တန်ခိုးရှင်

တန်ခိုးရှင်           လူတွေက တန်ခိုးရှင်ကို ရှာနေကြ၏ ။ အချို့ပုဂ္ဂိုလ်တို့သည် မိမိကိုယ်တိုင် တန်ခိုးရှင် အဖြစ် သူတစ်ပါး အထင်ကြီးအောင် လုပ်နေကြသည် ။         ဗုဒ္ဓတရားအရ လူတစ်ယောက်အား အခြားတစ်ယောက်က တန်ခိုးဖြင့် သံသရာမှ (ဆင်းရဲဒုက္ခမှ) လွတ်မြောက်အောင် မလုပ်နိုင်ပေ ။ ဗုဒ္ဓမြတ်စွာဘုရားပင် မလုပ်နိုင်ပေ ။ ဗုဒ္ဓ မြတ်စွာဘုရားသည် ဖန်ဆင်းရှင်မဟုတ်ပေ ။ သံသရာမှထွက်မြောက်ရန်နှင့် လောကအတွင်း နေထိုင်စဉ် အတွေးမှန် ၊ အပြောမှန် ၊ အလုပ်မှန်ဖြစ်ရန် လမ်းညွှန်ပြသော ပုဂ္ဂိုလ်သာ ဖြစ်လေ သည် ။          ဗုဒ္ဓတရားတွင် သူတစ်ပါးမသိနိုင်သော အသိခက်သောကျင့်စဉ်များဟူ၍ မရှိပေ ။ ရဟန်းဖြစ်စေ ၊ လူဖြစ်စေ တစ်မျိုးတည်းသော ကျင့်စဉ်ကိုသာ ကျင့်ကြံရလေသည် ။ ဒါနပြုခြင်း ၊ သီလဆောက်တည်ခြင်း ၊ ဘာဝနာပွားခြင်း စသည်တို့ကို တစ်မျိုးတည်း တစ်လမ်း တည်းသာ ကျင့်ကြံကြရသည် ။ ၀ိပဿနာရိပ်သာများတွင် တရားအားထုတ်ကြရာ ၀ိပဿနာ နည်းပြဆရာက ဗုဒ္ဓနည်းအတိုင်း တရားကျင့်သူ ယောဂီများအား ဟောပြောပြသ၏ ။ ထိုအထဲ တွင် ရဟန်းလည်း ပါမည် ၊ လူဝတ်ကြောင်လည်းပါမည် ၊ ယောက်ျားလည်းပါမည် ၊ မိန်းမလည်း ပါမည် ၊ လူကြီးလည်း ပါမည် ၊ ကလေးလည်းပါမည် ။ ရဟန်းဖြစ်သောကြောင့် လူနှင့်မတူသော အတွင်းလမ်း ၊ အတွင်း ကျင့်စဉ်များ မကျင့်ရပေ ၊ ရှိလည်းမရှိပေ ။ ဗုဒ္ဓနည်းသည် သတိဖြင့် အချိန်မလပ် ရှုမှတ်နှလုံးသွင်း နေသော သတိပဋ္ဌာန်နည်းသာ ဖြစ်၏ ။ အခြားနည်းမရှိပေ ။ သတိကိုဖြစ်စေရန် နည်းလမ်းအမျိုး မျိုး ပရိယာယ်အသွယ်သွယ်ဖြင့် ဟောကြားပြသခြင်းသာ ရှိပေသည် ။          ဗုဒ္ဓမြတ်စွာဘုရား ပရိနိဗ္ဗာန်စံဝင်ပြီးနောက် ပထမသင်္ဂါယနာတင်ပြီးချိန်မှစ၍ ဂိုဏ်း အမျိုးမျိုးတွေ ကွဲလာကြသည် ။ အဓိကမှာ ထေရ၀ါဒနှင့် မဟာယာန နှစ်မျိုးပင် ဖြစ်သည် ။ မဟာယာနသည် ဗုဒ္ဓအား ဖန်ဆင်းရှင်ထာဝရဘုရားအဖြစ် ပြောင်းလဲပစ်လိုက်သည် ။ တန္တရာယာန ဗုဒ္ဓတရား၏ အနှစ်သာရများကို စွန့်ပစ်လိုက်ကြသည် ။ ထိုဂိုဏ်းတို့၏ ကျင့်စဉ်တွင် အတွင်းလမ်း ၊ အပြင်လမ်း ၊ သာဝကလမ်း ၊ ဗောဓိသတ္တလမ်း