၃ ။ မိမိတို့ ကွယ်လွန်သေဆုံးပြီးသည့် နောက်ပိုင်းတွင် ကျန်ရစ်ခဲ့မည့် ဆွေမျိုးသားချင်းများအတွက် စိုး ရိမ်ကြောင့်ကြ ၊ ပူပင်သောက ၊ ထိတ်လန့်တုန်လှုပ်ခြင်းသည် သဘာဝ ၏ ဖြစ်စဉ် လောကဓမ္မကို သတိ မမူဘဲ မေ့လျော့နေခြင်းကြောင့်ပင် ဖြစ်သည် ။ လူတိုင်းလူတိုင်း မိမိတို့ မှတ်မိသော အသက်အရွယ်က စ၍ ယခုအချိန်အခါအထိ ပညာရေး ၊ စီးပွားရေး ၊ ကျန်းမာရေး ၊ အိမ်ထောင်ရေးများမှအစ အခြား
အရေးကြီးကိစ္စအ၀၀ တို့တွင် မည်သည့် အကြိမ်အခါကမျှ မိမိတို့ ကြံစည်အားထုတ် ဆောင်ရွက်ခဲ့ သလောက် မဖြစ် မမြောက် ၊ မပေါက်မရောက် သည်ကို ၀န်ခံကြရပေမည် ။ ယင်းကဲ့သို့ မိမိ၏ စိတ်နှင့် ကိုယ် အစွဲပြု၍ ပေါ်ပေါက်လာသော ကိစ္စရပ်များနှင့် အခြေအနေများ၌ပင် စိတ်တိုင်းကျ အောင်မြင်စွာ မဆောင်ရွက်နိုင်ပါက အခြားသူတို့က စိတ်နှင့်ကိုယ်ကို စွဲမှီ၍ ပေါ်ပေါက်လာသော ကိစ္စရပ်များ၌ မိမိက
မည်ကဲ့သို့ ထိန်းသိမ်း စောင့်ရှောက် နိုင်ပါအံ့နည်း ။ ဤလောကတွင် မည်သည့် ပစ္စည်းဥစ္စာ ဖြစ်ရပ်များ ကိုမဆို မည်သူ တစ်ဦးတစ်ယောက်ကမျှ မပိုင်ကြောင်း ၊ မဆိုင်ကြောင်း နှင့် မိမိစိတ်တိုင်းကျ မဖန်တီး နိုင်ကြောင်း အမြဲတစေ ယုံကြည် သတိရ အပ်ပေသည် ။ ကမ္ဘာ့ဘာသာတရားကြီးများကလည်း ဤ နိယာမတရားကို " အနတ္တလက္ခဏာ " ဟူ၍လည်းကောင်း ၊ " အက်မန်အတု၏လှည့်စားမှု " ဟူ၍လည်း ကောင်း ၊ " အလ္လာဟ်အရှင်မြတ်၏အမိန့်တော်အရ " ဟူ၍လည်းကောင်း ၊ " ဘုရားသခင်၏အလိုတော် အရ " ဟူ၍လည်းကောင်း သွန်သင်ပြသ ဆုံးမကြပေသည် ။ သို့ဖြစ်၍ မိမိတို့ ကွယ်လွန် သေပြီးသည့် နောက်ပိုင်း၌ ကျန်ရစ်မည့်သူများ၏ မဖြစ်သေးသော ကိစ္စများ ၊ ပြဿနာများအတွက် ပူပင်သောက ဖြစ်နေမည့်အစား မိမိတို့နှင့်အသက်ရှင်နေစဉ်အခါတွင်းကပင်လျှင် သက်ဆိုင်သူများအတွက် ပညာရေး အိမ်ထောင်ရေး ၊ စီးပွားရေး အဘက်ဘက်တို့တွင် ပြည့်စုံ စိတ်ချ နိုင်လောက်အောင် ကြိုးစား၍ ပဲ့ပြင် ဆုံးမ ၊ ပြုပြင်စောင့်ရှောက် ၊ ပေးကမ်းစွန့်ကြဲ ထူထောင်ပေးထားခဲ့သင့်ပေသည် ။ ဤလောက၀တ္တရား များကို ဆောင်ရွက်ပြီးစီးသောအခါ ကျန်ရစ်မည့်သူများအပေါ် သံယောဇဉ် နည်းပါးလာပြီး သေဘေး ကို ပိုမို ရဲရင့်စွာ ရင်ဆိုင်နိုင်လာမည် ဖြစ်သည် ။
| 
No comments:
Post a Comment
မိတ်ဆွေ....ပြောစရာရှိလာပြီလား