လူဝင်စား ...ရှိ မရှိ ပြဿနာ

 

....................................................................................................................................................................................................................................................................................            လယ်တီဆရာတော်ဘု၇ားကို ပြင်သစ်ပြည် ပါရီမြို့ က ပညာရှိများက မေးလျှောက်တဲ့ မေးခွန်း  (၅ ) ခု ကို မေးပါတယ် ။ မေးတဲ့ခုနှစ်က ၁၂၇၅ ခုနှစ်မှာ ဖြစ်ပါတယ် ။ အဲဒီ အချိန်တုန်းက နိုင်ငံခြားဗုဒ္ဓဘာသာ သာသနာပြု အသင်းကြီး ဖွဲ့စည်းဖို့ ဆို ပြီး ဆရာတော်ကြီး မန္တလေးမြို့မှာ သီတင်းသုံး နေတုန်းက ရောက်လာကြပါတယ် ။ မန္တလေးမြို့ တရားဌာန ၀န်ချုပ်မင်း ရုံးက စာရေးကြီး မွန်ရှာဘွန်ဆင် ကတစ်ဆင့် လျှောက်ထားသောမေးခွန်းများဖြစ်ပါတယ် ။                အမေးပုစ္ဆာ တွေကတော့ ...... (၁)  သားသမီး တို့ရဲ့ ကံ ( ကမ္မ ) သည် ၄င်းတို့၏ မိဘများရဲ့ ကံနှင့် တူ  မတူ ၊ (၂)  မိဘ ကနူသည်ဖြစ်စေ ၊ ရောဂါဆိုး စွဲကပ်သည်ဖြစ်စေ ၊ ရူးသည် ဖြစ်စေ ထိုသူတို့မှ ပေါက်ပွားသော သားသမီး တို့မှာ        ဆေးပညာ အရ ကူးတတ်သည် ၊ ရူးတတ်သည်  ဆိုကြ သည် ။ ကံချင်းမတူလျှင် မည်သည့်အတွက်ကြောင့် နူနိုင်၊ ကူးနိုင်        ရူးနိုင်ပါသနည်း ၊ (၃)  ၀ိညာဉ်သည် အတွယ်ရှိမှ ပြုတ်သလား ၊ သို့မဟုတ် မတွယ်မီ အလိုအလျောက် ဖြစ်နေပါသလား ။ အစိမ်းတစ္ဆေ ဖြစ်ကြ        သည် ဆိုကြသော စကားမှာ မှန်ပါသလား ၊ (၄)  လူဝင်စား ဟူ၍ လောက၌ ပြောရိုးဆိုရိုးရှိကြ၏ ။ ၀င်စားခြင်းအကြောင်းသည် ဗုဒ္ဓဘာသာတရားတော်တွင် သက်ဝင်ခြင်း          ရှိပါသလား ၊ (၅)  အဘိညာဉ် ငါးပါးသည် မြတ်စွာဘုရားမှ တစ်ပါး ရဟန္တာ အစရှိသော အရိယာသာဝက များနှင့် ဆက်ဆံပါသေး၏လော ။  ကြည့်စမ်း ဘယ်လောက်ပညာပါတဲ့ မေးခွန်းများလဲ ။ ဆေးပညာရှုထောင့်ရောစုံနေတာပဲ ။ လယ်တီဆရာတော်ကြီးကလည်း ဘယ်လောက်လေးနက်ပြီး ကျယ်ပြန့်တဲ့ မေးခွန်းတွေကို ဒီလိုဖြေကြားထားပါတယ် ။......... "(၁)  သားသမီး တို့ရဲ့ ကံ ( ကမ္မ ) သည် ၄င်းတို့၏ မိဘများရဲ့ ကံနှင့် တူ  မတူ မေးချက်မှာ...                "  တူသည်ဟူလည်းရှိ၏ ။ မတူသည်လည်းရှိ၏ ။ တူမတူ ဆိုသည်ကား အားရှိ အားမဲ့ခြင်း တူ  မတူ ကိုဆိုလိုသည် ။ သိဒ္ဓတ္ထမင်းသား၏ ကံ (ကမ္မ ) နှင့် အမိမယ်တော်မာယာ ၊ အဖ သုဒ္ဓေါဒနမင်းကြီး တို့၏ ကံ နှင့် နှိုင်းယှဉ်သော် မယ်တော် ခမည်းတော် တို့၏ ကံသည် အလွန်ငယ်၏ ။ အလွန်အားမဲ့၏ ။ ဤကား မတူရာ၌ သက်သေတည်း ။ တူရာ၌ သက်သေကား  လောက၌ မြော်မြင်ဖွယ် အလွန်ပေါများလေပြီ ။ မျက်မြင်ဘ၀၌  အကျိုးပေးပုံခြင်း တူ  မတူ ကို ထောက်မျှော်၍ ကံ (ကမ္မ )ချင်း တူ  မတူ ကို ဆိုခွင့် ရှိလေသတည်း ။"  (၂)   မိဘ ကနူသည်ဖြစ်စေ ၊ ရောဂါဆိုး စွဲကပ်သည်ဖြစ်စေ ၊ ရူးသည် ဖြစ်စေ ထိုသူတို့မှ ပေါက်ပွားသော သားသမီး တို့မှာ        ဆေးပညာ အရ ကူးတတ်သည် ၊ ရူးတတ်သည်  ဆိုကြ သည် ။ ကံချင်းမတူလျှင် မည်သည့်အတွက်ကြောင့် နူနိုင်၊ ကူးနိုင်        ရူးနိုင်ပါသနည်း ......ဟူသော မေးချက်မှာ                  "  အမိ၏ဥတုအတွက် ၊ အဖ၏ဥတုအတွက် ကြောင့် နူနိုင် ၊ ရူးနိုင် ၊ ကူးနိုင် သည် ။ ဤအရာ၌ ပန်းပင်ငယ်ဥပမာကို ပြဆိုရာ၏ ။ အလွန်မြေသြဇာ ရေသြဇာ ညံ့ဖျင်းလှသော မြေအရပ်တစ်ခု ၊ အလွန်မြေသြဇာ ရေသြဇာ ကောင်းမွန်လှသော မြေအရပ်တစ်ခုရှိရာ၏ ။ တစ်ခုသောပန်းပင်မျိုးစေ့ကို ရရှိ၍ ညံ့ဖျင်းသော မြေအရပ်၌ စိုက်ပျိုးခဲ့ပါမူ တစ်ထွာခန့်မျှရှိလျှင် နာ ၍ ၊နူ၍ နေတတ်၏ ။ ထိုမျိုးစေ့ကိုပင်  ကောင်းမွန်သော မြေအရပ်၌ စိုက်ပျိုးခဲ့ပါမူကား တစ်တောင်ခန့်မျှကြီးပွား၍ နာမှု ၊ နူမှု ကင်းရှင်းလျက်  အလွန်ရှင်သန် တတ်၏ ။ မျိုးစေ့ တစ်ခုတည်းဖြစ်လျက် အဘယ်ကြောင့်ပန်းပင်ချင်း မတူကြလေသနည်း ။ မြေအတွက် ရေအတွက် ကြောင့် ပန်းပင်ချင်း မတူ ရှိကြလေသတည်း ။ "               " ရှေးကံဟောင်းသည် ပန်းမျိုးစေ့နှင့်တူ၏ ။ အမိ၏ အသွေးအသား အစုသည် ပန်းမျိုးစေ့ စိုက်ပျိုးရာ မြေအရပ်နှင့် တူ ၏ ။ အဖ ၏အသွေးအသား အစု သည် ထိုမြေအရပ်၌ ကျရောက်သော ရေ နှင့် တူ၏ ။ ပန်းမျိုးစေ့၏ အဖို့သည် ပန်းပင်ငယ်မှာ ဆယ်ဖို့ တွင် တစ်ဖို့ ခန့် ပါဝင်၏ ။ မြေ ၏အဖို့သည် ပန်းပင်ငယ်မှာ ဆယ်ဖို့ တွင် ခြောက်ဖို့ခန့် ပါဝင်၏ ။ ရေ ၏ အဖို့သည် ပန်း ပင်ငယ်မှာဆယ်ဖို့ တွင် သုံးဖိုခန့် ပါဝင်၏ ။ ဤကား မြေ ၊ ရေ တို့မှ လိုက်ပါ လာကြသော အဆင်း သဏ္ဌာန် ရသ သြဇာ တို့၏ ကောင်းခြင်းတို့ပေတည်း ။ "                "  ကံ နှင့် မိဘ သားသမီးတို့ မှာလည်း ထိုနည်းတူမှတ်လေ ။ မိဘ တို့၏ အဖို့ ဆိုသည်ကား မိဘ တို့သည် လူဖြစ်ကုန်အံ့ သားသမီး တို့ သည် လူသဏ္ဌာန် ဖြစ်ကြရကုန်၏ ။ မိဘ တို့ သည် နွားဖြစ်ကြကုန်အံ့ ၊ သားသမီး တို့သည် နွားသဏ္ဌာန ဖြစ်ကြရ ကုန်၏ ။ လူတို့တွင်လည်း မိဘ တို့ သည် တရုတ်လူမျိုး ဖြစ်အံ့ ၊ သားသမီး တို့သည် တရုတ်လူမျိုး သဏ္ဌာန် ဖြစ်ကြကုန်၏ ။ အနာရောဂါ တို့သည်လည်း ထို မိဘ တို့၏ အဖို့တွင် ပါဝင်လျက် ရှိကြကုန်၏ ။"                   "  ထို့ကြောင့် မိဘ တို့၏ ကံ နှင့် သားသမီးတို့၏ ကံ သည် မတူကြ ကုန်သော်ငြားလည်း  အတန်ငယ်မျှ ကြီးမြတ် ကြကုန်ငြားလည်း မိဘ တို့၏ အဖို့ ကို မလွန်ဆန်နိုင် ၊ မခုခံ နိုင် ၊ မိဘ နူလျှင် သားသမီး နူ တတ်၏ ။ မိဘ သည် ရောဂါဖြစ်ခဲ့ လျှင် သားသမီး လည်း ကြီးလျှင် ရောဂါ ဖြစ်တတ်၏ ။ မိဘ ရူးလျှင်  သားသမီးလည်း ကြီးလျှင် ရူးတတ်၏ ။ "                 "  မိဘ တို့၏ ကံ ထက် အလွန်ကြီးသော ကံ မှသာ လျှင် သားသမီး သဏ္ဌာန်၌ မိဘ တို့မှ လိုက်ပါလာသောဓာတိဆိုး ဓာတ်ဝါး တို့၏ ပွားစီးခြင်းကို လွန်ဆန် နိုင် ၊ ခုခံ နိုင် ၏ ။ ဆေးကောင်းဝါးကောင်း တို့ဖြင့် ကိုယ့်သဏ္ဌာန်၌ ဓာတ်ကောင်း ဓာတ် မွန် တို့ ပွားစီးလေအောင် တည်ထောင်ပြုစု နိုင်ခဲ့ပါမူကား မိဘ နူသော်လည်း မနူရ အောင် တတ်နိုင်လေသတည်း ။ "                 "  အမိဝမ်း၌ ပဋိသန္ဓေ ကိန်းရသော သတ္တ၀ါ တို့ မှာ မျိုးစေ့ သုံးပါး နှင့် ဖြစ်ပွားရ ကုန်၏ ။ ရှေးကံဟောင်းမျိုးစေ့ ပါး ၊ အမိ ၏ရသဓာတ်လည်း မျိုးစေ့ တစ်ပါး ၊ အဖ ၏ ရသဓာတ်လည်း မျိုးစေ့ တစ်ပါး ၊  ထိုတွင် အမိဓာတ် အဖဓာတ် နှစ်ပါးတို့ သည်လည်း အားရှိ အားမဲ့ ခြင်း တူ  မတူ နှစ်ပါး ရှိကြကုန်၏ ။ မိဘ နှစ်ပါးစုံ ကျန်းမာမှု ဆူဖြိုးမှု တူကြလျှင်  ရသဓာတ် နှစ်ပါး အားရှိခြင်း တူကြ၏ ။ ထိုအခါ ပဋိသန္ဓေ တည်နေသော သားသမီး တို့မှာ အဆင်းသဏ္ဌာန် စသည်  နှစ်ဖက်မျှတလျက်ရှိတတ် ကြ၏ ။ မိဘ တို့မှာ ရသဓာတ်တစ်ဖက်က အားရှိ ၊ တစ်ဖက်အားနည်းသောအခါ  ပဋိသန္ဓေ  တည်သော သားသမီး တို့ မှာ အဆင်းသဏ္ဌာန် စသည် တစ်ဖက်ဖက် က သာလွန်တတ်ကြ၏ ။" (၃)  ၀ိညာဉ်သည် အတွယ်ရှိမှ ပြုတ်သလား ၊ သို့မဟုတ် မတွယ်မီ အလိုအလျောက် ဖြစ်နေပါသလား ။ အစိမ်းတစ္ဆေ ဖြစ်ကြ        သည် ဆိုကြသော စကားမှာ မှန်ပါသလား .....