ္တ သိချင်တဲ့ ပြဿနာတွေက " လောကဟာ မြဲသလား ၊ ဒါမှမဟုတ် လောကဟာ မမြဲဘူးလား "  " လောကသည် အဆုံးရှိသလား ၊ ဒါမှမဟုတ် အဆုံးမရှိဘူး လား "  " အသက် (အတ္တလိပ်ပြာ)နဲ့ ကိုယ်ဟာ တစ်ခုတည်းလား ၊ ဒါမှမဟုတ် အသက်(အတ္တ လိပ်ပြာ) နဲ့ ကိုယ်ဟာ တစ်ခြားစီလား "   " သတ္တ၀ါ ဟာ သေပြီးတဲ့နောက် ဖြစ်သေးလား ၊ ဒါမှမဟုတ် သတ္တ၀ါ ဟာ သေပြီးတဲ့နောက်  ဘာမျှ မဖြစ်တော့ဘူးလား "  " သတ္တ၀ါ ဟာ သေပြီးတဲ့နောက် ဖြစ်လည်းဖြစ်တယ် ၊ မဖြစ်လည်းမဖြစ်ဘူးလား  ။ ဒါမှမဟုတ် သတ္တ၀ါဟာ သေပြီးတဲ့နောက် ဖြစ်သည်လည်းမဟုတ် ၊ မဖြစ်သည်လည်းမဟုတ်ဘူးလား ။"  ဆိုတဲ့ ပြဿနာပါ ။ အဲဒီ ရုပ်လောက ကိုလွန်တဲ့ တက္ကိက၀ါဒ ပြဿနာတွေကို သူက ဆုပ်ကိုင်ပြီး မြတ်စွာဘုရား ကို ခြိမ်းခြောက်ပါသေးတယ် ။ သဗ္ဗညုမြတ်စွာဘုရား က ဒီပြဿနာတွေကို အဖြေပေးရင်ပေး ၊ မပေးရင် ချက်ချင်း ဒီသာသနာက လျှောပြီး ငါ လူထွက်မယ်လို့လည်း ပြောသေးတယ် ။           မေးခွန်းကတော့ အနောက်တိုင်းသား ဒဿနဆရာတွေ တစ်သက်လုံး မေးပြီးတိကျ တဲ့အဖြေမရဘဲ ၀ိဝါဒသံသရာမှာ ချာချာလည် ခံရတဲ့  ပြဿနာတွေပါ ။           ကဲ..... အဲဒီပြဿနာတွေကို ဘယ်သူကျေနပ်အောင်အဖြေပေးနိုင်သလဲ ။ ဘယ် ဒဿနဆရာကကော လူတိုင်း လက်ခံနိုင်တဲ့ အဖြေကို ပေးခဲ့နိုင်သလဲ ။ အဲဒီပြဿနာတွေကို လူ့ဘ၀မှာ အဖြေရှာနေရင်း အချိန်တွေ ကုန်သွားရင်း ဘ၀အတွက် ဘာအကျိုးရှိသလဲ ။ ရှင်းတယ် ။ ဘယ်သူမှ လူတိုင်း လက်ခံနိုင်တဲ့ အဖြေကို မပေးနိုင်ဘူး ။ အဲဒါ မြတ်ဗုဒ္ဓ က မဖြေတဲ့ အကြောင်းပဲ ။          ဗုဒ္ဓကလည်း မာလုကျပုတ္တ ကိုမေးတယ် ။ " မာလုကျပုတ္တ... အဲဒီမှားယွင်းတဲ့ အယူ ၁၀ ခုထဲက တစ်ခုခုကိုယူထားတဲ့ ပုဂ္ဂိုလ်ဟာ ဒီသာသနာမှာ မဂ်ဖိုလ်ရကြောင်း အကျင့် ကောင်းကို ကျင့်သုံးနိုင်ပါတော့မလား  , အဲဒီမိစ္ဆာအယူ ၁၀ ခုထဲက တစ်ခုခုရှိတဲ့ ပုဂ္ဂိုလ်ဟာ  ဒီမေးခွန်းပုစ္ဆာတွေကို မြတ်စွာဘုရားက ငါ့ကိုအဖြေမပေးသရွှေ့ ငါဟာ မြတ်သော  ရဟန်း အကျင့်မကျင့်ဘဲနေအံ့ လို့ ဆိုရင် အဲဒီလိုမကျင့်ရသေးခင် သေသွားတယ် ဆိုပါစို့ ။ ဘယ်သူ ဆုံးရှုံးမလဲ ။ သင်ဟာ မြားမှန်ခံထားရတဲ့ ယောက်ျားနဲ့တူတယ် ။ မြားမှန်ခံထားရတဲ့ ယောက်ျား ဟာ မြားကိုဦးစွာထုတ်ပြီး ရောဂါဝေဒနာပျောက်ကင်းအောင် ဆေးကိုမကုဘဲ ဒီမြားကို ဘယ်သူပစ်သလဲ ။ ဒီမြားပစ်တဲ့လူနဲ့ ပတ်သက်တဲ့ အကြောင်းတွေကို ငါမသိရသေး သရွေ့ မြားကိုမနှုတ်ဘူးဆိုလျှင် မနှုတ်ရခင်မှာပဲ သေဆုံးခြင်းသို့ ရောက်သွားမှာပဲ ။ အလား တူစွာပဲ  မာလုကျပုတ္တ မေးတဲ့  တက္ကိက၀ါဒမေးခွန်း ပြဿနာတွေကို အဖြေပေးနေရင်ဝိ၀ါဒ အမျိုးမျိုးဖြစ် ၊ အငြင်းအခုံဖြစ်ရင်းသာ အချိန်ကုန်သွားမယ် ။ သက်သေခံအထောက်အထား တိကျစွာရှိတဲ့ အဖြေကိုတော့ မရနိုင် ။ ထိုပြဿနာမျိုးကို  ဖြေဆိုလို့လည်း အကျိုးတစ်စုံတစ် ရာ မရှိ ။ ရဟန်းကိစ္စ ပြီးခြင်းအတွက် အထောက်အပံ့ မဖြစ် ။ ထိုကဲ့သို့သော ပုစ္ဆာမျိုး ကို ဗုဒ္ဓသည် ဖြေဆိုတော်မမူခဲ့ပါဘူး " ။            ဒီလို တက္ကိက၀ါဒပုစ္ဆာမျိုး ကို အဖြေရှာခြင်း၏ အကျိုးမဲ့သဘောကို ၂၀ ရာစုဒဿန ဆရာတွေလည်း သိမြင်ခဲ့ကြတယ် ။ ဒါကြောင့် ၂၀ ရာစုမှာ တက္ကိက၀ါဒ ကိုပယ်ပြီး ၀ိဘဇ္ဇ၀ါဒ ကိုသာ အနောက်တိုင်းသား ဒဿနပညာရှင်တွေလည်း လက်ခံခဲ့တယ် ။           မြတ်ဗုဒ္ဓ ကတော့ သူတို့ထက် ရာစုနှစ်ပေါင်း များစွာစောပြီး တက္ကိက၀ါဒ ကို ပယ်ချ တော်မူခဲ့ပြီးဖြစ်ပါတယ် ။ ဒီနေရာမှာ မိလိန္ဒမင်းရဲ့အမေးကို ရှင်နာဂသိန်ဖြေတဲ့ အဖြေကို လည်း ပြည့်စုံသွားအောင် ဖော်ပြပါမယ် ။                ရှင်နာဂသိန်အဖြေက----------        ရှင်နာဂသေနက မင်းကြီး ဘုရားရှင်က " အာနန္ဒာ လာခြင်းကောင်းသော ဘုရားရှင်တို့ ၌ ဆရာစားချန်ထားသော တရားတို့သည်မရှိ "  ဟု ဟောတော်မူခြင်းလည်းမှန်၏ ။ မာလုကျ ၏သား ရဟန်း မေးအပ်သော ပြဿနာကို ဖြေကြားတော်မမူသည်လည်းမှန်၏ ။ ဤသို့မဖြေ ဘဲ နေခြင်းသည် မသိသောကြောင့် မဖြေသည်လည်း မဟုတ် ။ လျှို့ဝှက်အပ်သောကြောင့် လည်းမဟုတ် ။           မင်းကြီး ပြဿနာရဲ့ သဘောသည် လေးမျိုးရှိ၏ ။ လေးမျိုးဆိုသည်ကား--------------           (၁) ဧကံသ ဗျာကရဏ ပဥှာ လည်းတစ်မျိုး ၊           (၂) ၀ိဘဇ္ဇ ဗျာကရဏ ပဥှာ လည်းတစ်မျိုး ၊           (၃) ပဋိပုစ္ဆာ ဗျာကရဏ ပဥှာ လည်းတစ်မျိုး ၊           (၄) ထပနီယ  ပဥှာ လည်းတစ်မျိုး ...................ဖြစ်၏ ။        မင်းကြီး လေးမျိုးတို့တွင်  ဧကံသ ဗျာကရဏ ပဥှာ ဆိုသည်ကား ရူပံ ၊ အနိစ္စံ ၊ရူပက္ခန္ဓာ သည် အနိစ္စလော ၊ ဝေဒနက္ခန္ဓာသည် အနိစ္စလော ၊ သညက္ခန္ဓာသည် အနိစ္စလော ၊ သင်္ခါရ က္ခန္ဓသည် အနိစ္စလော ၊ ၀ိညာဏက္ခန္ဓာသည် အနိစ္စလော  ဟူ၍မေး ကြားရာ၌ စကား အတွင်းပင် အဖြေ တစ်စိတ်တစ်ပိုင်း ပါဝင်ပြီးဖြစ်သောကြောင့်  ဧကံသ ဗျာကရဏ ပဥှာ မည်၏ ။          ၀ိဘဇ္ဇ ဗျာကရဏ ပဥှာ ဆိုသည်ကား အနိစ္စတည်သောတရားသည် ရူပက္ခန္ဓာလော ၊ ဝေဒနက္ခန္ဓာလော ၊သညက္ခန္ဓာလော ၊ သင်္ခါရက္ခန္ဓာလော ၊ ၀ိညာဏက္ခန္ဓာလော  ဟူသော အမေး၌  ဝေဖန်ခွဲခြား၍ ဖြေအပ်သော စကား အမေးအတွင်း၌ ပါလေပြီးဖြစ်သောကြောင့်  ၀ိဘဇ္ဇ ဗျာကရဏ ပဥှာ မည်၏ ။            ပဋိပုစ္ဆာ ဗျာကရဏ ပဥှာ   ဆိုသည်ကား စက္ခုဝိဥာဏ်ဖြင့် အလုံးစုံကို သိသလား ဟူသော အမေး၌ စက္ခုဝိဥာဏ်ဖြင့် အလုံးစုံကို မသိနိုင်သည်ဖြစ်၍ စက္ခုဝိဥာဏ် သည် ရူပါရုံ ကိုသာ သိခြင်း လက္ခဏာရှိသည် မဟုတ်လော ဟု တစ်ဖန်ပြန်၍မေး၍ ဖြေရသည်ဖြစ်သော ကြောင့်  ပဋိပုစ္ဆာ ဗျာကရဏ ပဥှာ  မည်၏ ။           ထပနီယ  ပဥှာ  ဟူသည်ကား လောကသည် မြဲသလား ၊ လောကသည် မမြဲသလား၊ လောကသည်အဆုံးရှိသလား ၊ လောကသည်အဆုံးမရှိသလား ၊ လောကသည်အဆုံးလည်း ရှိ , အဆုံးလည်းမရှိသလား ၊ လောကသည် အဆုံးရှိသည်လည်းမဟုတ် , လောကသည် အဆုံးမရှိသည်လည်းမဟုတ်သလား ၊ အသက်နဲ့ကိုယ်သည် တစ်ခုတည်းလား ၊ အသက် တစ်ခြားကိုယ်တစ်ခြားလား ၊ သတ္တ၀ါသည် သေသည်၏နောက်၌ မဖြစ်သလား ၊ သတ္တ၀ါ သည်သေသည်၏နောက်၌ ဖြစ်သည်လည်းမဟုတ် , မဖြစ်သည်လည်းမဟုတ်သလား----- ဟူသော အမေးမျိုးကိုကား မေးသောအတိုင်းမဖြေဘဲထားအပ်သော အမေးမျိုးဖြစ်သော ကြောင့် ထပနီယ  ပဥှာ ဟု ဆိုအပ်၏ ။             မင်းကြီး မြတ်စွာဘုရားသည် မာလုကျ၏သား ရဟန်းမေးသော အမေးကို ထပနီယ ပြဿနာဟု သတ်မှတ်သောကြောင့်လည်းဖြေတော်မမူ ။ ထိုပြဿနာသည် အဘယ်ကြောင့် ထပနီယပြဿနာ မည်သနည်း ဟူမူကား  ၊ ထိုအမေးကိုဖြေအံ့သောငှါ အကြောင်းလည်းမရှိ ပြုဖွယ်ကိစ္စလည်းမရှိ ။  ထို့ကြောင့် ထပနီယ  ပဥှာ မည်၏ ။ မင်းကြီး မြတ်စွာဘုရားအား အကြောင်းပြုဖွယ်ကိစ္စ ( အထောက်အထားမရှိ ၊အကျိုးမရှိ ) သော ပြဿနာကို အသံတော် ဖြင့် မြွက်ဆိုတော်မူခြင်း မရှိ ဟု ရှင်းလင်း ဖြေကြားခဲ့သည် ။               အတွေးအခေါ်တစ်ခုမှာ ပြုဖွယ်ကိစ္စရှိရမယ် ။ ပြုဖွယ်ကိစ္စမရှိရင် အဲဒီဒဿနမျိုးကို မြတ်စွာဘုရားက အကျိုးမရှိမှန်း သိတော်မူလို့မဖြေဘူး။ အဲဒါဟာလည်း ၀ိဘဇ္ဇ၀ါဒရဲ့သဘော လက္ခဏာ တစ်ခုပဲ ။ဒီအကြောင်းတွေနဲ့ပတ်သက်ပြိး အကျယ်ဆွေးနွေးဖို့ကောင်းတဲ့ အကြောင်းတွေ ရှိပါသေးတယ် ။ " ဒီဃနိကာယ် သီလက္ခန္ဓ၀ဂ် ပေါဋ္ဌပါဒ ပရိဗိုဇ် " ၀တ္ထုကို ဖတ်ကြည့်ပါ ။ အဲဒီမှာ ဘယ်လိုဒဿနပုစ္ဆာမျိုးကို မြတ်ဗုဒ္ဓ အဖြေပေးတော်မူတယ်ဆိုတာ တွေ့ရလိမ့်မယ် ။         ။ ............................................................................................................................................................