သတ္တ၀ါသည် သေသည့်၏နောက်၌

 

သတ္တ၀ါသည် သေသည်မှ နောက်၌  ဖြစ်သည်လည်း ရှိ  မဖြစ်သည်လည်း ရှိပုံကို အင်ဒိုနီးရှား ပြည်တွင် ကျေးဇူးရှင် မဟာစည်ဆရာတော်ဘုရားကြီး တရားဟောတော်မူစဉ် အခါက အင်ဒိုနီးရှားပြည်သား တို့က မေးသော အမေးကို မဟာစည်ဆရာတော်ဘုရားကြီး ဖြေကြား သောအဖြေများမှာ မှတ်သားဖွယ်ကောင်းလှ၏ ။ အမြင်ရှုပ်ထွေး နေသူများအတွက် အမြင် အလင်း ကို ဆောင်နိုင်သောကြောင့် ဤတွင် ဖော်ပြသင့်သည် ထင်ပါ၏ ။                 ဖော်ပြရသော် အောက်ပါအတိုင်းဖြစ်သည် ။         မေး ။     ။  တရားအားထုတ်လျှင် ရှေးဘ၀ နောင်ဖြစ်မည့် ဘ၀တွေကို သိမြင် နိုင်ပါသလား ။ ဖြေ ။     ။   သိမြင်နိုင်တာလည်းရှိပါတယ် ။ မသိ မမြင် နိုင်တာလည်းရှိပါတယ် ။ ဘယ်လိုလဲ ဆိုလျှင်  သမထ ဘာဝနာ ကို အားထုတ်လျှင် ဈာန်ရိုးရိုး လောက် ရတာလည်းရှိပါတယ် ။ အဘိညာဉ်ပါ ရတာလည်း ရှိပါတယ် ။ ၀ိပဿနာ ဘာဝနာ အားထုတ်လျှင်လည်း မဂ်ဖိုလ် လောက်သာ ရတာလည်း ရှိပါတယ် ။ အဘိညာဉ် ပါ ရတာလည်း ရှိပါတယ် ။ ဒီပုဂ္ဂိုလ် တွေထဲ မှာ အဘိညာဉ် ခေါ် တဲ့ ဥာဏ်ထူး များ ကိုပါ ရသူဟာ ရှေးဘ၀ နောက်ဘ၀ တွေကို သိမြင် နိုင်ပါတယ် ။ ဈာန် မဂ်ဖိုလ် လောက်သာ ရတဲ့ ပုဂ္ဂိုလ် ကတော့ မသိ မမြင် နိုင်ပါဘူး ။ မေး ။       ။ လူ့ဘ၀ က သေပြီးတဲ့နောက်မှာ တစ်ဖန် ဘ၀ သစ်ဖြစ်တယ်ဆိုတာ ဟုတ်ပါ                    သလား ။ ဘယ်လိုဖြစ်ပါသလဲ ။ ဖြေ ။        ။  လောဘ ဒေါသ စသော ကိလေသာ မကင်းသေးတဲ့ သူဟာ သေပြီးတဲ့နောက်မှာ ဘ၀သစ်ဖြစ်ရပါတယ် ။                       ဖြစ်ပုံကတော့ စိတ်ဆိုတာ ရုပ်ကိုယ် ကို မှီပြီး တော့ တစ်ခုပြီးတစ်ခု မပြတ်ဖြစ် နေတယ် ။ဓာတ်မီးလုံးထဲမှာ လျှပ်စစ်ဓာတ်အားတွေ အသစ်သစ်လာပြီး လင်းနေသလိုပါပဲ ။ အကယ်၍ ဗတ်သီး ( မီးလုံး ) က ပျက်သွားလျှင် အဲဒီ ဗတ်သီး (မီးလုံး ) ထဲမှာ မီးမလင်းတော့ ဘူး ။ ဒါပေမယ့် ဓာတ်ကြိုးထဲမှာ ဓာတ်အားကတော့ ရှိနေလျက်ပဲ ။ အဲဒီ ပျက်နေတဲ့မီးလုံး ကိုဖယ်ပြီး ဓာတ်မီးလုံးအသစ်ကို ထည့်ပေးလိုက်၇င် အဲဒီ မီးလုံး အသစ်ထဲမှာ မီးဟာ ယခင် ကလိုပဲ လင်းမြဲ လင်းနေပြန်ပါတယ် ။ ဒါလိုပဲ ရုပ်ကိုယ် အဟောင်းက ပျက်သွားတဲ့အခါမှာ စိတ်က အဲဒီကိုယ်ထဲမှာ မဖြစ်နိုင်တော့ဘူး ။ အဲဒါကို သေတယ်လို့ခေါ်ကြပါတယ် ။ဒါပေမယ့် စိတ်ကတော့ လုံးလုံး ပျောက်သွားတာ မဟုတ်ပါဘူး ။ တခြား ကိုယ်ရုပ်အသစ်ထဲမှာ သွားဖြစ် ပြန်တယ် ။ မီးလုံး အသစ်ထဲမှာ မီးလင်းမြဲ လင်းနေပြန်သလိုပဲ ။                    ဆက်လက်ပြီးဖြစ်ပေါ်ပုံက ဘယ်လိုလဲဆိုရင် စိတ်ဆိုတာ အာရုံတစ်ခုခုကို စွဲလမ်း ပြီး မပြတ်ဖြစ်နေတယ် ။ အာရုံ ကို လုံးလုံး စွန့်လွှတ် မေ့ပျောက် မပစ်နိုင်ဘူး ။ သစ်ပင်ပေါ်က မျောက်ဟာ သစ်ကိုင်းကို လုံးလုံး စွန့်လွှတ် မထားနိုင်သလိုပဲ ၊ ဒါကြောင့် သေခါနီးမှာ ကိုယ် ပြုခဲ့တဲ့ အမှုကိစ္စ တစ်ခုခု ကို စွဲလမ်းနေရင်းနဲ့သေသွားတယ် ။သေတယ်ဆိုတာကလည်း လက်ရှိ ရုပ်ဟောင်းထဲမှာ စိတ်အသစ် ပြန်မဖြစ်ပေါ်လာတော့တာပဲ ။ ပြတ်စဲသွားတာကို ခေါ်ပါတယ် ။ ဒီလိုပြတ်စဲသွားတဲ့အခါမှာ သေခါနီး စွဲလမ်းခဲ့တဲ့ အာရုံကိုပဲ စွဲပြီးတော့ ရုပ်ကိုယ်အသစ်ထဲမှာ စိတ်အသစ်ဖြစ်ပေါ်လာပါတယ် ။အဲဒါကို ဘ၀ အသစ်ဖြစ်တယ်လို့ ခေါ်ပါတယ် ။                    ဥပမာ အိပ်မက်ထဲက စွဲလာတဲ့ အာရုံကို နိုးလာသည့်တိုင်အောင် မပျောက်ပဲ စွဲလမ်းနေတာနှင့်တူပါတယ် ။အလှူပေးခြင်း စသော ကောင်းမှုကိုစွဲလမ်းပြီး သေလာခဲ့လျှင် မြင့်မြတ်တဲ့ ဘ၀ မှာဖြစ်ပါတယ် ။ သတ်ဖြတ်ခြင်းစသော မကောင်းမှုကိုစွဲလမ်းပြီးသေလာခဲ့ လျှင် ယုတ်ညံ့တဲ့ ဘ၀ မှာ ဖြစ်ပါတယ် ။ ဒီလိုဖြစ်တာကို ကုသိုလ်ကံ က ကောင်းကျိုးပေးတယ် အကုသိုလ် ကံ က မကောင်းကျိုးပေးတယ် လို့ခေါ်ရပါတယ် ။ ကံ ဆိုတာ ပြုမှုပဲ ၊ ပြုတာရှိလျှင် တန်ပြန်မှုရှိတယ် ။ တောအုပ်ထဲ မှာဖြစ်စေ ၊ လိုဏ်ခေါင်းထဲမှာဖြစ်စေ  ဟေး  လို့ အော်လိုက် ရင် အဝေကနေပြီး  ဟေး  ဆိုတဲ့ ပဲ့တင်သံ ပြန်လာပါတယ် ။ မြေကြီးပေါ်ကို ဘောလုံးပေါက် လိုက်ရင် အထက်ကိုပြန်တက်လာတယ် ။ တစ်စုံတစ်ခုကို တုတ် နှင့် ရိုက်လိုက်ရင် အရိုက်ခံရ တဲ့ ၀တ္ထု က အသံမြည်လာတယ် ။ ဒါတွေ ဟာ တန်ပြန်မှု တွေပဲ ။                 အခါးမျိုးစေ့ စိုက်လျှင် အခါးသီး သီးတယ် ၊ အချိုမျိုးစေ့စိုက်လျှင် အချိုသီး သီး တယ်၊ ခွေးကို ခဲ နှင့် ပေါက်လျှင် အဲဒီ ခွေးကပြန်ဟောင်တယ် ၊ ခွေးကို ချိုချိုသာသာ ခေါ်ပြီး ကျွေးလျှင် အဲဒီခွေး က အမြီးနှံ့ပြီး အရိုအသေပြုတယ်၊ လူတစ်ယောက်ကိုဆဲလိုက်လျှင်အဲဒီ လူက ပြန်ဆဲတတ်တယ် ။ ပြုံးရွှင်ပြီး ချိုချိုသာသာ နှင့် နှုတ်ခွန်းဆက်လျှင် အဲဒီလူကလည်း ပြုံးရွှင်ပြီး ချိုချိုသာသာနှင့်ပြန်ပြီး နှုတ်ခွန်းဆက်တယ် ။ ဒါတွေလည်း တန်ပြန်လာတဲ့အကျိုး တွေပဲ ။                    ထို့အတူ ကောင်းသောပြုမူရှိလျှင် ကောင်းသော ဘ၀အကျိုး တန်ပြန်လာတယ် ။ မကောင်းသောပြုမှုရှိလျှင် မကောင်းသော ဘ၀အကျိုး တန်ပြန်လာတယ် ။ ဒီနည်းဖြင့် သတ္တ၀ါ တွေဟာ ကိလေသာ မကင်းသေးသမျှ ကာလပတ်လုံး တစ်ဘ၀က သေပြီးလျှင် အခြား ဘ၀မှာ မိမိပြုထားတဲ့အမှု ကံ အားလျော်စွာ အသစ်ဖြစ်ဖြစ်သွားပါတယ် ။                  ၀ိပဿနာ ဘာဝနာ အလုပ်ကို အားထုတ်ပြီး ရဟန္တာ ဖြစ်သွားတဲ့အခါမှာ ကိလေသာတွေ လုံးဝ ကင်းစင်သွားပါတယ် ။  အဲဒီလို ကိလေသာ လုံးလုံးကင်းစင်သွားတဲ့ ရဟန္တာပုဂ္ဂိုလ် မှာတော့ ပရိနိဗ္ဗာန်စံသည်၏ အခြားမဲ့မှာ ဘ၀သစ် မဖြစ်ရတော့ပဲ အစဉ် ထာဝရ ငြိမ်းအေး သွားပါတယ် ။ မေး ။             ။ နောက်ဘ၀ ဘယ်မှာဖြစ်မယ် ဆိုတာသိပါသလား ။ ဖြေ ။              ။  ဘယ်မှာ ဖြစ်မယ်လို့တော့ မသိပါဘူး ။ ဒါပေမယ့် ဗုဒ္ဓဘာသာတရားတော် အရ  ကိလေသာ မကင်းသေးလျှင် ဘ၀သစ် ဖြစ်ဦးမယ် လို့တော့ ပြောနိုင်ပါတယ် ။သီဟိုဠ် မှာလည်း ဖြစ်နိုင်ပါတယ် ၊ မြန်မာပြည်မှာလည်း ဖြစ်နိုင်ပါတယ် ၊ အင်ဒိုနီးရှားမှာလည်း ဖြစ်နိုင်ပါတယ် ။ ဥရောပ အမေရိကန် တို့မှာလည်း ဖြစ်နိုင်ပါတယ် ။ဗုဒ္ဓဘာသာတရားတော် အရ ဘယ်နိုင်ငံက လူမျိုးပဲ ဖြစ်ဖြစ် ၊ ဘယ်ဘာသာ အယူရှိတဲ့ လူပဲ ဖြစ်ဖြစ် ကောင်းမှု ကုသိုလ်ကံ ရှိလျှင်  ကိုယ်ဖြစ်လိုရာ နိုင်ငံ ၊ ကိုယ်ဖြစ်လိုရာ အရပ် မှာဖြစ်နိုင်ပါတယ် ။ ( အင်ဒိုနီးရှား မှာ ဖြစ်ဖို့တော့ နီးစပ်ပါတယ် ဟု  အရှင်ပီယဒဿီ  က နိဂုံး သတ်လိုက်သော အခါ ပြုံးရယ်ကြသည် ။ )                ကျေးဇူးရှင် မဟာစည်ဆရာတော်ဘုရားကြီးသည် အင်ဒိုနီးရှားပြည်သူများ မေး သော အမေးကို ဖြေရှင်းတော်မူသော အချက်သည် ခေတ်အမြင် ၊ ခေတ်အသိ ဖြင့် ဖြေရှင်း တော်မူသည် ဖြစ်ရာ ခေတ်လူ များအဖို့ အလွန်ရှင်းလင်း ပြီး သိလွယ်လှပါပေတကား ။     ။ ............................................................................................................................................................

ဆန်းလွင်	ရတနာသုံးပါးကို ကိုးကွယ် ယုံကြည်ဆည်းကပ်လာသူတစ်ယောက်အကြောင်း
	စာ -၄၄၃ -၄၄၄