စသည်ဖြင့် ဖြစ် ပေါ်လာလေသည် ။           မြန်မာနိုင်ငံတွင်လည်း ပုဂံခေတ်မတိုင်မီ ပျူမြို့ပြခေတ် ( ဗိဿနိုး ၊ သရေခေတ္တရာ ၊ ဟန်လင်း ) စသည့် ၊ မွန်မြို့ပြခေတ် (သထုံ) ၊ ရခိုင်မြို့ပြခေတ် (ဝေသာလီ) တို့မှာပင် အိန္ဒိယ မှ ကူးလာသော တန္တရ ၊ မန္တရဂိုဏ်း ၊ မဟာယာနဂိုဏ်း ၊ နတ်နဂါးကိုးကွယ်မှု ၊ အရည်းကြီး ၊ ဟိန္ဒူ စသည်တို့ ရောထွေးနေကြောင်း သမိုင်းအထောက်အထားများ ရှိနေလေသည် ။            အနော်ရထာမင်းကြီးသည် ထေရ၀ါဒဗုဒ္ဓဘာသာကို လက်ခံယုံကြည်သော်လည်း အထက်ပါ ရောထွေးမှုများ လုံးဝ မကင်းစင်ခဲ့ပေ ။ လူများစုနှင့် မဆန့်ကျင်အောင် အထိုက် အလျောက် ကျင့်ခဲ့ရသည် ။ ကျန်စစ်သားလက်ထက်တွင်လည်း အလားတူပင် ၊ ( ကျန်စစ်သား နန်းတည် ကျောက်စာတွင် နတ်နဂါးကိုးကွယ်မှု ၊ ဗြဟ္မဏပုဏ္ဏားတို့၏ ဦးဆောင်မှု ကို တွေ့ရှိရသည် ။ ) ထိုအချိန်မှစ၍ မြန်မာ့သမိုင်းတစ်လျှောက်တွင် ဤယုံကြည်ကိုးကွယ်မှု သည် အသွင်အမျိုးမျိုးဖြင့် တည်နေခဲ့လေသည် ။            မည်သို့ပင်ဖြစ်စေ ထေရ၀ါဒဗုဒ္ဓဘာသာသည် ၄င်းတို့မဟုတ်ပေ ။ ထေရ၀ါဒပိဋကတ် တော်သည် မြတ်စွာဘုရား ဟောကြားခဲ့သော တရားတော်များကို သင်္ဂါယနာခြောက်ကြိမ်တင် ထားသော စစ်မှန်သော ဗုဒ္ဓတရားများ ဖြစ်လေသည် ။ ထေရ၀ါဒဗုဒ္ဓတရားကို ကျင့်ကြံလိုသူ သည် အဆိုပါ ပိဋကတ်တော်များကို လေ့လာရန်ပင်ဖြစ်၏ ။ ထိုတွင် အတွင်းလမ်း ၊ အပြင်လမ်း ၊ အထက်လမ်း ၊ အောက်လမ်း ၊ ၀ိဇ္ဇာလမ်း ၊ ဂန္ဓာရီလမ်းများ မပါရှိပေ ။            မြတ်စွာဘုရားက ကိုးကွယ်မှုမှားလျှင် ဘေးဖြစ်စေသည်ဟု ဟောခဲ့၏ ။ ထို့အပြင် လူတို့ သည် ဘေးဖြင့် ထိတ်လန့်သည်ဖြစ်၍ တောတို့ကိုလည်းကောင်း ၊ တောင်တို့ကိုလည်းကောင်း ၊ အရံတို့ကိုလည်းကောင်း ကိုးကွယ်ကြ၏ ။ ထိုကိုးကွယ်ခြင်းသည် မှန်ကန်သော ကိုးကွယ်ခြင်း ၊ ဘေးကင်းသောကိုးကွယ်ခြင်း မဟုတ်ဟူ၍လည်း ဓမ္မပဒတွင် ဟောထားသည် ။    ကျမ်းညွှန်း -              ဦးသန်းထွန်း (ရွှေဘို) နှစ်ဆယ့်တစ်ရာစုနှင့်ဗုဒ္ဓတရားတော် ...............................................................................................................