ဗုဒ္ဓဟောသော အကျင့်သီလ

ဗုဒ္ဓဟောသော အကျင့်သီလ " ရဟန်းတို့  ၊ ရှေးအခါက ဝေဒေဟီမည်သော သူကြွယ်မ၌ ကာဠီ မည်သော " ကျွန်မ " ရှိ၏ ။ ဝေဒေဟီသူကြွယ်မသည် တရားပြည့်ဝသည် ၊ သည်းခံတတ်သည် ဟု သတင်းပျံ့နှံ့၏ ။ ကာဠီ " ကျွန်မ " သည် ၊ ငါ၏ သခင်မသည် တစ်ကယ်ပင် သဘောကောင်းလေသလော ။ ငါကအလုပ် ၀တ္တရားကျေပွန်စွာ ဆောင်ရွက်သောကြောင့် သဘောကောင်းခြင်း ဖြစ်လေသလော ဟု သိလို ရကား စုံစမ်းရန် တစ်နေ့တွင် နေမြင့်မှ အိပ်ယာ က ထ၏ ။ ထိုအခါ သူကြွယ်မသည် မျက်မှောင် ကြုတ်၍ ကြည့်၏ ။ နောက်တစ်နေ့၌ အိပ်ယာထနောက်ကျသော် " ကျွန်မ " ကို ဆဲရေး၏ ။ တတိယနေ့၌မူ ရိုက်ပုတ်၏ ။ ထိုအခါမှ လူတို့သည် သူကြွယ်မ ၏ သီလ မရှိသော အဖြစ်ကို သိ ကြကုန်၏ ။ ရဟန်းတို့ ၊ သူတစ်ပါးက ကြမ်းတမ်းစွာ ပုတ်ခတ်ပြောဆိုပါလျက် တုန်လှုပ်ခြင်းမရှိ သောသူကိုသာလျှင် စိတ်နှိမ့်ချ၍ သည်းခံသော ဟူ၍ သိအပ်၏ ။ ပစ္စည်းလေးပါး ပြည့်စုံသော ကြောင့် ဆို ဆုံးမလွယ်သော ရဟန်းကို ဆို ဆုံးမလွယ်သော ရဟန်းဟု ငါဟောတော်မမူ ။ အကြောင်းမူ ထိုရဟန်းသည် ပစ္စည်းလေးပါး မရခဲ့သော် ဆို ဆုံးမ လွယ်မည် မဟုတ် ။ " ( မဇ္ဈိမနိကာယ် ၊ ကကစူပမသုတ် )                     ဤဒေသနာမှာ မိမိတို့၏ အကျင့်သီလ ထိခိုက်မည်စိုးသဖြင့် လောကီလူမှုကိစ္စများ ကို တတ်နိုင်သမျှ မျက်နှာလွှဲဖယ် ထားလိုသော ဗုဒ္ဓ၀ါဒီတို့ ဆင်ခြင် သုံးသပ်ရန်ဖြစ်၏ ။ မိမိတို့၏ ရပ်ရွာအရေး ၊ နိုင်ငံနှင့်အမျိုးသားရေး ကိစ္စများ၌ ပါဝင်ဆောင်ရွက်ပါက စိတ်အနှောင့်အယှက် ဖြစ်ဖွယ်ရာ အခက်အခဲ ပြဿနာများကို ရင်ဆိုင်ရမည် မှန်၏ ။                    သို့ရာတွင် ဗုဒ္ဓအလိုအားဖြင့် ယင်းတို့ကို ရင်ဆိုင်ဖြေရှင်းခြင်းသည်ပင် အကျင့်သီလ ကြီးပွားတိုးတက်ရန် အကြောင်းဖြစ်၏ ။ ဗုဒ္ဓဟောသော အကျင့်သီလသည် " အလုပ်မရှုပ် ၊ အကျိုးမယုတ် " ဆိုသော အကျင့်သီလမျိုး မဟုတ် ။ ပြုသင့်သော ကာယကံမှု ၊ ၀စီကံမှုများကို ပြုခြင်းဖြင့် ရှင်သန် တက်ကြွနေသော သီလ ဖြစ်၏ ။                    မြန်မာ ဗုဒ္ဓ၀ါဒီတို့သည် လူသူအရောက်အပေါက်နည်းသော နေရာဒေသ၌ ဧကစာရီ ကျင့်သော ရသေ့ရဟန်း တို့ကို သီလ ၊ သမာဓိ နှင့် ပြည့်စုံသော သူတော်သူမြတ်များ ဖြစ်သည် ဟု ယုံကြည်၍ အလွန်ကြည်ညိုလေ့ရှိကြ၏ ။ ဤသို့ မစူးစမ်းပဲ ကြည်ညိုကြခြင်းသည် ဗုဒ္ဓ ၏ အမြင်အားဖြင့် အသိပညာကင်းမဲ့သော ကြည်ညိုမှုမျိုး ဖြစ်၏ ။ ဗုဒ္ဓ ၏ အလိုအားဖြင့် ရဟန္တာ ပုဂ္ဂိုလ် ဆိုသူ၏ အကျင့်သီလ အဆင့်အတန်း ကို စုံစမ်းလေ့လာလိုသောသူသည် မိမိကိုယ်နှိုက် က အသိပညာရှိသောသူဖြစ်၍ ထို ပုဂ္ဂိုလ်နှင့် ကာလရှည်ကြာစွာ ပေါင်းဖော်ပြီး စုံစမ်းလေ့လာ ရမည် ဖြစ်၏ ။ ဤသည်မှာ ရဟန္တာ နှင့် စပ်လျင်း၍ ဒေသနာတစ်ခု ပါရှိသော ဗုဒ္ဓ ၏ ညွှန်ကြား ချက်တစ်ခု ဖြစ်၏ ။                " မင်းကြီး ၊ သားမယားတို့နှင့်ကျဉ်းမြောင်းသော အိမ်ရာ၌ နေထိုင်ကာ , ကာမဂုဏ် စည်းစိမ်ခံစားနေသောသင်မင်းကြီးသည် ဤသူတို့ကား ရဟန္တာပုဂ္ဂိုလ် တို့တည်း ဟု သိနိုင်ခဲ၏"               " ပုဂ္ဂိုလ် တစ်ဦး နှင့် အတူတကွ နေထိုင်ခြင်းဖြင့်သာ သူ၏ သီလကို သိနိုင်၏ ။ ယင်း သီလကိုလည်း ကြာရှည်စွာ ပြောဆိုဖူးသော သူမှသာ သိနိုင်၏ ။ တစ်ခဏမျှ ပြောဆိုကာမျှဖြင့် မသိနိုင် ။ ပညာရှိ၍ စဉ်းစား ဆင်ခြင်သောသူမှသာ သိနိုင်၏ ။ ပညာမဲ့သောသူသည် မသိနိုင် "               " ဘေးရန် တွေ့ကြုံသောအခါတို့၌သာ သူ၏ ဥာဏ်အစွမ်းကို သိနိုင်၏ ။ ယင်းကိုလည်း များစွာသော ဘေးရန်တွေ့ကြုံမှသာ သိနိုင်၏ ။ စဉ်းစား ဆင်ခြင်၍ ပညာရှိသောသူမှသာ သိ နိုင်၏ ။ ပညာမဲ့သော သူသည် မသိနိုင် ။ "                  " အတူတကွ ကာလကြာရှည်စွာ တရားစကားပြောဆို ဆွေးနွေးခြင်းဖြင့်သာ ထိုသူ ၏ ပညာကို သိနိုင်၏ ။ စဉ်းစားဆင်ခြင်၍ ပညာရှိသော သူမှသာ ထိုသို့ သိနိုင်၏ ။ ပညာမဲ့သော သူသည် မသိနိုင် ။ " ( ဥဒါန်းပါဠိတော် ၊ ဇစ္စန္ဓ၀ဂ် ၊ သတ္တဇဋိလသုတ် )                  ထို့ကြောင့် ပုဂ္ဂိုလ်တစ်ဦး၏ အကျင့်သီလကို အမှန်အတိုင်း သိရှိလိုပါက ပတ်ဝန်းကျင် လူများနှင့် ဆက်ဆံပြုမူပုံကို စူးစမ်းလေ့လာ ရပေမည် ။ သို့ရာတွင် ကျန်းမာခြင်း ၊ ချမ်းသာ ကြွယ်ဝခြင်း ၊ တန်ခိုးအရှိန်အ၀ါရှိခြင်း စသည်တို့ဖြင့် ဘ၀ပြည့်စုံဖူလုံသော ပုဂ္ဂိုလ်ဖြစ်ပါက ဘ၀အခြေအနေအရ လောဘ ၊ ဒေါသ စသော အကုသိုလ်စိတ်များ ငြိမ်ဝပ်နေခြင်းဖြစ်၍ သီလ စင်ကြယ်မှုသည် မူမမှန်ဘဲ အတုအယောင် ဖြစ်နေတတ်၏ ။ စစ်မှန်သော အကျင့်သီလမြင့်မား မှုသည် ဆင်းရဲဒုက္ခ အမျိုးမျိုးကြုံတွေ့၍ ဘ၀ခရီးလမ်း ကြမ်းတမ်းခက်ခဲသောအခါ၌သာလျှင် သိသာထင်ရှား၏ ။ သို့ဖြစ်၍ ဗုဒ္ဓသည် အလိုဆန္ဒပြည့်ဝ၍ ဘ၀ခရီး သာယာဖြောင့်ဖြူးသော ကြောင့် အကျင့်သီလ စင်ကြယ်မှုကို ချီးမွမ်းတော် မမူချေ ။ ............................................................................................................................................................