ယနေ့ကမ္ဘာမှာလိုအပ်နေတာ ခန္တီ ပါ

ယနေ့ကမ္ဘာမှာလိုအပ်နေတာ ခန္တီ ပါ                   ဒီနေ့ ကမ္ဘာပေါ်မှာ လူသားတွေကိုကြည့်ရင် ဆောက်တည်ရာမဲ့ ဖြစ်နေတယ် ။ အလိုမပြည့်မှု ၊ ကြောက်ရွံ့မှု ၊ စိုးရိမ်မှု သောကတွေနဲ့ပဲ ပူပင်သောက ရောက်နေကြရတယ် ။ လူတွေဟာ ဂုဏ်ပကာသန အတွက် သြဇာတိက္ကမ အတွက် လိုအင်ဆန္ဒတွေများပြီး ယစ်မူးနေကြတယ် ။ လူတွေက ၀တ္ထုအာရုံ ကာမ ဂုဏ်တွေကို တက်မက်လွန်းပြီး လိုက်စားလိုစိတ်ပဲ များနေကြတယ် ။ လူတွေမှာ တစ်နေ့တာ ဘ၀ ကို စိုးရိမ် ထိတ်လန့်ခြင်းဖြင့်သာ ကုန်ဆုံးနေကြရတယ် ။ မယုံကြည်မှုတွေ ၊ သံသယတွေပဲ တိုးလာတယ် ။ ဘ၀ က ပိုပြီး မလုံခြုံတော့ဘူး ။ ဒီလို ကသောင်းကနင်း ဖြစ်နေတဲ့ အကျပ်အတည်း ကာလထဲမှာ လူ အချင်းချင်းတစ်ဦးပေါ်တစ်ဦး မှီခိုပြီး အတူယှဉ်တွဲ ငြိမ်းချမ်းစွာအသက်ရှင်နေရေးဟာပိုခက်ခဲလာတယ် ။ ဒါကြောင့် ခုအချိန်ခါမှာဖြင့် ငြိမ်းချမ်းစွာ အတူတကွ အသက်ရှင်နေနိုင်ရေးအတွက် သည်းခံခြင်း ၊ ခွင့်လွှတ်ခြင်း ခန္တီ ဟာ အထူး လိုအပ်လာတယ် ။                  ကမ္ဘာပေါ်မှာ သွေးထွက်သံယိုမှုက ပိုများလာတယ် ။ အယူသီးမှု ၊ သည်းမခံနိုင်မှု ဆိုတဲ့ ရောဂါ ဆိုးများရဲ့ ဒဏ်ကို အလူးအလဲ ခံနေရပြီး နိုင်ငံတိုင်းရဲ့ နိုင်ငံရေး ယဇ်ပလ္လင်ပေါ်မှာ သွေးအလိမ်းလိမ်း ပေကျံနေပြီး ရှေးအခါက ကောင်းကင်ပြင်ပေါ်မှာ ဘာသာအယူဝါဒ ကွဲပြားသူတွေရဲ့ အာဇာနည်တွေကို မီးရှို့သဂြိုလ်တဲ့ မီးခိုးလုံးတွေနဲ့ ဖုံးလွှမ်းနေခဲ့တယ် ။ ဘာသာရေးမှာပဲ ဖြစ်ဖြစ် ၊ နိုင်ငံရေးမှာပဲ ဖြစ်ဖြစ် လူတွေအနေနဲ့ တစ်ယောက်အပေါ် တစ်ယောက်က ကျူးကျော် နှိပ်ကွပ်ဖို့ နည်းလမ်းကိုပဲ အရေးထား စဉ်းစားခဲ့ကြတယ် ။                ဒီနေ့ လူ့လောကကြီးထဲမှာ သည်းမခံနိုင်တာကို ဘာသာရေးဆိုတဲ့ အရေခြုံပြီး ကျင့်သုံးလာကြ တာကိုလည်း တွေ့နေရတယ် ။ လူတွေက ဘာသာရေးဆိုတာကို ဗန်းပြပြောဆိုပြီး အမတသုခဘုံနဲ့ နိဗ္ဗာန ရောက်နိုင်တဲ့ ဖြတ်လမ်းနည်းတွေကိုလည်း ကတိခံပြီး ဟောနေကြတယ် ။ တကယ်လို့သာ ခရစ်ယာန် အယူဝါဒဟာ တောင်ပေါ်တရား ( Sermon of the mount ) လိုက်နာ ကျင့်ကြံနေကြရင် ၊ ဗုဒ္ဓဘာသာက လည်း မဂ္ဂင်ရှစ်ပါး မြတ်တရားအတိုင်း နေထိုင် ကျင့်ကြံကြရင် ၊ မွတ်စလင်တွေကလည်း ညီရင်းအစ်ကို စိတ်ဓာတ်ကို တကယ်ပဲ ကျင့်သုံးနေထိုင်ကြရင် ၊ ဟိန္ဒူတွေကလည်း သူတို့ရဲ့ ဘ၀ တွေကို တစ်ခုတည်း ဖြစ်အောင် ပုံဖော်ပြီး နေကြမယ်ဆိုရင် ဒီကမ္ဘာပေါ်မှာ ငြိမ်းချမ်းရေးနဲ့ ညီညွတ်ရေး ၊ သာယာဝပြောရေး တွေဟာ ဖြစ်ပေါ်လာနိုင်ပါတယ် ။ ခုတော့ ဒီလို တန်ဖိုးမဖြတ်နိုင်တဲ့ ဘာသာအယူဝါဒကြီးတွေက သင် ကြား ဆုံးမထားတဲ့ သာသနာ့ အဆုံးအမတွေ ရှိပါလျက်နဲ့ လူတွေဟာ ခုထိ သည်းခံခြင်း ခန္တီ ရဲ့ တန်ဖိုးကို သဘောပေါက် နားလည်ကြခြင်း မရှိတာကို တွေ့ရပါတယ် ။ ဘာသာရေးဆိုတဲ့ နာမည်ခံပြီး သည်းမခံ နိုင်တဲ့ အပြုအမူတွေကို ပြုမူနေကြတာများကတော့ ရှက်စရာလည်းကောင်းတယ် ၊ ၀မ်းနည်းစရာလည်း ကောင်းတာ အမှန်ပါ ။              ဗုဒ္ဓရှင်တော်မြတ်ဘုရား ဟောကြားတော်မူတာက - " ရန်ပြုတတ်သူတို့အလယ်၌ ရန်မပြုကြကုန်ပဲ အလွန်ချမ်းသာစွာ ငါတို့ အသက်မွေးနိုင်ကြကုန်၏ ။ ရန်ပြုသောသူတို့အလယ်၌ ရန်မရှိကုန်ပဲလျက် ငါတို့နေနိုင်ကြကုန်၏ " ( ဓမ္မပဒ - ၁၉၇ )         သူတော်ကောင်းတရားနဲ့ ဆန့်ကျင်ဘက် ဖြစ်စေတဲ့ နောက် ကိစ္စ တစ်ရပ်ကတော့ လူမျိုးရေး မောက် မာမှုပဲ ဖြစ်တယ် ။ မြတ်ဗုဒ္ဓက သူ့ရဲ့ သာဝကများကို ဆုံးမတော်မူပုံမှာ ဘာသာရေးကို ကျင့်ကြံအားထုတ် တဲ့ နေရာမှာ လူမျိုးရေးကိစ္စကို ထည့်မစဉ်းစားရဘူး ၊ ဗုဒ္ဓဘာသာဝင်တွေအနေနဲ့ လူမျိုးခွဲခြားတာတို့ ၊ ဇာတ်နိမ့် ဇာတ်မြင့် ခွဲခြားတာတို့ ၊ လူတန်းစား ခွဲခြားတာတို့ကို လျော့နည်းပပျောက်သွားအောင် လုပ်ကြ ၇မယ်လို့ ဆုံးမတော်မူပါတယ် ။ ဘာသာတရား အားလုံးကို ကိုးကွယ်နေကြတဲ့ လူတွေအားလုံးဟာ လူအချင်းချင်း ခွဲခြား ဆက်ဆံခြင်း မပြုကြဖို့ ကိုယ့်ရဲ့ ရိုးရာတွေကို ရှေ့တန်းတင်ပြီး မခွဲခြားကြဖို့ကို ဟောတော်မူပါတယ် ။               လူအချင်းချင်းဟာ အညီအမျှ ဆက်ဆံတတ်ကြဖို့ အထူးသဖြင့် ဘာသာတရား ကိုးကွယ်ကြရာမှာ တန်းတူရည်တူ ထားကြဖို့ကို ဟောတော်မူတယ် ။ ကံမကောင်း အကြောင်းမလှတာက ဘာသာမတူ ကိုးကွယ်ကြသူတွေဟာ တန်းတူထားဖို့ မဆိုပါနှင့် ပိုပြီး ခွဲခြား ဆက်ဆံမှုတွေနဲ့ အချင်းချင်း ရန်ပြုမှုတွေ ကိုသာ ပိုတိုးပြီး လုပ်လာကြတယ် ။             လူမျိုးရေးခွဲခြားဆက်ဆံမှု ၊ လူမျိုးကြီး အမြင်မျိုးကတော့ ဘာသာရေးမှာ အကြီးဆုံး အနှောက် အယှက် တစ်ခုပါ ။              တစ်ခါတုန်းက မြတ်ဗုဒ္ဓက ပင်လယ်ကို ဥပမာပေးပြီး ဟောကြားတော်မူရာမှာ ပင်လယ်ထဲကို ဘယ်အရပ်က ဘယ်ရေတွေ ဘယ်လိုပဲ စီးဝင်လာလာ ၊ ပင်လယ်ရေဖြစ်တဲ့အခါ တစ်မျိုးတည်း ၊ တစ်သား တည်း ဖြစ်သွားသလို ဘာသာရေးမှာလည်း လူမျိုးရေး ခွဲခြားမှုတွေကို ဖယ်ရှားပြီး လူအချင်းချင်း တစ်သားတည်း တန်းတူရည်တူ သဘောထားအပ်ကြောင်းကို ပြယုဂ် ဥပမာပေးပြီး ဟောတော်မူခဲ့ပါ တယ် ။              လူမျိုးအသီးသီး ၊ ဇာတ်အသီးသီးက လာကြတဲ့ လူတွေဟာလည်း ကိုယ့်လူမျိုးစွဲတွေကို မေ့ပြီး လူသားတွေချည်း အတူတူပဲ ဆိုတဲ့ အမြင်နဲ့ လူလူချင်း တန်းတူရည်တူ သဘောမျိုးနှင့် ဆက်ဆံသင့် ပါတယ် ။              ။ ကျမ်းကိုး -် ဦးဆန်းလွင်  - ဗုဒ္ဓဘာသာတွေယုံကြည်ကြတာက .....................................................................................................................................................................................................................................