ဗုဒ္ဓသာသနာထွန်းကားခြင်း

ဗုဒ္ဓသာသနာထွန်းကားခြင်း            ခရစ်သက္ကရာဇ် မတိုင်မီက မြန်မာနိုင်ငံသို့ အိန္ဒိယတောင်ပိုင်းနှင့်သီဟိုဠ်ကျွန်းမှ ဗုဒ္ဓဘာသာ ပြန့်ပွားလာကြောင်း သမိုင်းအထောက်အထားများရှိ၏ ။ ထိုပင်လယ်ရပ်ခြားမှ ရောက်ရှိလာသော ဗုဒ္ဓ၀ါဒမှာ ထေရ၀ါဒဖြစ်၍ ထေရ၀ါဒအခြေမစိုက်မီက မြန်မာပြည်အထက်ပိုင်း၌ မဟာယာန၀ါဒ ပေါ်ထွန်းနေသည်ဟု သမိုင်းဆရာတို့ ယူဆကြ၏ ။ အနော်ရထာမင်းလက်ထက် မတိုင်မီ ပုဂံပြည် ၌ ကြီးစိုးနေသော အရည်းကြီးတို့၏ အယူဝါဒသည် တန္တရ နှင့် ရောထွေးနေသော မဟာယာန၀ါဒ ဖြစ်ဟန်ရှိ၏ ။            မြန်မာနိုင်ငံရှိ ထေရ၀ါဒကို လေ့လာသော အိန္ဒိယပညာရှင်တစ်ဦး၏ အဆိုအားဖြင့် အထက် မြန်မာပြည်၌ ထေရ၀ါဒ အလျင်ရှိခဲ့သော မဟာယာန တန္တရ ၏ အသွင်လက္ခဏာများသည် အချို့ သော ပုဂံဘုရားများ၌ ထင်ရှား၏ ။ အပယ်ရတနာ ၊ ကူပြောက်ကြီး ၊ ပုထိုးသားများ ၊ ဘုရားသုံးဆူ စသော ဂူပုထိုးများ၌ အ၀လောကိတ ၊ မဇ္ဇုသီရိ ၊ တာရာ( တိဗက်နတ်သမီးဘုရားအမည် ) စသော ဘုရားထီး ၊ ဘုရားမများ ပွေ့ဖက်နေသော ရုပ်ပုံများကို တွေ့ရသည် ဆို၏ ။                  မြန်မာလူမျိုးတို့၏ ဘာသာအယူဝါဒနှင့်ဓလေ့စရိုက်ကို လေ့လာသော အနောက်တိုင်း သားတို့က မြန်မာဗုဒ္ဓဘာသာသည် မြန်မာတို့၏ နတ်ကိုးကွယ်မှုကို ဖုံးကွယ်ရန် အသုံးပြုသော ဘာသာတရား ဖြစ်သည်ဟု ဆိုကြ၏ ။ မြန်မာဗုဒ္ဓ၀ါဒီအများစု၏ ဗုဒ္ဓနှင့် ဗုဒ္ဓ၀ါဒအကြောင်း အသိ ပညာကို စေ့ငုသေချာစွာ လေ့လာဆန်းစစ်ပါက အတော်အတန် အားနည်းချွတ်ယွင်းနေကြောင်း တွေ့ရှိရပေမည် ။ ယနေ့ မြန်မာထေရ၀ါဒီတို့သည် မဟာယာန၀ါဒီတို့နည်းတူ ဗုဒ္ဓတရားတော် ထက် ဗုဒ္ဓအကြောင်းအရာများ၌ ပိုမိုစိတ်ဝင်စားကြခြင်းကို ယုံမှားစရာ မရှိချေ ။ ပုံစံအားဖြင့် ဗုဒ္ဓဘာသာအကြောင်းရင်းခံ၍ ရေးသားထားသော သမန္တစက္ခုဒီပနီကျမ်း၌လာသည့် ပုစ္ဆာပေါင်း တစ်ရာအနက် တစ်ဝက်ကျော်မှာ ဗုဒ္ဓအကြောင်းအရာ ပုစ္ဆာများဖြစ်၏ ။            မည်သို့ဖြစ်စေ မြန်မာနိုင်ငံသည် ကမ္ဘာပေါ်၌ ဗုဒ္ဓဘာသာအထွန်းကားဆုံးနိုင်ငံဖြစ်သည်ဟု မြန်မာဗုဒ္ဓ၀ါဒီတို့ ယုံကြည်ကြ၏ ။ စင်စစ် ကျောင်းကန်ဘုရား ၊ စေတီပုထိုးပေါများခြင်း စသည်တို့ သည် သာသနာထွန်းကားသော အစစ်အမှန်လက္ခဏာများဟု ဆိုနိုင်ရန် ခက်ခဲ၏ ။ ဗုဒ္ဓသြ၀ါဒကို အမြဲ လိုက်နာကျင့်သုံးသော ပုဂ္ဂိုလ်ပေါများမှသာလျှင် ဗုဒ္ဓသာသနာ ထွန်းကားသည် ဟု ဆိုနိုင် ကြောင်း မှတ်သားထားသင့်ပေသည် ။ . ဦးအေးမောင် ဗုဒ္ဓနှင့်ဗုဒ္ဓ၀ါဒ - စာ - 378 ..........................................................................................................................................................................................................................