ဟူသော အချက်မှာ                    "  အတွယ်ရှိမှပင်ပြုတ်သည် ၊ အတွယ်မရှိမီ  အကြားမှာ တစ်စုံတစ်ခုသော အဖြစ်၌ အလိုအလျောက် ဖြစ်၍နေ သည် မဟုတ် ။အတွယ်မရှိမီ အကြားမှာ တစ်စုံတစ်ခုသော အဖြစ်၌ အလိုအလျောက်ဖြစ်၍ နေသေးသည် ဟူသော အယူအဆ သည်  အန္တရာဘ၀ဒိဋ္ဌိ အယူ ( ကြားဘ၀ ရှိသည် ဟူသော မှားသောအယူ ) မည်၏ ။ ထိုအယူကို ဗုဒ္ဓဘာသာကျမ်းဂန်များ၌ ပယ်ဖျက်လျက်ရှိ၏ ။"                   "  ထိုအယူဖြစ်ပုံကား ဤဘ၀မှ သေလွန်လျှင် နောက်ဘ၀၌ လူဖြစ်မည့်သူ ၊ နတ်ဖြစ်မည့်သူ ၊ ဗြဟ္မာဖြစ်မည့်သူ ၊ အောက် ငရဲ၌ဖြစ်မည့်သူ ၊ တိရစ္ဆာန် ပြိတ္တာ တို့၌ ဖြစ်မည့်သူ  အမျိုးမျိုး ရှိကြ၏ ။ ထိုသူတို့သည် ဤလူ့ဘ၀ သေလွန်ရာဌာန မှ နောက်လူ့ဘ၀သို့ ၊ နတ်ဘ၀ သို့ ၊ ဗြဟ္မာဘ၀သို့ ၊ ငရဲ တရိစ္ဆာန် ပြိတ္တာ ဘ၀ သို့ အဘယ်သို့ ကူးပြောင်း ရောက်နိုင်ကြပါကုန် သနည်း ။ အကြား၌ သွားလွင့် ကူးသန်းမှု ဧကန္တ ရှိရလိမ့်မည် မဟုတ်လော ။သွားလွင့် ကူးသန်းမှု ရှိခဲ့သော်  ထို သွားလွင့် ကူး သန်းသူသည်  အကောင်အထည်ရှိသော လူလည်းမဟုတ် ၊ နတ်လည်းမဟုတ် ၊ဗြဟ္မာလည်း မဟုတ် ၊ ငရဲ တိရစ္ဆာန် ပြိတ္တာလည်း မဟုတ်သေး ၊ အလွတ်တစ်မျိုး မဟုတ်လော ။ ထိုသူကို အန္တရာဘ၀  ခေါ်၏ ။"                   "  ထိုသူသည် ခန္ဓာငါးပါး အပြည့်အစုံ ရှိသည် ဟူ၍လည်း ယူကြ၏ ။ ၀ိညာဉ်ချည်း သက်သက် ရှိသည် ဟူ၍လည်း ယူ ကြ၏ ။ ထိုသူတို့သည် နတ်မျက်စိ အမြင်နှင့် ပြည့်စုံ ၏ ။ အလိုရှိရာ ဘ၀သို့ ခဏချင်းရောက်နိုင်သော တန်ခိုးလည်းရှိ၏ ။ထိုသူ သည်  ကံ တိုက်တွန်းရာ ထွေထွေလာလာ ထင်တတ်၏ ။ လူဆင်းရဲဖြစ်ရန် ကံ တိုက်တွန်းလျှင်  လူဆင်းရဲ ကိုပင် လူချမ်းသာ ထင်တတ်၏ ။ ငရဲ ကျရောက်ရန် ကံ တိုက်တွန်းလျှင် ငရဲပြည် ကိုပင် နတ်ပြည် ထင်တတ်၏ ။ ထို အန္တရာဘ၀ မှ တစ်ဆင့် အလို ရှိရာ ဘ၀သို့  ခဏချင်း သွားရောက်၍ ပဋိသန္ဓေ စွဲနေဖြစ်ပေါ်လာလေ၏ ။ ဤကား အန္တရာဘ၀၀ါဒီ ပုဂ္ဂိုလ် တို့၏ အယူတည်း ။ ဤအယူ ကို ဗုဒ္ဓဘာသာကျမ်း တို့၌ ပယ်ဖျက်၏ ။ "               "  ပယ်ဖျက်ပုံကား အန္တရာဘ၀ ဟူ၍ မရှိ ၊ ဤဘ၀ မှသေလွန်လျှင် နောင်ဘ၀ ၌ လူဖြစ်မည့်သူသည် လူဖြစ်လေ၏ ။ နတ်ဖြစ်မည့်သူသည်နတ်ဖြစ်လေ၏ ။ ငရဲကျမည့်သူသည် ငရဲ၌ ချက်ချင်းဖြစ်လေ၏ ။အကြား၌ အန္တရာဘ၀ မရှိခဲ့သော် လူ့ပြည်မှ နတ်ပြည်သို့ ၊ လူ့ပြည်မှ ငရဲပြည်သို့  အဘယ်သို့ သွားလိမ့်မည်နည်း ဆိုငြားအံ့ ။"                  "  တစ်ဘ၀ မှ တစ်ဘ၀သို့ သွားသည် လာသည် ကူးသည် သန်းသည်  ပြောင်းရွှေ့သည် ကျင်လည်သည် ဟူသော စကားမျိုးသည် လောက စကား မျိုးသာဖြစ်သည် ။ ဓမ္မစကားမျိုး ၊ ဓာတ်စကားမျိုး မဟုတ် ၊ ဓမ္မ စကားမျိုး နှင့် ပြောဆိုရသော် တစ်ခုသော ရုပ်ဓမ္မ နာမ်ဓမ္မ သည် တစ်ဘ၀ မှ တစ်ဘ၀ သို့ သွားသည် လာသည် မရှိ ၊ ကူးသန်းပြောင်းရွှေ့သည် ကျင်လည် သည် ဟူ၍ မရှိ ၊ ဤအရာ၌ အရိပ်ဓာတ်ပုံ ( ရုပ်ရှင် ) ပြခန်း ၊ ဓာတ်သီချင်းဖွင့်ခန်း ( ရေဒီယို ၊ တယ်လီဗီးရှင်း ) များကို စေ့စုံစွာ ထောက်မြော်၍ ရုပ်နာမ်ဓမ္မ တို့၏ အစီအစဉ် အားဖြင့် အဆက်ဆက်အဆင့်ဆင့် ဖြစ်ပွား၍ သွားပုံကို ယုံကြည်ထိုက်လှ၏ ။"                   "  အကြင်သူသည် လူ့ပြည် မှသေ၍ နတ်ပြည်၌ဖြစ်လေသည် ။ ထိုသူ၌ လူ့ဘ၀ အဆုံးနှင့်  နတ်ဘ၀ အစ သည် ဌာနအားဖြင့် ဝေးကွာသော်လည်း ကာလအားဖြင့် တစ်ခြားမရှိ ၊ တစ်စပ်တည်း တစ်ဆက်တည်း ဆက်စပ်လျက်ဖြစ်သည် ။ အကြင်သူသည် လူ့ပြည်မှသေ၍  အောက်မဟာအ၀ီစိ ငရဲကြီး၌ ဖြစ်လေ၏ ။ ထိုသူ၌ လည်းလူ့ဘ၀ အဆုံး နှင့် ငရဲဘ၀ အစ သည် ဌာနအားဖြင့် ဝေးကွာသော်လည်း ကာလအားဖြင့် အခြားမရှိ။ "                 "  လောကမျက်မြင်အားဖြင့် မဟာပထ၀ီမြေအထု ခုခံ ကွာခြားနေသော်လည်း  ကံ ဟူသော နာမ်ဓမ္မ၏ အစွမ်းသတ္တိ ကို ထို မဟာပထ၀ီမြေအထု ခုခံ ကွယ်ခြားနိုင်သည်မဟုတ် ။ လူ့ဘ၀ မှာအဆုံး နာမ်ဓမ္မ အဟောင်းချုပ်လျှင်  မဟာအ၀ီစိ ငရဲ ကြီးမှာ အစ  နာမ်ဓမ္မ အသစ် ဆက်လက်ဖြစ်ပေါ်လေတော့၏ ။ အကြား၌ မျက်တောင် တစ်ခတ် လျှပ်တစ်ပြက် မျှ ကြန့်ကြာ ခြင်းမရှိလေပြီ ။အကြောင်းမူကား အသီးသီး သူ့ ကံ နှင့် သူ့ဘုံ ၊ သူ့ဘုံ နှင့် သူ့ဘ၀ သတ်မှတ်ပိုင်းခြားလျက် ရှိသောကြောင့် တည်း ။"              "  ကံ သည် အမျိုးမျိုး ရှိ၏ ။ ကံ ၏အကျိုးသည် အမျိုး မျိုး ရှိ၏ ။ဒါန ဟူသော ကုသိုလ်ကံ တစ်မျိုး မှာပင် အချို့သော ဒါနကံသည် လူ့ဘ၀ ကို ဖြစ်စေနိုင်၏ ။အချို့သော ဒါနကံသည် စတုမဟာရာဇ် နတ်ဘ၀ကို ဖြစ်စေနိုင်၏ ။ အချို့သော ဒါန ကံ သည် တာဝတိံသာ နတ်ဘ၀ ကိုဖြစ်စေနိုင်၏ ။ ( နတ်ပြည်ခြောက်ထပ် အဆင့်ဆင့်သွားလေ )"   "  သီလ ဟူသောကုသိုလ်ကံ  တစ်မျိုးကိုလည်း ဒါနကံအတိုင်း ဝေဖန်လေ ။ ပါဏာတိပါတ ဟူသော အကုသိုလ်ကံ တစ်မျိုးမှာပင်  အချို့ ကံသည် သိဉ္စိုင်း ငရဲဘ၀ ကိုဖြစ်စေနိုင်၏ ။ အချို့ ကံ သည် ကာဠသုတ္တ ငရဲဘုံ၌ ကာဠသုတ္တငရဲဘ၀ ကိုဖြစ်စေနိုင်၏ ။ ဤနည်းအတူ အောက်ဆုံးဖြစ်သော မဟာအ၀ီစိ ငရဲဘုံတိုင်အောင် ဆိုလေ ။ အဒိန္နာဒါနကံ စသည်တို့ကို လည်း ပါဏာတိပါတာကံ အတိုင်း ဝေဖန်လေ ။"                 "  ကံ ၏ အကျိုး အမျိုးဆိုသည်ကား လူ့ဘ၀၊ စတုမဟာရာဇ် နတ်ဘ၀ ၊ တာဝတိံသာ နတ်ဘ၀ အစ ရှိသည်ဖြင့် ဆိုခဲ့ပြီးသော စကားရပ်စု၌ ဘ၀ ဟူသောစကားသည် ကံ ၏ အကျိုးကို ဆိုသော စကားပင်တည်း ။ ဘ၀ အမျိုးမျိုး ကို ကံ ၏ အကျိုး အမျိုးမျိုး ဟူ၍ ဆိုပေသည် ။ "                  "ဤသို့လျှင် ပကတိအားဖြင့် သူ့ကံ နှင့် သူ့ဘုံ ၊ သူ့ဘုံ နှင့် သူ့ဘ၀  အသီးသီး သတ်မှတ် ပိုင်းခြားပြီး ရှိလေသော ကြောင့် လူ့ပြည်မှသေလွန်လျှင် သေလွန်သူ၌  အားအရှိဆုံးဖြစ်သော ကံ တစ်ခုသည် မိမိ၏ သက်ဆိုင်ရာ ဘ၀ ကိုသာ ဖြစ်စေ တတ်၏ ။ တစ်ခြားသောဘုံ၌ တစ်ခြားသော ဘ၀ကို မဖြစ်စေတတ် ၊ဤကား အန္တရာဘ၀ ကို ဗုဒ္ဓကျမ်းဂန် တို့၌ ပယ်ဖျက်ပုံပေ တည်း ။ "               "  အစိမ်းတစ္ဆေ ဖြစ်သည်ဆိုကြသော စကား မှန်ပါသလား ...ဟူသောစကားဖြင့် အစိမ်းတစ္ဆေ ဖြစ်သည်ကို ပင် အန္တရာ ဘ၀၌ ဖြစ်သည် ဟု အယူရှိကြသည်ကို  ထုတ်ဖော်၍ပြပေ၏ ။ "                "  အစိမ်းတစ္ဆေ သည် အခြားတစ်ပါးမဟုတ် ၊ နတ်ဘ၀စု တွင် အယုတ်ဆုံး ၊ အညံ့ဆုံးဖြစ်သော အောက်တန်းစား စတုမဟာရာဇ် နတ်တစ်မျိုး ၏ ဘ၀ ပေတည်း ။"                "  လူ့ဘ၀ ၊ နတ်ဘ၀ ၊ ဗြဟ္မာဘ၀၊ တိရစ္ဆာန်၊ ပြိတ္တာဘ၀ တို့မှာ အလွတ်အလပ် အသီးအခြား မဟုတ်ပေ ။ထိုဘ၀ သို့ ရောက်လေသောသူသည် လူ နှင့် အလွန်နီးစပ်၏ ။ ထိုဘ၀၌ ဆင်းရဲရန် ကံအခွင့်ကုန်လျှင် လူ့ဘုံသို့ပြန်လာနိုင်၏ ။ အခွင့် သင့်လျော်ရာ အမိဝမ်းမှာ ပဋိသန္ဓေ ယူနိုင်၏ ။"                 "  ထိုဘ၀ကို ချမ်းသာသောနတ် ဘ၀ မဟုတ်သည့် အတွက်  နတ်ဘ၀ ဟူ၍ အယူမရှိကြဘဲ အန္တရာဘ၀ ဟူ၍ တစ်မျိုး တစ်မည်ထင်မှတ်ကြ၏ ။"                  "  မြန်မာ တို့၌ အစိမ်းတစ္ဆေ ဟူ၍ အမည် တစ်မျိုးဖြင့် ခေါ်ကြ၏ ။ ဗုဒ္ဓဘာသာကျမ်းဂန် တို့၌ ၀ိနိပါတ အသူရာ ဟူ၍ ခေါ်၏ ။ နတ်ဘ၀စု တွင် အယုတ်ဆုံး ၊ အညံ့ဆုံးသော နတ်ဘ၀ တစ်မျိုး ဖြစ်ပေသတည်း ။ "                     "  လူ့ပြည်မှ သေလွန်ကြသူ အပေါင်းတို့သည် ထိုဘ၀ ကိုချည်း ရောက်ကြကုန်သည်မဟုတ် ။ အချို့မျှ သာ ရောက် ကြကုန်၏ ။ရုတ်တရက်အစိမ်းသေ ဆုံးကြသူများ ထိုဘ၀ သို့ ရောက်တတ်ကြ၏ ။မနုဿဂတိ ဒေ၀ဂတိ နိရယဂတိ ပေတဂတိ တိရစ္ဆာနဂတိ ဟူသော ဂတိ တို့မှ အလွတ်အလပ် မဟုတ်ပေ ။" "(4) လူဝင်စား ဟူ၍ လောက၌ ပြောရိုးဆိုရိုးရှိကြ၏ ။ ၀င်စားခြင်းအကြောင်းသည် ဗုဒ္ဓဘာသာတရားတော်တွင် သက်ဝင်ခြင်း          ရှိပါသလား ......ဟူသောမေးချက်မှာ...............                  "  လူဝင်စား ဟူသည်  အသီးအခြား တစ်မျိုးမဟုတ် ။ လူ့ဘ၀ ကိုရောက်လာကြသူ အပေါင်း တို့တွင် ရှေးဘ၀ကိုပြန် မှတ်မိသိနိုင်သူ အနည်းငယ်မျှရှိကြ၏ ။ ထိုသူတို့ကိုလူဝင်စား ဟူ၍ ခေါ်ကြ၏ ။ထိုသူကို ဗုဒ္ဓဘာသာကျမ်းဂန် တို့၌  ဇာတိဿရ ပုဂ္ဂိုလ် ဟူ၍ ခေါ်၏ ။ ရှေးဘ၀ကိုပြန်၍ အောက်မေ့နိုင်သောသူ ၊ သိနိုင်သောသူ ၊ အမှတ်ရသော သူ ဟု ဆိုလိုသည် ။ ရှေးဘ၀ကို ပြန်၍ မသိနိုင်ခြင်း ၊ သိနိုင်ခြင်း အကြောင်းကား....... (၁)  ဤလူ့ဘ၀၌ နေ့ရက်ရှည်ကြာ  အနာရောဂါ နှိပ်စက် ညှဉ်းပန်း စိတ်အား ကုန်ခန်း၍ သေရခြင်းတစ်ပါး ၊ (၂)  နောင်ဘ၀၌ ဂဗ္ဘသေယျ မျိုးဖြစ်၍ အလွန်သေးငယ်သော ကာလလရေကြည် အစတည်လျက် နေ့ရက်ရှည်များ        ဖြည်းနှေးစွာ ကြီးပွားရသဖြင့် စိတ်အားသေးနှပ် မှေးတုတ်  မိန်းမော နေရခြင်း တစ်ပါး ၊                          ဤအကြောင်းနှစ်ပါး နှင့် တွေ့ကြုံ၍ လာကြကုန်သော သူတို့သည် ရှေးဘ၀ကို အများအားဖြင့် မေ့ကြ ကုန်၏ ။ ထိုမှတစ်ပါး အလွန်ငယ်ငယ်ကလေး ကသေခဲ့ကြသောသူ ၊ အလွန်အိုမင်းထိုင်းမှိုင်းမှ သေခဲ့ကြသောသူ ၊ ယစ် မျိုး ကျူးလှသော သူတို့သည်လည်း ကောင်း ၊ နောင်ဘ၀၌ အမိ သည် ရောဂါ ဖြစ်ခဲ့သော်လည်းကောင်း ၊ အလုပ် ကြမ်း အကိုင်ကြမ်း လုပ်ကိုင်ခဲ့ရသူဖြစ်ခဲ့သော်လည်းကောင်း ၊ ကိုယ်ဝန်ဆောင်မှု၌ အလိမ္မာ မရှိသူ အစောင့်အစည်း မရှိသူ ဖြစ်ခဲ့သော်လည်းကောင်း ၊ အမိ ၀မ်းတွင်း၌ သူငယ်သည် အလွန်ထိတ်လန့် ချောက်ချားခြင်း များသဖြင့် လည်းကောင်း ရှေးဘ၀ ကို မေ့ကြကုန်၏ ။ဤကား ရှေးဘ၀ကို ပြန်၍ သတိမရခြင်းအကြောင်းတည်း ။"                  "  ဤလူ့ဘ၀၌ သေလွန်၍ ဥပပါတ် နတ်ဘ၀ ၊ ဗြဟ္မာဘ၀ သို့ ရောက်ခဲ့ကြသောသူ ၊ ငရဲဘ၀ ၊ပြိတ္တာဘ၀၊ သို့ ရောက်ကြသော သူတို့သည် ရှေးဘ၀ ကို သိနိုင်ကြကုန်၏ ။ ဤလူ့ဘ၀၌ အားရှိတုန်း အခါမှာ လက်နက်ဘေး ၊ကပ်ဥပဒ် ဘေး တို့နှင့် ရုတ်တရက် သေဆုံးကြကုန်၍ နောင်ဘ၀၌ အနာရောဂါ ကင်း၍ သန့်ရှင်းငြိမ်သက်သော အမိဝမ်း၌ ဖြစ်ရသော သူများသည် ရှေးဘ၀ ကို သိတတ်ကြ၏ ။ "                      " ရှေးဘ၀ ကို ပြန်၍ပြန်၍ သိရ လို၏ ဟု ကုသိုလ်ကောင်းမှုပြုသဖြင့် ဆုတောင်း ပတ္တနာ ပြုခဲ့ကြသော သူများ သည်လည်း ရှေးဘ၀ ကိုပြန်၍ သိတတ်ကြ၏ ။ပုဗ္ဗေနိဝါသ အဘိညာဉ် ကို ရကြကုန်သော ရသေ့ တို့သည် လည်းကောင်း ၊ ဘုရား ပစ္စေကဗုဒ္ဓါ ရဟန္တာ တို့သည်လည်းကောင်း ရှေးဘ၀ ကို သိတတ်ကြကုန်၏ ။ဥပမာ - စူဠသုဘဒ္ဒါ "(၅)  အဘိညာဉ် ငါးပါးသည် မြတ်စွာဘုရားမှ တစ်ပါး ရဟန္တာ အစရှိသော အရိယာသာဝက များနှင့် ဆက်ဆံပါသေး၏လော ..      ဟူသောမေးချက်မှာ........              "  အဘိညာဉ်ငါးပါး (၁)  က္ကဒ္ဓိဝိဓ အဘိညာဉ် (၂)  ဒိဗ္ဗသောတ အဘိညာဉ် (၃)  စေတောပရိယ အဘိညာဉ် (၄)  ပုဗ္ဗေနိဝါသ အဘိညာဉ် (၅)  ဒိဗ္ဗစက္ခု အဘိညာဉ်                 အဘိညာဉ်ငါးပါး တို့သည် ရဟန္တာ အစရှိသော အရိယာ သာဝက များနှင့် လည်း ဆက်ဆံပါ  သေး၏ ။ အရိယာ သာဝက များနှင့် သာ မဟုတ်သေး ၊ သမထ ဘာဝနာ ကို ထမြောက်အောင် အားထုတ်နိုင်ကြသော ပုထုဇဉ် သာဝက များနှင့် လည်းကောင်း ၊ ကမ္ဘာဦးအခါ၌ ဈာန်ရသော သမထ ဗြဟ္မာဏ ရသေ့ ရဟန်း တို့နှင့်လည်းကောင်း ဆက်ဆံပါ ၏ ။"                  "  ဘုရား မပွင့်မီ ရှေးကမ္ဘာဦး အခါ တို့၌ ကောင်းကင်မြေမိုးပျံလျှိုးသွားလာနိုင်ကြကုန်သော သာသနာပ ဈာန်ရ ရသေ့ တို့သည်လည်း အလွန်ပေါများကုန်၏ ။ ယခုအခါ၌လည်း ထို အဘိညာဉ် ငါးပါး တို့ကို ထမြောက်ပေါက်ရောက်အောင် အားထုတ်ရန် နည်းလမ်းများ သည်  ဗုဒ္ဓဘာသာကျမ်းဂန် များမှာ ထင်ရှားစွာလာရှိ၏ ။ ထိုနည်းလမ်းများအတိုင်း ထမြောက် ပေါက်ရောက်အောင် အားထုတ်နိုင်ကြပါလျှင် ထို အဘိညာဉ်ငါးပါး တို့ကို ရနိုင်ကြကုန်၏ ။ကာယဗလ၊ ၀ီရိယဗလ အားနည်း ကြသည်ဖြစ်၍ ယခု ကာလ၌ ထို အဘိညာဉ် ငါးပါးတို့ကို ပေါက်ရောက်သူ နည်းပါးနေကြလေသတည်း ။"                                                                                         ဤတွင် တရားပြီးဆုံးပါပြီ

ဆန်းလွင်	ရတနာသုံးပါးကို ယုံကြည် ကိုးကွယ် ဆည်းကပ်လာသူ တစ်ယောက် အကြောင်း
	စာ - ၄၅၄ -၄၅၅ -၄၅၆ -၄၅၇ -၄၅၈ -၄၅၉ -၄၆၀ -၄၆၁ -၄၆၂ -၄၆၃ -၄၆၄